http://img838.imageshack.us/img838/6...19921600cc.jpg
عرض للطباعة
السلام عليكم
بداية انا اتفق مع استاذ علواني
كل اللي انت قلت عليه صح يعني من الاخر الحاجات اللي في الشاهين او الدوجان العفشة كاملة مفيش فيها اي تشحيم كله بيتغير باستثناء عمود الكردان وحاجة في الكرونة مش فاكر اسمها ايه بالظبط
يعني سيبك من شغل ال3 ورقات بتاع التشحيم دا لانه مش حقيقي وعلى فكرة المقصات والبيض والمتعلقات بتاع العفشة ما ينفعش تتشحم لان معنى انها تتشحم يعني تتحل الاول لاجزاء صغيرة مع الاخذ في الاعتبار كل القطع دي ما تنفعش تتحل بعد فكها من العربية
اتفضل يا باشا الاسعار دي من شركة النصر للسيارات
بس على حسب ما انا فاكر في حاجات زيادة عن اللي انت طلبته
http://www.nilemotors.net/Nile/71127...post3874067028
ازيكو يا رجاله , انا هحكلكو قصه صغيره كده وعايز رأيكم ومتأسف مقدما علي تصديع دماغكم
العربيه كانت مركونه تحت البيت لمده تقريبا خمس ايام من غير ما اسخنها ولا احركها المهم جيت يوم باليل احاول ادورها مرضيتش مع وجود صوت المارش لاكن مش عايزه تدور , حاولنا نزقها ونجيب غيار لاكن ابدا , المهم جبنا كهربائي بص بصة قالي الكونتاكت ده بيهرب كهربا وراح جايب سلك حط طرف في افيز لونه ازرق تحت واحد احمر جنب الاسبراتير ووصل الطرف التاني بالبطاريه راحت العربيه دارت من اول مره , للاسف محاولتش اصلاح العيب واكتفيت اني اخد السلك من الكهربائي وده بسبب انشغالي المهم فضلت العربيه شغاله لمده 5 ايام وبعد كده واقف قدام نادي الشرطه وحلفت ما هي دايره روحت عاملت السلكه اشتغلت وقولت الحمد لله , وانا راجع البيت في نفس المشوار عملت معايا حركه نص كم خالص, وانا ماشي علي 60كم تقريبا واذا بالعربيه سرعتها تقل تدريجيا وبطريقه سريعه مع عدم استجابته لاي فعل انا بعمله ( تقريبا بطلت ) وراحت واقفه مني في طريق صلاح سالم ( وتقريبا والله اعلم شميت ريحه شياط خفيفه اوي بس انا مش متأكد من الموضوع ده) المهم عملت حركه السلكه ومشيت تاني بس لاحظت ان العربيه سحبها ضعيف جدا وزي ما تكون مش عايزه تجري خالص .
طبع المشكله دي بجانب موضوع العفشه وزي نشع زيت تقريبا علي الموتور مخليني مخنوق ومش عارف اعمل ايه في العربيه دي
دلوقتي نفسي حد يجاوبلي علي الاسئله دي : هل الكونتاكت يعمل كل الي فوق ده ؟ ولو حد يعرف سعره؟
هل موصوع نشع الزيت علي الموتور ده معناه ان في حاجة غلط؟ وايه هي؟
العربيه عامله تقريبا ميتين وستين الف هل ده معناه اني لازم اغير موتور ؟ لان العربيه سحبها ضعيف .
انا بفكر جديا اني ابيعها علي عيوبها دي وازود علي المبلغ الي هتجيبو واجيب عربيه زيرو في الصيف , الرأي ده مش عجبني عاطفيا لان العربيه معايا بقالها 14 سنه ومستحرم ابيعها , مش عارف انتو رأيكو ايه؟
والله انا عمري مكنت عملت post زي دي الا لو عارف ان انتو رجاله وبتحبو دايما تساعدو , الف شكر مقدما للمساعده
بص ياباشا اللى اعرفه سعر الكونتاكت التيوانى بـ 60 جنيه من كام شهر بمفتاح عامل زى مفتاح الشقة مشرشر من جهة واحده
وكان فيه كونتاكت ايطالى (بس من شكله ووزنه حاسس انه مضروب) كان بـ 85 جنيه مفتاحه مشرشر من الجهتين شبه المفتاح الأصلى
الكونتاكت الأصلى التركى كان بيتباع بطقم كوالين بأبواب والشنطه وتانك البنزين كان بحوالى 230 جنيه (مش فاكر بالظبط)
-----------------------------
بالنسبة لنشع الزيت
99% من العربيات بتنشع زيت من فوق عند التاكيهات ومن تحت عند كارتيرة الزيت ... لو الزيت مش بينقص بصورة ملحوظة ... يبقى لا تقلق ومفيش مشكلة
فيه ناس بيقولوا ان النشع على التاكيهات من فوق بيسخن الماتور .. بس انا مش مقتنع بالكلام ده ... لو عاوز تحافظ على نظافة الماتور اشترى جوان تاكيهات فيه منه بـ 4 جنيه (فلل على كاوتش) وفيه منه بـ 8 جنيه كاوتش وبيتحط عليه سيلكون ويركب ويمنع النشع اللى فوق الموضوع سهل وتافه ومبياخدش وقت عند الميكانيكى
بالنسبة للنشع على كارتيرة الزيت سيبها لو الزيت ممش بينقص ولو الماتور طلع من الحوض فى اى صيانه أو تصليح ابقى غيرها بالمرة ... سعر جوان كارتيرة الزيت بـ 15 جنيه على ما اتذكر