عاوز اعرف في حد غير التيل قريب وكان كويس ما بيصفرش عشان انا سمعت ان كل التيل بيصفر
عرض للطباعة
عاوز اعرف في حد غير التيل قريب وكان كويس ما بيصفرش عشان انا سمعت ان كل التيل بيصفر
انا لسة مغيره و مش بيصفر و لا حاجة و الصفارة دي على فكرة مش عيب تيل دا علشان بيبقى في تراب و لو اتنضف بالهوا خلاص
على فكره الصفاره عيب تيل ونوعه رديء جدا بالاضافه انه مش بيطول
انا عن نفسي هغير اللي عندي واجيبه من بره من عند محل المدينه
الحاج محمد في شارع دمشق
سالت عنده قاللي الامامي 185 جنيه
والخلفي 150 جنيه
ماليزي مش اصلي طبعا
ولكن يفوق اللي في التوكيل
والتوكيل الامامي بيعمل بالتركيب 322 جنيه ووحش جداااا
يا جماعه انا جبت التيل الامامى 125 نوعه Fbk و جربته ما شاء الله شغال كويس و قالوا ليه برده الريمسا الاسبانى كويس بس مالقيتوش
انا جبت التيل من اولاد منصور 125 الى فى الجيزة
اسامة
الف مبروك على التيل و ياريت لو تقولنا على اخباره على طول ولو حصل معاك حاجة
مفيش حد فى اسكندرية
ياريت ياستاذ اسامه تعرفنا ايه اخبار التيل اللي انت جبته من اولاد منصور
لانه اعتقد انه نفس النوع اللي بيركب في التوكيل fbk
ولا ايه
وكمان انا زي ماقلت اني لقيت عند محل المدينه الامامي ب 185 والخلفي 150
وكمان اخدمنا بأه وقلنا غيرت التيل فين في حد معين ؟
اشكرك لاهتمامك
ياريت ياجماعه نوصل لتيل كويس ونستقر عليه
وكمان ايه رئيكم فى بوش الالمانى وهل متوفر وفين الاقيه ؟؟؟
حضرتك للمعلومة التوكيل لسه مغير الان عشان يركب Fbk ده انا الى سمعته لان النوع القديم كله اشتكى منه بس الى كان بيركب من فترة نوع ماليزى سيء جدا فى التوكيل
بس الحمدلله النوع Fbk شغال كويس لغاية الان معايا مفيش صوت ولا حجاه
و انا خدت التيل القديم بتعها فعلا هو بوش المانى الى العربية نازلة بيه .
انا خدته عشان اوديه لبتوع قطع الغيار الى شغالين فى بوش و اسالهم عنه لان الراجل الى بيبيع بوش فى ش دمشق قالى هتلى التيل القديم و انا اجيبلك زيه .
و ان شاء الله لما افضى بس هعدى عليه و ابلغكم عملت ايه .
انا يا جماعه عندى التيل اللى نازل فى العربيه بيصفر و شويه و يروح و يرجع يصفر تانى, ناس قالولى ده كده قرب يخلص و ده طبعا مستحيل انا عامل بيها14000 و هل كده ممكن يبوظ الطنبوره؟؟؟ عشان بحس بتقطيع لمل اجى افرمل براحه قوى, انا بقول تقطيع مش رفه اثناء الفرامل
شوف سيتك على حسب معلوماتى و الى اكدها مهندسى التوكيل برضه موضوع التيل مالوش علاقة بكيلو متر معين
ليه علاقة بطبيعه القيادة و الاستهلاك و كمان العربية مانيوال ولا اتوماتيك
يعنى فيه ناس بتشد بالعربية و تضغط فرامل على طول مستحيل التيل يكمل معاها اكتر من 15000 وده الاصلى لو الماليزى مش البوش بيغير على 10.000 بالكتير
انا غيرت على 25.000 لان انا بطبيعتى مش بجرى بالعربية و مشاوير الشغل معظمها سفر ومشواير الاسرة كلها هادية عشان كده كمل معايا لغاية 25000
نصيحة شيك على التيل عشان ماتبوظش الطنابير
ياريت يااستاذ اسامه تفيدنا قريبا منتظرينك
شكرا على النصيحه يا استاذ اسامه
الاستاذ مؤمن حمدي
التوكيل رفض انه يغير تيل انت جايبه من بره
انا سالت
وعموما انا هغير بره ولكن منتظر الاستاذ اسامه يرد عليا ويقوللي اخبار التيل اللي غيره من عند اولاد منصور ايه وبيصفر ولا لا
اشكر الجميع
انا اسف على عدم الرد السريع يا استاذه لظروف السفر بس انا حبيت ارد عليكم بعد ماجربته تقريبا الف كيلو
التيل الحمدلله ما سفرش معايا .بس انا ظهرت عندى مشكلة لازم اروح بيها التوكيل لمبة Abs نورت معابا و بعدين طفت عملتها مرتين
بس ان شاء الله هروح بيها التوكيل
لكم جزيل الشكر اسامة
شاكر جداً ليك استاذ احمد
و تقبل تحياتي اخي الفاضل :S_thum1[1]:
استاذ اسامة اعتقد ان موضوع ال ABS ملوش دعوه بالتيل الي حضرتك غيرته و لكن ممكن العربيه تكون عايزه ظبط من اكتر
لكن في سؤال حضرتك لما جربت تكبس علي الفرامل ال ABS اشتغل و لا لا ؟؟؟
و تقبل تحياتي :S_thum1[1]:
اولا انا رايح اعمل صيانه ال15000 و سالت المهندس مصطفى على سعر تغير و تركيب تيل جديد و قالى ب 350 و سالته لو انا جبت التيل؟؟ فقال ان العربيه هتطلع بره الضمان عشان ممكن تبوظ الطنابير
ثانيا انا لمبه ال Abs نورت عندى قبل كده برده و هسالهم عليها المره الجايه و هقولكم ايه اللى حصل مع انى متوقع الرد هيكون "لا عادى مفيهاش حاجه دى بس تلاقى اللمبه علقت ولا حاجه"
hالي الاخ formoza لازم تغير التيل عشان كده بيديلك انذار انو خلاص بيودع و الابره بتعلم في الطنبور و لسكان الاسكندريه قطغ غيار gen2 متوفره بجوده جدا في محلين بشارع صلاح الدين قبل اشاره عبد المنعم شركه المختار بجوار المدرسه الالماني و اليابانيه قبل المختار بمحلين كده و عن تجربه وانا عامل 13500 كلم و لسه مغير تيل امبارح من عندو و جيد جدااا..
مفيش تصفير عندي خالص و 100 100 و سعرو جميل جدا 170 جنيه بس في منو رخيص 70 جنيه بس اي كلام خالص بس لو تديني فكره عن ارتياحك للفرامل عامه انا راكب اوتوماتيك و عامل 13600 ك بس من ساعه ما جبتها مش مبسوط ان بدال الفرامل واطي شويه بس بتمسك كويس اصل انا كنت راكب 206 اوتماتيك بس فرامل عادي مش Abs وطبعا كانت عاليه
شاكرين جداً ليك يا اخي الفاضل علي الافاده لاني بصراحة كنت عايز اعرف محلات في اسكندرية بتبيع قطع الغيار لبروتون و الحمد لله حضرتك وصلتي لهم
بس في سؤال التيل الي حضرتك جبته ب 170 دا نوعه ايه ؟؟؟؟
و تقبل تحياتي :S_thum1[1]:
ما علشان كدا يا محمد انا بسأل احنا حندفع 350 جنيه و كمان بيصفر ؟؟؟؟
و بيني و بينك يروح الضمان بس المهم الواحد ميشتريش حاجة غاليه و كمان بتصفر و كمان بتاكل الدسكات و مشاكل ملهاش اول من اخر
و تقبل تحياتي :S_thum1[1]:
التيل نوعه بندكس و جرب حيعجبك اوي و المكان اللي قلتلك عليهم هما الوكيل بتاعو مش حتلاقي غير عندهم
النوع دا في منه خلفي و نازل للبروتون مخصوص و غير متوافق مع اي عربيه و النوع ده نازل منه للتيوتا كرولا و هوندا سيفيك 2008 وانت عارف دي عربيا عاليه و تأمر ياباشا اي استفسار.. بس انا عندي استفسار انا عايز اركب فلتر اسبورت لو حد مركبو عندو يرد علي بالتفصيل بيفرق ولا ايه و ايه نظام استهلاك البنزين..
يا باشا احنا شاكرين افضالك علي الردود الجميلة و المعلومات القيمة دي
بالنسبة للفلتر الاسبور في الاخ هاني MAGIC و هو يقدر يفيدك
و لكن انا معلوماتي بتقول انوا فعلاُ بيزود استهلاك البنزين :w6266d
و طبعاً مع الحرق بيزود اكتر الاستهلاك
و تقبل تحياتي اخي الفاضل
ياريت لو مكان وتليفون توكيل بندكس؟؟؟؟؟؟؟؟؟؟اقتباس:
التيل نوعه بندكس و جرب حيعجبك اوي و المكان اللي قلتلك عليهم هما الوكيل بتاعو مش حتلاقي غير عندهم
شركه المختار التجاريه شارع صلاح الدين بجوار المدرسه الاماني و الشركه اليابانيه قبله بمحلين
معلش اصل انا مش من القاهره انا من الاسماعيليه فممكن بالتفصيل شويه .اقتباس:
شركه المختار التجاريه شارع صلاح الدين بجوار المدرسه الاماني و الشركه اليابانيه قبله بمحلين
العنوان ده بالاسكندريه مش القاهره
مفيش بعد كدة كلام,,,,,,,
والبوش الالماني حد جربه؟؟
البوش الالماني مش موجود وان لقيته زي ماتقاللي والله اعلم هتلاقيه غالي ومش هو الاصلي كمان
نشوفه بس الاول حتى لو غالي