السلام عليكم
اولا انا سعيد بانضمامى اليكم جدا لانة منتدى رائع جدا
و ارجوا الرد على استفسارى الحمد لله اليوم او غدا هشترى سيارة جديدة و اختيارى وقع على الجراند بونتو فهى من وجهه نظرى رائعة فما رأيكم..........فانا احب المشورة ......منتظر ردكم بفارغ الصبر :wink:
شايف ان انت معاك جين تو ....بص يا سيدى انت شايف كام واحدة جراند بونتو فى شوارع المحروسة عدد لايتجاوز اصابع اليد الواحدة...وبالتالى تكلفة الصيانة هتبقى عاليييييييييييييييييييييي ية واعادة البيع منهارة ده غير ان البونتو العادية (بصراحة معرفش حاجة عن الجراند) معمولة من ورق الكلينكس.... بتمن الجراند بونتو ممكن تشترى حاجات اروش وشبابية اكتر وفلوسها فيها
وربنا يوفقك وابقى قولنا عملت ايه
الجراند بونتو عربية رياضية رائعة، قطع غيار مش رخيصة ابداً + مش موجودة غير في التوكيل.
سعرها مبالغ فية شويتين بالنسبة لعربية في الفئة دي.
عموماً هي مش منتشرة ولو الملاحظات السابقة متفرقش معاك يبقى الف مبروك مقدماً :) .
الف شكر على ردكم السريع
انا شايفكم مش مفضلنها يعنى لانسر 1300 افضل
بص الشعب المصرى قال كلمته اللانسر عربية ممتازة من كل الوجوه وكأنك حاطط فلوسك فى البنك ولو عاوز تروشها سهل جدا وفى موضوع جامد جدا عن ترويشها فى صفحة التعديلات وربنا يوفقك
انا لو مكانك هشتري لانسر اضمن مع العلم ان اللانسر دي اخر سنة ليها 2008 وبعدين مش هيبقى في منها الشكل الحالي لاكن عموماً اللانسر منتشرة وقطع غيارها منتشرة وفي كتير بيفهموا فيها.
بارك الله فيكم
بص يا باشا انا رأيى ان عيوب البونتو السعر المبالغ فيه مش شويتين قول اربع خمس شويات . دا غير موضوع اعاده البيع اللى لو فكرت تعمله هتلاقى العربيه اتخسف بتمنها الارض . العربيه كعربيه زى الفل مقلناش حاجه لكن المشكله فى سياسه التسويق الفاشله بتاعه وكيل فيات فى مصر عموما . بص بمبلغ فى حدود التسعينات تقدر تشترى حاجات كتير قوى هتكون صفقه احسن من البونتو بكتير قوى
وعموما فى اختيارات تانيه كتير قوى ممكن تختار منها
خلاص يعني يا جماعة الفيات باي باي
مفيش أي حد بينصح بيها يا خسارة
الله يجازي الوكيل اللي عمل فيها كده
خشوا علي سايت فيات هتلاقوا عربيات تحفة متعددة الإستخدامات دول عاملين عربية 4*4 1300 cc و فيات بتصنع في البرازيل و تركيا والصين يعني هتبقي أسعارها جميلة
الله يجازي الوكيل اللي حوجنا علي الكوري
بس كده يبقي غبور عبقري إنه عمل من هيونداي 30% من السوق و خلي قطع غيارها عند البقالين بدل المقولة الشهيرة اللي كانت بتتقال علي الفيات العظيمة
و شوفوا وكيل فيات و تشكيلته و أسعاره الغريبة مش منزل ولا عربية أتوماتيك و أصلآ كل الناس دلوقتي مبتجيبش غير الأتوماتيك ،، ده الشاريد و البيكانتو بينزلوا أتوماتيك
نصيحتى المخلصه لك هى" لا" للأتى:
1- الوكيل مختار أضعف موتور لتلك السيارة hp77,8v علماً بأن شركة فيات منزله السياره دى بمواتير أفضل من ذلك ويمكن الرجوع للربط التالى :
http://www.nilemotors.net/Forum/viewtopic.php?t=5994
2- أن معى بونتو 2004 وكنت فى التوكيل من حوالى شهر ووجدت واحد معه G.PUNTO فسألته عنها
فوجدته بشتكى من أداء السيارة لبطء تسارعها وأن السعر المدفوع فيها لايتناسب مع أدائها
3- خبرة مراكذ الصيانه المعتمده الموجودة فى مصر ليست على مستوى التكنولوجيا الموجودة فى بعض مميزات السياره على سبيل المثال خاصية الـCITY لو حدث بها عطل تجد نفسك مطالب بتغير أطمة الدريكسون فى حدود 4000 جنيه حسب إفادة التوكيل لأنهم مبيعرفوش يصلحوها.
4- من أحد المهندسين فى مركذ الصيانه أفاد بأن عفشة G.PUNTO بها مشاكل .
5- ممكن تدخل التوكيل نتشتكى من شىء ما وعندما تدخل التوكيل للصيانه يتم إصلاح المشكله وتفاجىء بمشكله أخرى عندما تخرج .
عموما أنا بفكر جيدا فى بيع سيارتى ليس لشىء سوا لسوء الوكيل والخدمة المقدمة منه
نقس الكلام هنا .. انا معايا فيات باليو 2006 .. 1300 البرازيلي .. كنت جايبها ب 68 الف .. و نفسي جديا ابيعها . .لكن سعرها نزل قوي ... السيارة كويسة .. لكن التوكيل .. سيء سيء سيء سيء .. و غالي جدا !
ال سياره جميله جدا فعلا تصميم ايطالي
بس يعيبها الكراسي الخلفيه
و بالطبع الوكيــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــل
الف الف شكر
ghalya t7n lw m3aya flosha mesh hshtreeha
2odamy 7gat tanya agmd
lancer
yaris
wlw dma3`y fee al hatch back yb2a al yaris hatch back ((mesh 3arf feeh mnha gdeed wla l2a)) aw seat ibeza