-
انا فعلا معلي العربية من ورا خالد حط كوتشة فوق المساعد بس مش علية قوي فهل دة يكون سبب الرجرجة وعلش هتعب حضرتك معايا كالون الشنطة سايب ولما اركب الوير بتاع فتح الشنطة من الداخل الشنطة تفتح وانا ماشي لوحدها تعرف حد كويس يظبطها وكمان عندي مفتاح السرعات بتاع التكييف بايظ ممكن لو تعرف حد بتاع تكييف كويس قولي علية وشكر لتعبك معايا
-
طبعا مفيش مشكلة انك توضع عليات صغيرة المهم متبينش بمجرد النظر ان العربية عالية وموضوع الشنطة ده مش فاهم المشكلة
هو الوير بيبقى مشدود اوى يعنى والا اية لو مشدود لدرجة انه بيفتح الشنطة والا هو القفل فية مشكلة
-
السلام عليكم ورحمة الله وبركاتة
انا برضة من مالكى السويفت 94 وفعلا بحبها جدا وهى عربية كويسة جدا بالنسبة لمشكلة الشنطة كانت بتحصل معاياوسمعت فتاوى كتير ووصلت لحل من اثنين
اما تفصل السلك وتريح دماغك او تعمل زيى لما جيت اركب سنتر وانذار اخترت نوع فية زر لفتح الشنطة فى الريموت ولكن حاول تجيب ريموت يكون الزر دة علية غطا او بعيد علشان مشكلتى الان ان العيال تلعب تفتح الشنطة واضطر انزل اقفلها دا لو عرفت انها اتفتحت اصلا هههه
-
واله يااخى انا سايب الشنطة من غير مير خالص والدنيا مبهدلة عندى اهم حاجة عندى الموتور وصحة الميكانيكا علشان انا ساكن فى 6 اكتوبر ولو العربية عطلت عندى انا عندى واحدة تانية علشان الوضع هنا صعب شوية انا عندى واحدة بيضاء وواحدة نبيتى وسلام
-
انا روحت لخالد معلش هو ماكنش امين معاى اى حاجة عملتها عندة ماكنتش مظبوطه و عماتها تانى
-
اية هى الحاجة اللى مش مظبوطة ممكن اعرف علشان اساعدك
-
السلام عليكم ممكن اعرف سعر السويفت كام النضيفة وايه اخبارها لما تشغل التكييف خصوصا انها 1300
-
فى الوقت الحالى السويفت لما تكون نظيفة اوى تعمل 28 الف ولا تتعدى اى سويفت ال 30 الف اما بخصوص التكيف كويس
-
-
و الله يا أ/عماد 1000 شكر ليك على وقتك ومجهودك ده وأنا معايا السويفت من سنة كده موديل 97 ..و غيرتها بعد ما كنت بسوق 128 ..و كل الناس نصحونى مجبهاش لكن بصراحة جبتها عشان إمكانياتى المادية متسمحش بحاجة فى نفس فئتها غيرها ..و إكتشفت إنها عربية ممتازة مقارنة بسعرها أولا ...ثانيا مقارنة بال128 ..عندى مشكلات يا فندم أرجو الرد عليها ..
1/ التكيف عندى مش برد أوى يعنى بالعافية بحس بيه هو واللى قاعد جمبى فى الكرسى اللى قدام اللى عند الكنبة ورا لا حياة لمن تنادى ..برغم إنى شحنته أكتر من مرة عند ناس محترمة فى التعامل مع التكيفات...
2/ أرجو تدلينى على حد يصلح السويفت متخصص((ميكانيكى و كهربائى و عفشجى)) ...فى منطقة الهرم أو الجيزة أو المهندسين..عشان أنا بيطلع عينى بجد ..العربية ساعة ما إشترتها كانت ممتازة ..بس كان صاحبها من شبرا و بيصلحها هناك ..و أنا مرهق جدا بالنسبة لى مشوار شبرا ده ..
جزاكم الله خيرا
Content Relevant URLs by
vBSEO 3.6.0 PL2