استاذ كريم , بلاش تركز مع الاختلافات البسيطه دي :-)
الاهم هو التركيز في (قبل وبعد) عمل الايدل ليرن , طالما في فرق حصل بعد عمل الايدل ليرن فـ ده معناه انك عملت حاجه مفيده بغض النظر عن اذا كان الكنترول محتاج الموضوع ده ولا لا
عرض للطباعة
استاذنا الكبير محمد بك الشامى
اولا كل عام و انت بخير و اتمنالك عيد سعيد
سبب تركيزى على النقط دى انى بركن العربية فترات و بستخدم الفسبا اكتر حاليا فى الصيف . و بشيل كابل البطارية . عشان كدة مركز فى نقطة شيل الكبل دى كل مرة هشيل الكابل هعمل الموضوع دا ؟؟ دا طبعا حسب المكتوب . فهمت القصة . ممكن تقولى طب لية بتشيل الكبل . اقولك سبت العربية 12 يوم بدون دوارة ولا حاجة لقيت العلامة الخضرا يا دوب ظاهرة مع التركيز . سافرت اسكندرية بيها و دا كان يوم المقابلة فى المقطم قضيت مشوارى و شحنت البطارية و لما رجعت شلت الكابل علاطول . و دى احسن حاجة اعملها و كنت بعمل كدة فى العربية اللى فاتت . هل كل مرة هشيل الكبل هعمل الموضوع دا ؟؟؟؟ فى اختلاف فى الراى المنشور اللى حاطة بيقول حاجة و اللى اتقال هنا حاجة . طالما مفكتش الكنترولر متعملش حاجة او لو شلت البطارية متعملش حاجة . عكس المكتوب فى المنشور . اسف للاطالة .
كل سنه وحضرتك طيب يا استاذي الفاضل :-)
والله يا استاذ كريم انا هقول لحضرتك رأيي , وطبعا كلامي ده لا يغني عن رد محمد ممدوح شخصيا
طالما السلانسيه مظبوط لما بتركب كابل البطاريه فده معناه ان الكنترول لسا محتفظ بظبطة الايدل كنترول , و وقتها مش هتحتاج تعمل ايدل ليرن , لان حسب ما فهمت ان ذاكره الكنترول زيها زي ذاكره بعض اجهزه تانيه , بتفضل محتفظه بالداتا اللي عليها لفتره معينه وهي مفصوله (حسب حاله الذاكره) و بعد توصيلها مره تانيه غالبا هتكون لسا محتفظه بكل الاعدادات , وفي حالتنا هنا هنقول ان الدليل على كده ان سرعه السلانسيه مظبوطه ومفيش مشكله , ولو الظبط ده راح من على الذاكره فهتلاقي مؤشرات تنبهك , وهي انك تلاقي سرعه السلانسيه مش مظبوطه
انا واحد من الناس غيرت البطاريه مرتين تقريبا ومكنتش اعرف موضوع الايدل ليرن ده خالص , وكانت العربيه مفهاش اي مشكله في السلانسيه
ولما عرفت الايدل ليرن بقيت بعد اي مره افصل فيها البطاريه بعمل ايدل ليرن من مبدأ (التكرار يعلم الشطار) بالنسبه للكنترول بتاع العربيه :-)
يعودها علينا بخير يا رب
اشكرك للاهتمام و المتابعة . تغير البطارية لن يتعدى فيها الفصل عن 10 دقايق بالكتير دى نقطة . و معاك ان ممكن تظل الذاكرة محتفظة باخر اعداد لها و لكن الى اى مدة ؟ طبعا فى المنشور اللى انت حاطة مش كاتب اى مدد و لا محدد .
عموما هى مش فارقة بس بحب اعرف التفاصيل و بالذات فى موضوع فصل البطارية لمدد و ليس دقائق او ساعات
كنت فى الدقى انهاردة الصبح لو كان معايا رقمك كنت كلمتك و اتقابلنا او حتى نزلتلى تحت
متابع
تالت يوم . خير هو استاذنا الكبير ممدوح فين ؟؟؟؟؟؟؟؟
مردش عليا !!!!
اجازات العيد بقى يا باشا
الايدل ليرن هو مجموعة معلومات عن وضع الايدل كونترولر و سرعة السلانسية بيحتفظ بيها الكونترول فى ذاكرتة
عند فصل كابل البطارية او ازالة فيوز الكونترول بيفقد المعلومات دى بالتالى بيحتاج ايدل ليرن من الاول
يبقى من الطبيعى عند فك البطارية او الفيوز تعمل ايدل ليرن
MMamdouh
نورت يا غالى المنتدى مضلم من غيرك
يا سيدى اجازة سعيدة و عيدك كلة كحك بس مش كحك بتاع المدارس :ma:
شرفتنى بردك الغالى . يعنى لما افصل البطارية كام يوم او اسبوع يفضل عمل الموضوع دا ماشى فهمت كدة مع ان المفروض ان الكنترولر يكون فيها حاجة اسمها ميمورى تشيب دى حتى موجودة فى بعض اجهزة الكاسيت المحترمة بس بتكون على السيكيورتى كود مش المحطات اللى انت مخزنها و تفضل محتفظة بالرقم السرى حتى لو بعد سنة . طب لو زى ما قال اخى محمد الشامى مثلا عند تغير البطارية و لو لمدة دقائق هل برضة تحتاج تعملة ؟ معلش استحملنى احنا بس بنحاول نوصل لكل احتمالات و الظروف اللى تخلينا نعمل الايديال ليرن
تقبل تحياتى يا غالى
طالما الكهرباء اتفصلت عن الكونترول لازم تعملة
MMamdouh
الله يخلليك يا باشا
MMamdouh
بصراحة أنا استفدت كتير من معلومات الزملاء
وشكر خاص للمهندس ممدوح
ولى أستفسار بسيط : قرأت أنه فيه أستيكر وأستنتجت أنه خاص بالمنتدى ويلصق على السيارة. هل أستنتاجى صح أم خطأ؟
وهل ممكن أستفيد من هذا الاستيكر وألصقه على سيارتى؟ أم أن هناك شروط معينة لذلك؟
انا سيارتى نوبيرا 2
وشكر لك مقدما ياباشمهندس
شكرا استاذ ممدوح على موضوعك الجميل
بس انا مش فاهم الحكاية اوى
دلوقتى العربية بترن عادى اول ما اخليها على الكونتاك تقريبا 5 رنات
بعد كدا بدور العربية مش بدور قبلها تمام
وعلى السلانسية بلاقيها بتنتش كدا تدى دفعى وتمشى بعدين تدفع وتمشى
فكدا فى حاجة ومحتاج اعمل الطريقة الى قولت عليها دى ولا لا وانا بتسخدم بنزين 80
تحياتى
اعمل الطريقة عادى انت مش هتخسر حاجة لو عملتها . بس اعمل الطريقة صح زى ما مكتوب
حاضر ان شاء الله اعملها ويارب تجيب نتيجة كويسة
تحياتى
يا جماعه محدش قال حصل معاه فرق بعد لما عمل الايديل ليرن ولا محصلش معاه فرق و تغيير فى الار بى ام ؟؟
ممكن اعرف المصدر الاصلى لموضوع الايدل ليرن ده وانا مش قصدى حاجه والله بس عايز أقتنع
شكرا بجد على الموضوع الجميل اللى اول مره اعرفه مع انى راكب لانوس اكتر من سنه بس عايز استفسر بعد ماافتح الكونتاكت 5 ثوانى اقفل وافتح الكونتاكت 3 مرات متتاليه واسيبها دايره 3 دقايق واشغل التكييف وهى وقفها مكنها من غير ماتحرك بالعربيه
شكرا على الاهتمام يا Ahmed Nasser
موضوع جميل ومميز
استفدت من كل المداخلات
بارك الله فيكم
الكبير كبير ...
ربنا يبارك لك يا كبير
واضح اني وقعت في وسط أساتذه و معلمين كبار .... حقيقي ربنا يبارك لكم ، الميكانيكي علي ما تفرج وهو بيعمل أي حاجه في عربيتك يقولك لو سمحت استريح الأسطي خايف تعرف هو بيخترع ايه ولو سألته عن العطل يقولك دي حاجه بسيطه ، ما علينا التكييف عندي مش شغال ازاي أعمل الآيدل ليرن وهل فيه فرق بينه وبين الآيدل كونترولر .... أشكركم بمحبه
يا ممدوح باشا .. كنت محتاج أنضف الكنترولر وطبعا فكيته كما شرحت لنا ونضفتة بال دي فورتي والدنيا ورد بعد النضافه ، لكن بعد التركيب والا]دل ليرن العربيه بتطفي بمجرد ما أشيل رجلي من علي دواسة البنزين لدرجة اني شكيت أكون عملت حاجه غلط أنا رجعت للتعليمات بتاعتكم ونفذتها بالحرف ، الحل ايه من فضلكم
كده يبقي المشكله اللي حصلت عندي ليس لها علاقة بالكونترولر ... ياتري ممكن يكون من ايه !!!!!
اللي حصل ان العربيه بعد الايدل ليرن لو شلت رجلي من علي دواسة البنزين تطفي , ولازم اسند الدواسه برجلي
رجلش المسمار بتاع البوابة
او وديها لكهربائى
لكل كل الشكر عل المجهود الرائع وروح التعاون
ياجماعه انا حاصل عندي مشكله من اكتر من شهر انا لما بعدي عالمطب ال rbm بينزل طبيعي لحد 1ونص ويثبت وصوت الموتور يفضل عالي ادي الغيار التاني مثلا واجي اعدي من عالمطب ينزل بسرعه لتحت ال1 وطلعه العربيه بيبقي فيها رجه كانها هتبطل نضفت الايدل مفيش فايده غيرته بواحد اصلي من التوكيل مفيش فايده شويه ولقيت العربيه ساعات تبقي مظبوطه وزي العسل وساعات تعمل كده تاني وتبقي زي الزفت الموضوع بايخ اوي ومضايقني جدا ومش عارف اعمل ايه
اسف لو كنت طولت عليكم وشكرا لحضراتكم جميعا مقدما