سؤال بخصوص زيت الباور

**abdelmessih67** · 21-04-2009 10:45 AM

الاخوة الافاضل

لاحظت عندي نقطتين الاولى اني بأزود زيت الباور كل حوالي 180 كيلو و بازوده حوالي 2سم ارتفاع و أنا لسه شاري العربية من حوالي شهرين فقط و هي تمبرا مو1998 و طبعا عربيتي القديمة كانت 125 مو1977 و ماكانش فيها باور و مش عارف هل هذا الاستهلاك عالي أم عادي ؟؟؟؟؟؟

أنا كنت متخيل أن تزويد زيت الباور بيبقى زي زيت الباكم كل الف كيلو مثلا او أكثر لما بأزود حاجة بسيطة و مش عارف هلى هذا الاستهلاك في زيت الباور مؤشر خطر لطلمبة الباور أم لا .

السؤال الثاني : عندي السنتر لوك بيقفل و يفتح الابواب و الشنطة عادي جدا لكن الاسبوع الماضي رشيت الباب الخلفي و الرفرف لوجود خدوش بهم و من بعدها الباب الخلفي لا بيقفل و لا بيفتح مع السنتر و بأقفله و أفتحه يدوي فهل السمكري لما فك الباب نسي يظبط توصيلة سقاطة هذا الباب مع السنتر أم أن المشكلة أكبر من هذا ؟؟؟؟؟؟؟؟؟؟

سؤال و لو انه يبدو ساذج لكن أعذروني لاني أول مرة أتعامل مع الباور و السنتر بأعتبارهما كماليات حديثة بالنسبة لي , أروح لمين على رأي الست في موضوع السنتر ؟؟؟؟؟؟؟؟؟؟؟ أروح لكهربائي و لا لواحد بتاع كوالين و مفاتيح و ضبط أبواب ؟؟؟؟؟؟؟؟؟؟؟؟؟

شكرا لتعبكم مقدما

**SAMEH_FOUAD** · 21-04-2009 02:34 PM

اولا:زيت الباور مابيتزودش انت كدة ممكن يكون عندك تسريب فى الخراطيم حاول تشوف منين او تدوديها لميكانيكى يحلهالك
ثانيا:كدة الراجل ممكن يكون بوظ الاربة بتاعة الباب دة وممكن مايكونش ركبها اصلا فوديها للكهربائى وهو هيعملهالك ان شاء الله وبسيطة جدا ياباشا مافيهاش اى مشاكل موضوع السنتر دة كلة مش هيتكلف اكتر 30 جنية بالمصنعية لو فية قربة بايظة لاقدر الله وبأذن الله مش هيطلع فى حاجة وهيكون نسى يركبها ومش هياخد غير حق الفك والتركيب

**abdelmessih67** · 21-04-2009 04:42 PM

المشاركة الأصلية كتبت بواسطة semsem kane

اولا:زيت الباور مابيتزودش انت كدة ممكن يكون عندك تسريب فى الخراطيم حاول تشوف منين او تدوديها لميكانيكى يحلهالك
ثانيا:كدة الراجل ممكن يكون بوظ الاربة بتاعة الباب دة وممكن مايكونش ركبها اصلا فوديها للكهربائى وهو هيعملهالك ان شاء الله وبسيطة جدا ياباشا مافيهاش اى مشاكل موضوع السنتر دة كلة مش هيتكلف اكتر 30 جنية بالمصنعية لو فية قربة بايظة لاقدر الله وبأذن الله مش هيطلع فى حاجة وهيكون نسى يركبها ومش هياخد غير حق الفك والتركيب

اهلا بالاخ سمسم شكرا لتفاعلك و مشاركتك

أنا أول مرة اعرف ان زيت الباور مش بيتزود و الحقيقة انا اشتريت لتر زيت باور اسو ب 18 جنيه فهل زيت الباور عامل زي زيت الموتور بيتغير كل كذا كيلو بدون تزويد الا لو نقص و لا هو بييتغير فقط ؟؟؟؟؟؟؟؟؟

ثانيا سامحني في السؤال : ما المقصود بالاربة ؟؟؟؟

هو حسب ما أنا متخيل أنه ممكن يكون في ذراع معين بيشد السقاطة و يرفعها مع السنتر و الا تخيلي هذا خطأ ؟؟؟؟؟؟؟؟؟؟؟؟؟؟

رجاء الافادة لاني جديد شويتين في موضوع السنتر

**abdelmessih67** · 21-04-2009 04:47 PM

المشاركة الأصلية كتبت بواسطة aYaBooY

ليك وحشة يا باشا
موضوع زيت الباور ممكن اكتر من حاجة
فيه خرطوم بيسرب و ممكن يكون فيه اويلسيل في الاسكترا بيسرب ممكن تروح لميكانيكي يحددلك العيب فين
موضوع السنتر اكيد الاخ الفاضل بعد ما سمكر نسي يركب السنتر محتاج يا اما تروح لحد بتاع ابواب يعملها او كهربائي

أنت ليك وحشة أكثر يا اخ ايابوي

بالنسبة لزيت الباورهأعمل زي ما قلت و لكن الى حين انا اشتريت لتر زيت باور و بأزود منه فهل سأحتاج لتغييير الزيت كله أم اكتفي بالتزويد بعد التصليح ؟؟؟؟؟؟؟؟

بالنسبة للباب أنا شخصيا بأرجح أن السمكري نسي يركب السنتر أو الذراع اللي بيحرك السقاطة حسب ما أنا متخيل