ياباشا الله يكرمك ويبارك فيك ... مش عاوزين نتعبك
عرض للطباعة
شكرا علي ردك يا elawany باشا , والله افدتني جدا
بس معلش انا عندي اسئله تانيه ( معلش اعزرني لاني مبتدي او في موضوع التصليح )
هل لو جبت طقم الكونتاكت التركي مشكله عدم تدوير العربيه تتحل ان شاء الله ؟ ولا حضرتك شايف ان ملهاش علاقه؟
نشع الزيت بيكون تحت من ناحيه الموبينه مش عارف بقا انا كده تبقا كارتيره الزيت ولا ايه ( والدي قالي ممكن تبقا جوانات ) ؟
حضرتك مردتش عليا في موضوع ال 260 الف هل بعديهم الموتور بيحتاج يتغير ولا ايه ؟
اخر سؤال معلش : ايه الضرر الي علي العربيه في عدم تغير العفشه مع تلفها ؟
وسوري لتتدخلي في نقاشكم بخصوص التشحيم , انا لسه منزل كتالوج الشاهين الي هي 1400و1600
ومكتوب في الصفحه ال 19 , كوبون للخدمه المجانيه :لاختبار وضبط السياره وتشحيمها وتغيير الزيوت ( الزيوت والشحومات علي حساب العميل ) ياريت اقدر افيدكم بأي حاجه ولو حد محتاج الكاتلوج يقولي واحطله اللينك.
الشكر لله يا أخى ... بالنسبة لباقى استفساراتك ...بصراحه من قال لا أعرف فقد أفتى
أنا كمان مبتدئ خبرتى فى مجال السيارت ومشاكلها لا تتعدى العام
إن شاء الله حد يكون عارف يفيدك
هل يوجد عربيه شاهين 2004 السىسى 1600 ولا كله 1400
وايه رايكم فى الموديل ده وبتمون 80 عادى ولا ايه
ايوه طبعا فيه 1400 و 1600
1600 بتكون كاملة
تكييف وباور
وبيتحطلها بنزين 80 بدون اى مشاكل
واللى غاوى جرى وحرق بيحط 90 أو 92