منكو لله من حلاوة موقع نايل موتورز أصبحت مدمن دخول نت مخصوص عشان نايل موتورز
عرض للطباعة
منكو لله من حلاوة موقع نايل موتورز أصبحت مدمن دخول نت مخصوص عشان نايل موتورز
+1اقتباس:
المشاركة الأصلية كتبت بواسطة محمود
انا كمان اصبحت مدمن، لدرجة أني حاسس اني هاترفد بسببه :lol: :lol: :lol:
ربنا يستر
و انا كمان والله انا اول سايت بخش علية لما بقعد على الكومبيوتر هو Nilemotors و بجد كل يوم و لما ببقى مسافر مثلا و مفيش نت بحس ان فية حاجة ناقصانى بجد بجد مدمن نايل موتورز
والله ياجماعة اللى فالقلب فالقلب
الواحد مش عارف يدمن ايه دلوقتى سبرتو البنزين و لا نايل موتورز
الواحد ممكن يقعد بال 3 ساعات قدام الموقع وهو مش حاسس وفيه ناس اكتر من كدا كمان
ايه يا اخوانا
هوه انته لازم تفضحونا كده قدام المواقع كلها ويعرفوا اننا مدمنين؟
كده انا عرفت الاعضاء بيدخلوا باسماء مستعاره ليه.
كده لازم اغير اسم خالد ابو النجا؟
لو سمح الادمن يخليه خالد عبد المنعم ابو النجا
ههههههههههههههههههههههههه ههههه
و الله المنتدي ده من اقوي و اصدق المنتديات اللي شفتها , اعضاء قلوبهم علي بعض و يتمنوا الخير للجميع و دايما في خدمه بعض, اللي بيعرض ينزل مع حد يشتريلو عربيه او قطع غيار او حتي يجرب العربيه علي الطبيعه قبل الاختيار بجد ناس نادره في الزمن ده , ده غير المقابلات المنتظمه اللي نفسي اتشرف بحضورها بس ظروف الجيش حاليا منعاني بس انشاء الله قريب هقدر....
و بعد كل ده حد يعوز يبطل الادمان اللذيذ ده!!!
عن نفسي مش عايز ابطل و اتمني اني اقدر ارد بعض المجهودات الجباره اللي استفدت بيها من المنتدي و اعضاء المنتدي الحلوين دول
د\ امير
والله يا جماعه أحنا بقينا مدمنين بعض
يعني خلاص أنا بقيت متخيل شكل كل واحد في نايل موتورز من غير ما شوفوا ومن كتابته ببقى عارفه وبقيت ومتابع رأي فلان ويوميات علان مع سيارته وغلاسة فلان إللي مش عاجبه عربية علان وهكذا يعني الواحد بصراحه بقى مدمن كل شيء في المنتدى حتى الخناق والنِئار
انا بقيت فى الشغل او فى البيت او بعمل اى حاجه على الكمبيوتر نايل موتورز مفتوح مبتيتقفلش . كل دقيقتين تلاته كده اشوف مين قال رايه فى حاجه او مين حط موضوع جديد . نايل موتورز بقى من اساسيات الحياه :D
المشكلة ان الموقع بالنسبة للمتزوجين أمثالى أصبح مشكلة ، لأنى بقعد قدام الكمبيوتر لفترات طويلة قدام الموقع وبنسى نفسى مما يتسبب فى زعل الحكومة وإعلانها عن خطة جادة لتدمير جهاز الكمبيوتر الخاص بالبيت :mrgreen:
والله انا من يوم ما عرفت الموقع الجميل ده و الناس المحترمه اللي فيه وانا بقيت مدمن فعلا و بنتهز اي فرصه واعد على النت علشان افتحه و اقابل اعضاؤه المحترمين
والله يا جماعه مع أني عضو جديدي بس انا متابع المجموعه الي هنا من ايام كونتاكت كارز...........والله يا جماعه بجد الموقع ده بقى حاجه أساسيه في حياتي ...........لدرجة اني تقريبا حفظت المواضيع الموجوده :D
والأهم من الموقع هما الناس المحترمه اللي في الموقع ده اللي لو قعدت أشكر فيهم مش هيكفيني اني اقعد من هنا لبكره أتكلم عنهم..............بجد أحسن منتدى شاركت فيه والله العظيم ويارب يفضل كده على طول :mrgreen:
الكلام دا أوحى لى بفكرة جديدة:
"مستشفى استثمارى لعلاج مدمنى النت"
:twisted: :twisted:
وأعمل فيه عنبر خاص لمدمنى نايل موتورز.. :twisted: :twisted:
وتظهر إعلانات فى التليفزيون تقول:
مبتقدرش تقوم من قدام الكمبيوتر؟
صوابعك اتلزقت فى الكى بورد؟
مراتك كرهتك؟
عيالك نسيوك؟
متيأسش...
إتصل ب 07770666 نيجى ناخدك بأعلى سرعة داونلود...
مستشفى علاج إدمان النت
خدمة 48 ساعة فى اليوم بدون تهنيج ...
للتبرعات إتصل بإسلام شاهين (هياخد الفلوس ويجيب بيها اللى بالى بالك).
:lol: :lol: :lol: :lol:اقتباس:
المشاركة الأصلية كتبت بواسطة Dr Ahmed
ونسميها مصحة نايل موتورز للعلاج من إدمان النت
نايل موتورز مش حاتقدر تغمض عينيك
:P :P :P :P
انا والله ذيكم الموقع متميز بس انا زعلان جدا من الاعضاء لاني في موضوعاتي مفيش حد بيرد عليه وانا والله بكتب عشان بكون محتاج مساعده بجد وعلي فكره انا عربيتي بيجو 504 موديل 79 وبحب جدا العربيه دي لانها اسد علي الطريق
موقع رائع واعضاء اكثر روعه ومشرفين اكتر رقيا
وانا كمان مهندس كمبيوتر و اكتر شغلى على النت بس اول ما بفتح النت فى الكمبيوتر بتاعى اول حاجة ادخل عليها نايل موتورز حتى قبل من افتح اميلى البركة فى الناس الجميلة الموجودة معانا وربنا يوفق الجميع
وانا كمان ادمنت الموقع الجميل ده
فعلا الواحد استفاد كتير من مواضيع الاصدقاء هنا
و الله دمكم زي العسل و فكرة مستشفى الإدمان دي جامدة أوي,,
ممكن أعرف عنوانها ايه علشان عايز اروحلها,,
بس مش علشان اتعالج من إدمان نايل موتورز,,
علشان أقفل جناح مدمني نايل موتورز,, :lol:
انا مبسوط كده :lol:
انا مرتاح كده :lol:
انا فعلا ماشوفتش موقع زى ده استفدت منه كتيير فى شراء السيارة و كمان بعد الشراء من خبرة الناس الحلوة اللى هنا و اتكونت عندى شوية خبرة و ببقى حاسس انى عايز افيد كل الناس باللى اعرفة و اللى اادر عليه لان الناس هنا اخوه بجد و اكتر كمان ربنا ان شاء الله يديمها علينا نعمة المنتدى الهايل ده.
اول مرة احب موقع بهذا الشكل
اهو الموقع ده بقي خلاني ولا احسنها ميكانيكي
اهو الواحد اتعلم صنعه ممكن تنفعني ولا حاجه :lol:
يحيا نايل موتوز قسم الإنتماء : ( أعتز أنا العضو ...........بالإنتماء لنايل موتوز و أعاهد الله أن أوهب نفسي في خدمة أعضائه و إفادة الزائرين و نشر الموقع و الإعلان عنه كما أعاهد الله بأن أجود بما أملك من المعلومات و أن أتحرى الدقة و الصحة و أن أمتنع عن التحيز لأي عربية بما ينافي المنطق كما أعاهد الله أن أحرص على مشاعر أعضاء الموقع و أن أسعى إلى الخير و فض المنازعات و الله الموفق )
أبو عبدالله و تربو و ايهاب بدر معفيين من القسم لأن عدم التحيز شرط أساسي في القسم :mrgreen: :mrgreen:
كفاية كدة يا اخونا... كلكم مدمنيــــــن؟!!....طيب قولولي لمايجي حد ويشوف الموضوع دة يقول علينا اية.... هاة :D :D :D
طيب تقولوا ايه في اللي ما كانش بيعرف غير الدي في عصايه الفتيس و دواسه البنزين
و اتعلم و استفاد و بيكلم و بيضوحر كمان
يا جماعه انتم فضلكم عليه كبير قوي قوي قوي
ما اخبيش عليكم انا علي طول مديها نايل موتورز
بس هوه مش ادمان هوه استمتاع
ربنا يديم الاخوه و المحبه
هههه ما هي دي نتيجة الادمان...انك تعمل دمااااغ :mrgreen: :mrgreen: :mrgreen:اقتباس:
بس هوه مش ادمان هوه استمتاع
لا حول ولا قوه الا بالله اسيبكم 3 ايام ارجع الاقيكم بقيتوا مدمنين بس بيني و بينكم ادمان زي العسل و كله فوايد و اهو على الاقل احسن من الاخضر و البني و لا ايه :mrgreen: :mrgreen:
انا شكلي هترفضت قريب من الشغل المدير بتاعي كل مايدخل عليا يلاقيني فاتح نايل موتورز يقولى أقفل النت
اقوم اشوف جهاز تاني في ادارة تانية ما عرفش بيوصلي ازاي ويقولي انا هشيل النت من البنك كله
اروح البيت اول حاجة اعملها افتح نايل موتورز حتى قبل التورينت قبل الميل والمسنجير كمان
ولما اعقد نص ساعة من غير ما ادخل يجيلي حالة تهيج عصبي وابقى عايز جرعة من الموقع :D
انا كمان بدخل من الموبايل لما اكون مش موجود قدام الجهاز في البيت او الشغل
*محدش عنده علاج لادمان ده :?:
كل يوم ساعة أو ساعتين على النت فى النايل موتورز :wink:
أنا نفسى المنتدى ده يكبر ويتعرف أكثر و يبقى مرجع لمحبى السيارات فى مصر
يا جماعة أنا عالطول بعوم فى نيل موتوررررررررررز
بعد أكثر من سنتين على المشاركة دى ,, ما زال الوضع قائما ويزداد صعوبة , نايل موتورز ليلا ونهارا , كل يوم 4-5 ساعات ابحار .
ربنا يدوم المحبة وافتقدنا كثير من زوار الموضوع بالأعلى ولا أدرى أين هم ؟
انا مراتى بتقولى هو مفيش غير الموقع ده الللى بتحبه (رغم انها مدمنة موقع لك)وطبعا هو منتدى كل اعضاءه سيدات
هههههههههههههه دة على كدة مش انا لوحدى
فعلا نايل موتورز بقى ادمان انا فى الشغل وفى البيت وموضوع البيت دة بالنسبة للمتزوجين امثالى مشكلة مراتى عاوز تشيل الكمبيوتر من البيت وفعلا انا لقيت هنا ناس قمة الاحترام والتعاون والاخلاق بيسعدو بعض لله يا ريت كل المصريين فى كل المجالات كدة
وانا كمان بس ادمان مفيد مش مضر
اكرر تحذيريhttp://www.nilemotors.net/Nile/86872-a.html
احترسوا من هذا المنتدى (قصة حدث بالفعل )
تقبلوا تحياتي
ايه الملل دة عمالين ينادوا عليا عشان الغدة جاهز ومش راضيين يسكتوا
يا جماعة سبونى استمتع بالادمان الحلو دة
حاروح اتغدة واجيلكوا فى حد جعان ولا حاجة اعمله ساندوتش ؟