السلام عليكم ..
انا معايا شاهين 2008 - 1400
انا كنت كتبتلكو قبل كدة انى هروح التوكيل واظبط الدنيا هناك واكتبلكو تقرير ..
بس للاسف اخويا عمل حادثة بالعربية كدة بس هى الحمد لله انها جت فى العربية هو كان راكنها عندة فى الشغل فوق منزل المهم العربية نزلت لوحدها ورجعت حوالى 50 متر واللى وقفها بلاعة عالية
طبعا جابت عمود دفرانسير و كورونة غيرت الكلام دة من عزبة شلبى وجبت واحد استيراد دخلة بالمصنعية حوالى 3400 جنية
المهم .. انى روحت التوكيل :d قلت اعمل صيانة للعربية روحت على ظبط الموتور قالى موتورك سليم روحت عالبوجيهات غيرهالىربطلى العافشة غيرلى قاعدة الفتيس من تحت كانت بايظة من الحادثة غيرلى الاولسية بتاع الكورونا غيرلى سلك الدبرياش غيرلى سلك السرعة
المهم الموضوع اتكلف كلة 240 جنية منهم مصنعية 97 جنية
-----
فى بقى حبة استفسارات كدة مع العلم انى على قدى اوى فى ميكانيكا العربية ونفسى افهم الصراحة
1- اما باجى اجيب مرشدير الفتيس تحس انة رخم كدة ولازم اشيل رجلى من عالدبرياش واحطها تانى عشان ساعات بتيجى من تانى مرة وبحس بصوت كأنك مش دايس كويس عالدبرياش مع العلم ان الموضوع دة بيحصل فى المرشدير بس
2- صوت العربية عالى اوى وبحس ان السحب بتاعها مبقاش زى الاول
3- فى صوت شخشخة مش عارف منين
4- الاشارات عندى بتشتغل بمزاجها وغالبا دة لى علاقة بحركة الدركسيون لانها بتتأثر بية
لسة فى استفسارات كتـــــــــــير بس كدة كفاية النهاردة :)
المفضلات