العفو ،، طمني يا أستاذ علواني ،، عملت أيه ؟؟
عرض للطباعة
بجد والله ؟؟ يانهار أبيض !!!!!!
لا حول ولا قوة الا بالله... معلش ،، طيب على مهلك !!
3 أيام ما يعلم بيهم إلا ربنا
ديه عينة بسيطة قوى من اللى حصل
http://www.nilemotors.net/Nile/27912...post3874195026
شكرا على السؤال
الحمد لله عدت على خير
يوم الخميس 22-3-2012
نويت أفسح العيال وننزل اسكندرية فى العصافرة خميس وجمعة ونرجع السبت صباحاً إن شاء الله
توكلت على الله وبدأت السفر من طنطا الساعه 3.5 عصرا
واحد زميلى كان عاوز ينزل اسكندرية ويروح العجمى يطمن على شقته هناك
عزمته يجى معاى
طبعا الطرق متنيلة بنيلة بسبب أزمة الوقود بصفة عامة والسولار بصفة خاصة
يادوب مشيت كام كيلو ولاقيت الطريق واقف عند كوبرى الدلجمون قبل كفر الزيات
ساعتها قلبى انقبض وحسيت انى مش مبسوط من السفرية ديه
وكنت بفكر أرجع تانى
بس طبعا مش هينفع علشان زميلى اللى معايا
والعيال هتعيط وتفضح الدنيا
قولت كمل المشوار وربنا يستر
الطريق يفك دقائق والزحمة الخانقة ترجع تانى بمناسبة وبدون مناسبة
الطريق بيتخنق عند محطات البنزين وعند الكبارى وعند المطبات اللى ملت الزراعى !!!
المهم وصلت عند كوبرى كفر الزيات القديم والزحمة هناك مش طبيعية وتقاطعات غبية وتكاتك متخلفة وعربيات نقل كبيره فى كل حته
واحنا على سرعه منخفضة جدا لا تتعدى 20 كم/س
توكتوك متخلف كسر فجأة قدام عربية شيفورلية دبابة فأضطر يمسك فرامل مفاجأة وأنا وراه فرملك ولحقت نفسى بالعافية وكنت هلبس
المشكلة مش فى اللى قدامى
الكارثة كانت ورايا تريلا بمقطورة كان هيضيعلى الشنطة على الأقل لولا ستر ربنا ان شمالى كان فاضى
راح مفرمل وانحرف فى الجزء الشمال الفاضى بزاوية
ولاقيت العجل بتاع التريلا جنبى !!!
ساعتها قلقى زاد وحسيت ان فيه حاجه مش طبيعية
والموضوع ده خلانى متنرفز ومش طبيعى طول الطريق
والزحمة مستمرة بطريقة غريبه عمرى ما شوفتها قبل كده
على طريق اسكندريا بالذات
فى كفر الدوار حصل شلل المرورى تااااااام
والموضوع رخم قوى وزاد عن حده
وبقيت عمال اقول لنفسى ياريتنى مكنتش طلعت
http://img443.imageshack.us/img443/2674/im5a151.jpg
http://img138.imageshack.us/img138/6695/im6a5b1.jpg
http://img528.imageshack.us/img528/693/im52531.jpg
يتبع ...
أنا متعود أدخل اسكندرية من الطريق الدولى وعلى شارع 45 ومنها للعصافرة
طريق جميل جدا ومختصر جدا
بس الحوادث والتثبيت والرشاشات والحاجات ديه خلتنى قلقان منه
قولت خلاص ادخل من أبيس وربنا يسهل
واللى قلقنى أكثر وانا ماشى سمعت سواق بيجوا جاى من الجهة المقابلة
بيكلم سواق بيجو تانى ورايا وبيقوله أوعى تدخل الدولى
قولت يانها أزرق يبقى فيه حاجه !!!!
بس الزحمة الرهيبة اللى شوفتها وعانيت منها طول السكة خلتنى أغامر وأتوكل على الله وادخل الدولى وكان خلاص المغرب أذن والليل بيدخل
الحمد لله الطريق الدولى كان فاضى وجميل جدا ومفيش اى مشاكل
ووصلت العصافرة سليم وتنفست الصعداء
المشوار كان بياخد منى ساعه ونصف بالكتير بسبب هذا الزحام اخدنا حوالى 3 ساعات ونصف
كنت عاوز أفسح العيال ومنضيعش وقت بس المشوار كان مرهق فعلاً فأجلناها لبكرة اللى هوه يوم الجمعة
الحمد لله اليوم عدى على خير
بس جويا احساس بيقول لسه فيه مفاجأت أخرى وقلقان وخايف ومتشائم
هذا الشعور عمره ما سيطر عليا بالشكل ده
حاسس ان الأسوأ قادم
حاسس ان العربية هتتسرق أو هتتخبط
ربنا يستر
يتبع .........