الموضوع: عايزة اركب كاسيت للماروتي، ممكن تساعدوني

المشاركة الأصلية كتبت بواسطة KoDaK_Gti

رقم المحل 27736142 - 0123958929
عنوانه 77 ش رمسيس سوق التوفيقية
المهم تسألى على UB علشان فى منه عادى بدون usb وتسألى على صناعة السماعات
معرفش حاجة عن الانذار بصراحة

متشكرة جدا علي رقم التليفون و العنوان
أنا كلمت المحل امبارح و قالي التالي:
ال 2050 ب 460 جنيه
ال 3050mp ب 600 جنيه
ال 3050up ب 725 جنيه
في موديل جديد نازل شبه ال 2050 وهو ال 1150 بيبقي فيه تظبيطات اكتر ب 490
ال سماعات ال Pioneer ال 400 وات ب 310 جنيه

قلتله انتوا بتركبوا، قالي حنبعتك لحد تبعنا، وراح قايلي علي أدريان، قلتله هو تبعكم قالي اه، قلتله بس الاسعار عنده أغلي، قالي عشان احنا جملة لكن هو بيبيع بالقطعة.

أنا ان شاء الله حنزل هناك و احاول انزل كمان عن الاسعار دي وربنا ييسر .

الحمد لله نزلت التوفيقية و اشتريت ال 3050ub ب 675 و السماعات ال 300 وات وركبتهم في العربية (عند
المايسترو) و شغلين حلو ماشاء الله، انا مش فاكرة للاسف اسم المحل عشان المحلات كانت بتقفل ساعة منزلت و الكيس مكنش عليه اسم.
بجد انا بشكر كل اللي ساعدوني بالنصيحة
و كان عندي سؤال هو الكاسيت او السماعات بيبقي معاهم
ضمان؟؟

المشاركة الأصلية كتبت بواسطة KoDaK_Gti

مبروك
الكاسيت بس اللى معاه ضمان

الله يبارك فيك متشكرة ليك بجد
طاب هو الضمان بيبقي جوا العلبة و لا الراجل بيدهوني لوحده؟؟ أصل انا لما فتحت العلبة كان فيها كتالوجين و ورقة صفرا فيها ارشادات التركيب، انا كنت بصراحة فاكراها هي الضمان بس مفيش اي حاجة فيها مذكورة تدل علي ذلك

المشاركة الأصلية كتبت بواسطة sab3aawy

مجرد سؤال للعلم بالشئ؟ هل ركبتى الكاسيت فى علبة منفصلة وللا احتاج تقطيع فى تابلوه السيارة؟

الراجل اللي ركب الكاسيت شال العلبة الرمادي اللي مكتوب عليها Maruti وركب حاجة اسمها Console و ركب فيها الكاسيت، ححاول ان شاء الله أصوره و أرفع الصورة.