إستكمالاً لمسلسل الإبتلاءات اللى ربنا بيبتلينا بيها فى العربية ديه من يوم حدوته الصبابات من آخر شهر 12 الماضى
من اسبوعين بدات أروق تجاه العربية وقولت اغسلها وانظفها واروقها
ونزلت بالمكنسة والبلاور والصابون بقى وقعدت بتاع 5 ساعات بشتغل فيها
ونازل مشوار فى طنطا
هووووووووووب واحد راكب عربية يابانى قديمة جدااااااا لبس فيا من ورا الفانوسين بتوعه اتكسروا ... ولاقيت الاكصدام الأصلى بتاع العربية اتكسر جزء من النص كما فى الصورة ولاقيت الجزء اليمن من الإكصدام مدلدل
بيقولى معلش اصل الفرامل هربت منى !!!
حسبنا الله ونعم الوكيل
[img3]http://img401.imageshack.us/img401/9088/j1gw.jpg[/img3]
كتبت فى المنتدى قصتى مع البنزين يوم الاتنين الماضى
من يومها وانا تعبان تعب رهيب ودرجة حرارتى مرتفعة وعندى دوخة وقلة تركيز
يوم الخميس الماضى قولت مبدهاش اروح المستشفى ... وكنت رايح الصبح بدرى والدنيا كانت هادية تاكسى 131 فرمل قدامى فجأة ونور الاستوب عنده مش شغال وانا كمان مش فى تركيزى الطبيعى روحت لابس فيه
طبعا البشاوات بتوع التاكسيات مركبين اكصدامات حديد
الفانوس اليمين اتدغدغ بالكامل وفانوس الإشارة اتهرس
[img3]http://img841.imageshack.us/img841/6874/4pl1.jpg[/img3]
روحت يومها فى حالة اعياء كامل ومكنتش قادر اقف على رجلى ومن يومها فى علاج مكثف مضادات حيوية وحقن وبدأت افوق النهاردة الحمد لله
نزلت اشتريت فانوس جديد تركى بـ 85 جنيه
فانوس اشارة بـ 12.5 جنيه
ولمبة اشارة اخدتها فوق البيعة
وروحت ركبتهم عند الكهربائى ووركبتهم
الحمد لله رضا
قدر ولطف
[img3]http://img829.imageshack.us/img829/5228/o38r.jpg[/img3]