ياجماعة انا قررت اخيرا بعد مرورة 10 سنين سويفت ان اعتزل وجاهز لمساعدة اى حد من الاخوة

**emad2002** · 21-04-2009 03:00 AM

اخوانى اى حد عنده سويفت وعنده اى مشكلة يكلمنى على الايمل مش حتصدقو انا ركبت 5 عربيات سويفت منذ سنه 98 حتى الان بعد عتاب من الناس كتير جدا من كتر حبى للعربية قررت تركها للاسباب الاتية
الاولاد زهقوا من العربية بجميع الوانها وكل ما اشترى عربية وهما نزلين يقولوا سويفت تانى طبعا انا حزين انى قررت القرار ده بس اعمل اية كفاية كده اجرب حاجة زيرو والواحد سنه بيكبر وخلاص
اول عربية ركبتها كانت زيرو موديل 98 بيضاء اول كنت اشترتها ب 39000 جم
اعدت 5 سنوات وبعدين عملت بيها حادثة بعتها ب 23000جم
تانى عربية كانت موديل 94 لونها زيتى اشترتها من سوق الجمعة ب 28000 الف كانت سليمة بس النصاب اللى باعها كانت الموتور بيه 2 بستم مكسورين والحمد لله صلحتها واتاعت زى الفل ب 31000 واعدت معاى 8 شهور
تالت عربية كانت كحلى موديل 95 اشترتها ب 27000 كانت فوق الممتازة معملتش فيها اى شغل واحد صاحبى فى الشغل اشتراها منى بنفس المبلغ تقربيا وبعد سنه ونصف اشترتها منه تانى واشتلراها عديلى منى تانى بعد ما اعدت معاى 6 شهور وانا لسة بشوفها لغيت دلوقتى
الرابعة كانت نبيتى وهى معاى دلوقتى موديل 93
خامس عربية كانت بيضاء موديل 93 وهى ايضا معاى يعنى انا دلوقتى معاى 2 عربية سويف بس العربية البيضاء مش حركبها خالص وان شاء الله الاتنين يتباع وده قرار نهائى وقرار صعب على انى اسيب السويفت بس كفاية كده
اجرب حاجة تانية من الزيرو
وانا بكتب الموضوع ده علشان اللى عايز اى حاجة يكتب فى المنتدى وانا حرد علية لو فى اى مشكلة عندة فى العربية على حد خبرتى حجاوب على اى سوال او استشارة

**m7nsh** · 21-04-2009 11:25 PM

ماشاء اللله عليك !! ايه الحب السويفتاوى ده كله ؟؟ انا خايف لتكون المدام بدأت تغير ولا حاجه :)

فكرتنى بعضومعانا كان معاه ماروتى و باعها واشترى ماروتى زيرو :)

اصل احنا السوزوكاويه ناس عشريه اوى :)

بس ماشاء الله زمان حضرتك بدون مبالغه او مجامله خبييييييير سويفت ,, و فعلا فرصه كبيره لأى حد عاوز يستفسر عن حاجه

انا مش معايا سويفت بس حبيت أمسى ,, و شكرا لحضرتك مقدما لرغبتك فى افاده الناس

تقبل خالص تقديرى

**emad2002** · 22-04-2009 02:21 AM

متشكر لردك الجميل بس على فكرة بجد العربية كويسة بالمقارنة بالعربيات اللى فى نفس السعر
وعلشان احب اعرفك حاجة انا ركبت دايو نزلت ركبت سويفت وركبت هيونداى اكسيل
عربية كويس جدا وسعرها اريبمن ال 128
وشكرا

**A_H_M_A_D** · 22-04-2009 10:13 AM

حضرتك فكرتني بواحد قريبي جاب الماروتي أول ما طلعت زيرو سنة 94 و من ساعتها وهو ما بيركبش غيرها , يبيع ماروتي و يشتري ماروتي تانيه أحدث , و ساعات برضه كان بيخلي القديمة و يشتري فوقيها واحده تانيه
واضح إن السوزوكي إدمان , على فكرة انا كان عندي ماروتي لمده 6 سنين و لسه بايعها السنادي , بس كانت عربيه واحده بس طول المده دي

**sss2000** · 22-04-2009 08:09 PM

ربنا يبارك لك ويوفقك انا عندي سويفت موديل 94 بقالها معايا سنة تقريبا ومن فترة رحت لواحد شغال في التوكيل قالي المساعدين قدام خفاف والدريكسيون فية بوش والكبالن عندي ابتدت فيها طقطقاة في الملفات فهل هذا طبيعي والا اية رايك مع العلم ان الراجل دة امين جدا

**emad2002** · 23-04-2009 05:03 PM

ممكن اسم الراجل ده علشان اكيد انا بتعامل معة
اخى العزيز اولا وعن يقين مفيش امانه فى الصناعية على العموم لو هو امين فعلا ربنا يبارك فى رزقة
انا بتعامل مع الصناعية بس ممكن علشان انا عارف العربية كويس وبحدد اللى حشتغل فية قبل ما اروح
يعنى الاعراض اللى عندك مش من حق الميكانيكى اللى شغال حتى فى التوكيل يشتغل فى العفشة لانه فى التوكيل الميكانيكى ميكانيكى والعفشجى عفشجى
المهم اولا موضوع المساعدة علشان يتعرف المساعد خفيف والا لاء لازم يفك كل جنب ويخرج المساعد من السستة وبعدين يتكلم
موضوع البوش ده بيبقى تربيط من عند عمود الدركسيون
اما الكبالن متخفش منها خالص انا طول عمرى بركب عربيات صوت الكبالن عالى فى الملفات ومش بشغل بالى بدل الصوت خفيف وبعدين لو الصوت عالى جدا اشترى راس كبلن جديد ب 90 جنية تقريبا

ونصيحة لو الميكانيكى امين جدا جدا خد بالك منه علشان الثقة ده بتدفعك فلوس بالهبل
وربنا يوفق

**mnp** · 23-04-2009 11:48 PM

حاخى فى الله ممكن النصيحه لانى تعبت من العربيه ومن شغل المكانيكيه اولا مشكلتى تنحصر فى الاتى 1- كل يوم يظهر عيب شكل فى الموتور مرة الزيت يدخل على المياة فى الردتير خلونى غيرت جوان تانى مرة رجع نفس العيب قالو العيب من الميكانيكى وغيرته تانى وظبط تاكيهات قعدت اسبوع ورجع نفس العيب قالو كدة الموتور بينفخ وطالما بينفخ يبقا لازم تعمل عمرة بصراحه انا صرفت على العربيه اكثر من اللازم يعنى لوقولتلك المبلغ مش هتصدق المه انا طال نصيحتكم كيف اعلم حاله الموتور وهل محتاج لعمرة ولا ايه الموضوع بالظبط دلونى افادكم الله

**emad2002** · 24-04-2009 02:48 AM

بص من يايرت نتكلم مع بعض شويه بس
كلمنى على الايميل hageen2002@hotmail.com

**sss2000** · 25-04-2009 12:39 PM

شكرا علي ردك واهتمامك الميكانيكي اسمة خالد ورا سنترال المطرية وهوا راجل امين فعلا من خلال تعاملي معاة يعني الحاجة الي لازم تتغير بيقولي نغيرها والحاجة الي ممكن تستني بيقولي سيبها شوية وهوا طلع معايا بالعربية مشوار وجربها وكشف عليها من تحت وهوا حافظ العربية من الالف للياء
نا غيرت عندة مساعدين امامي وروس كبالن وعلبة الدريكسيون ربطها زي ما قولت وقلي ما تشغلش دماغك بيها دلوقت بس كنت عايز اسالك استهلاك البنزين اخبارة اية معاك وعلي فكرة هوا بص علي الكمبرسور بتاع التكييف لاقاة بيعمل صوت قالي محتاج بلية فهل دي بتتغير وعند ميين

**emad2002** · 27-04-2009 12:59 AM

بص عن امانه خالد ممتاز بس انا بخروج من عنده مفلس يعنى عنده كل حاجة للعربية ولازم اكون واقف معه طول اليوم
اما بلية الكمبرسور ممكن كهربائى هو اللى يعملها
وتحياتى لجميع الاعضاء