اهلا ومرحبا بحضرتك معانا فى المنتدى
عرض للطباعة
اهلا ومرحبا بحضرتك معانا فى المنتدى
كنت عاوز اعرف التكييف لما يشتغل العربية نفسها فيها مكان يخرج الهواء ولا متأفلة صح اصل انا اول مرة اشغل فيها التكييف من ساعت ما جبنا العربية اصل سير التكييف كان مفصول و هل السير ده ليه مقاس معين ولا بروح عند حد يقيسة قبل ما اشترية و سعرة عامل كم و سعر شحن الفريون كم و ياريت لو حد يعرف منين اجيب فوانيس الى ادام الى هى فيها دايرتين ( رينجات ) انا بشوفها فى صور شاهين و دوجان متعدلين بس فى تركيا و شكراً
و عاوز اركب فلتر هواء ريس عاوز نوع يكون حلو و سعرة و مكان تركيبة فى العربية و ايه فايدتة غير انة بيظبط الصوت وانا سمعت انه بيزود العربية 5 حصان صح الكلام ده فين الناس بتوع الرابطة فين الفاعلية
الرابطة شكلها اتفكت يلا هى العربية دى كده ملهاش نصيب حتى على النت
يا شباب اللى عايز يشتري شماسة المنتدى بلوجو فيات يدخل على الموضوع ده
شماسات بلوجو المنتدى لوجو وفيااااااااات -(((أخر معاد يوم ٣٠\٦)))-
الشماسة هتبقى ب 30 جنية وشكلها روعه ومُفيدة جدا فى الصيف اللى دخل
التكييف بالنسبه للشاهين مش بطال وبيقضى الغرض
لكن مش فى كفائة السيارات الحديثه
بالنسبه للسير المفروض له مقاس وطالما مش موجود يبقى
تروح لبتاع السيور بالعربيه وهو يعرف المقاس
بالنسبه للفوانيس موجوده فى التوفيقيه وسعر الواحد تقريبا 85جنيه
وفى فوانيس خلفيه كريستال سعر الواحد 75جنيه
معلش انا عندي استفسار هو ممكن الشاهين 2003 1400 سي سي تتحول تبقى باور...و لو كان حد جرب الموضوع ده يقولي عليه عشان انا محتاجة اوي
اين فيوز مروحة الشاهين
الساده اداره المنتدى
ان شاء الله انا ناوى اعمل شويه تظبيطات فى عربيتى الشاهين
و قبل ما أقول للناس اللى هيعملوا الشغل انى هاصورهم و هما بيشتغلوا فى العربيه و النتائج النهائيه للأعمال و ان هذه الصور سترفع هنا فى موضوع الرابطه مع تفاصيل الأعمال و اسباب التعديل
قررت فى الأستأذان منكم اولا حتى تكون الأمور على بينه
و هذا على اساس ان هناك افكار و اساليب حلول للمشاكل جديده للوصول بالسياره للشكل والمضمون المرضى لمللاكها
وشكرا
فكرة جميلة ربنا يوفقك ولو احتجت اي استشارة احنا هنا اخواتك في خدمتك (:
أشكرك على تشجيعك و ارجو انى اكون بقدم افكار جديده تحوز اعجاب الزملاء
و فى انتظار رد الأداره
شباب انا حليت النهاردة مشكلة الأبواب اللي بترزع بنفسي هما مسمارين وشكرا بعد ماطلعت عيني 3 شهور و 4 اماكن معرفوش يحلوها وصرفت عليها حوالي 100 جنية ........ غيرت السكاكات اللي الباب لما يقفل بيمسك فيها وكل اصوات الرجرجة أختفت والواحدة تركي ب 7 جنية يا بلاش ....... تحياتي
السلام عليكم يا جماعة انا الحمد لله جبت دوجان موديل 95 وان شاء الله هنتواصل هنا بعد اذنكم جميعا
لو احتجت اى مساعدى انا عارف انكم مش هاتتاخرو
أنا كنت عايز أعرف أشتريت الدوجان بكام وحالتها ايه ولونها ايه وربنا يباركلك فيها وشكرا ليك
]
كنت عايز أعرف أسعار الدوجان كام بشرط حاله معقوله
يا ريت يا جماعه لو حد يرف مكان معارض بتبيع شاهين جديده حتل لو موديل قديم يقولي وممكن قسط ولا لا
الشاهين الجديد فاشل
السلام عليكم شباب
انا عندي استفسار عن شبكه شاهين اماميه شوفتها ف كذا صوره هيا مفهاش علامه ال تي ال ف نص وكمان مسحوبه من علي الجناب بطريقه حلوه ياريت ال يعرف بتتباع فين وسعرها كام يرد عليا وشكرhttp://img211.imageshack.us/img211/4...18buyukvo0.jpg
الحمد لله بأت اعمل شويه تظبيطات فى العربيه
اول حاجه بدأت بيها الكهرباء
كانت البطاريه ساعات كتير فى الفتره الأخيره متقومش العربيه و لو العربيه فصلت او وقفت فى مكان كانت متدورش تانى الا بعد فتره قد تصل الى ربع ساعه
بعد البحث توصلت الى ان الدينامو 55 امبير مش ملاحق على شحن البطاريه 70 امبير فى ظل استهلاك الكهرباء الحالى من مروحه ريدياتير و خلافه
فتم تغيير الدينامو بواحد 90 امبير بوش المانى استيراد و حالته ممتازه
و كانت البطاريه كمان بدأت تبوظ بعد 7 شهور استخدام بدون صيانه فغيرتها ببطاريه جافه كورى 70 امبير و عملت صيانه للبطاريه القديمه و بقت تمام و حطيتها فى العربيه التانيه لأن بطاريتها فيها ربع ضارب
النتيجه: الى الآن دواره العربيه سريعه و انوار العبيه لقيها اشد
نور التابلوه كان بيضعف لما كنت باشغل اشاره و دلوقتى اضاءه التابلوه ثابته مع تشغيل الأشارات
مع العلم ان الدينامو الأصلى بتاع العربيه 55 امبير حالته زى الفل و تمام لأنى قمت بقياسه قبل تغييره على امل ان لو فيه عيب يتم الأصلاح بدل التغيير
و هذا حدث منذ شهر تقريبا
وسيتم لاحقا كتابه التعديلات التى سوف تتم ان شاء الله بعد تجربتها لمشاركه الأفكار و الخبرات
كل عام و انتم بخير و رمضان كريم
يا جماعة انا معايا شاهين وكنت عايز اعملها مساحة واحدة بس زي اللي الناس بتعملها في الفيرنا و ال bmw
الله يبارك فيك يا بشمهندس احمد
و بالنسبه للمساحه هتحتاج تعديل كتير و فى الأخر هتستعمل مساحه صغيره علشان ميل البربريز قليل وبالتالى مش هتمسح الزجاج لأخر البربريز
من حوالى اسبوعين قمت بتغيير الكاوتش بتاع العربيه
و جبت نوع اسمهnokian و هو ماركه فنلندى صناعه اندونيسى
و انا جبت ال5 فرد جداد
و اداء الكاوتش حلو و العربيه بتسحب احسن
و لكن ضغط النتروجين 29 واعتقد انه المفروض يكون 27 و بكده الكاوتش يكون طرى اكتر و ماسك فى الأرض اكتر
ولا الراى ده غلط
لكن العجله من ناحيه الناقشه و العرض و الخامه ممتازه مشابهه للميشلان
اكتشفت غلطه وهى انى لما اشتريت الكاوتش اشتريت مقاس اصغر من اللى مفروض
المفروض اشترى 185*70*13 و انا اشتريت 175*70*13 و ده ادى ان العربيه بقت اوطى 2سم و السرعه الفعليه اقل من العداد 3.2% و المفروض ان نسب التغيير فى الكاوتش +/- 2.5
ياجماعة عاوز اركب تكييف للشاهين بتاعتي موديل 2008 1400 سي سي هل ينفع ولا لازم يكون الموتور 1600 ولو ينفع ياريت التكلفة ومكان التركييب وشكرا
http://www.nilemotors.net/Nile/177255-a.html
تعديل الفرامل
[QUOTE=macsherif;3872927558]الله يبارك فيك يا بشمهندس احمد
و بالنسبه للمساحه هتحتاج تعديل كتير و فى الأخر هتستعمل مساحه صغيره علشان ميل البربريز قليل وبالتالى مش هتمسح الزجاج لأخر البربريز[/QUOTE
لا منا صرفت نظر و جبت مساحتين رابر و نفسي اعدل الفرامل لو حد يقدر يفيدني:11:
انا عندى دوجان 94 ومشعاجبنى فيها انها شكل عربيات القطاع العام بس فى المجمل العربيه حلوه واعتماديه ع الاخر
عربيه تمام أوى بس محتاجه صيانه دوريه بس بتتحمل أنا قلبت عداد عليها قبل كده على طريق مصر _أسكندريه 200 كم وزى الفل مفيش مشاكل وكنت ثابته فى السرعه العاليه
اية يا جماعة هى الدنا نايمة عنكم كدة لية دا انا كنت لسة هسالكم على حاجة
لا د انا اخلينا فى ال 131 احسن
قدامى شاهين 1995 1300 سي سي عيوبها كارونة وحشة وفيها شغل سمكرة خارجى وهى فابريكة دواخل
مطلوب 22000 السعر دة مناسب
السلام عليكم
بص يا باشا العربية بعد كلام حضرتك محتاج 2000 كرونة جديدة و2000 سمكرة ودوكو يبقا وقفت 26000 فكده كويس جدا لو مش محتاجه حاجة تانى ويبقا انت حيت العربية وصلحت عيوبها وعلى فكره 1300 موتور كويس جدا واقتصادى ومعمر وانا بقولك على الحجات ده عشان انا عندى نفس الغربية بس 1996 وكفايه ان هى كلها تركى واهم شى صلاة الاستخارة وربنا يرزقك الخير حيث كان
شكرا للاهتمام يا باشا
وانشاء الله نعتمدها وخصوصا انى غاوى دفع خلفى
اااه طبعا مناسب
الحمد لله وفقت للسيارة الشاهين ورزقنى الله بها
واتشرف لانضمامى لرابطتكم المميزه وارجو ان تنشط الرابطة مرة اخرى وانا طلبت من ادرة المنتدى ضم الرابطة الى قسم رابطات الفيات
واكرر ندائى من هنا
وانا منضم معكم للرابطه بالتأكيد
شهيناوى بقالى 7 سنين :verygood::verygood::verygood: