لانسر كريستاله 98 للبيع

**ahmedshawky** · 22-04-2009 12:45 PM

http://www.nilemotors.net/Nile/showthread.php?t=33127
دي موديلات لانسر كلها

**mando_07** · 22-04-2009 01:03 PM

أنا شايف أن السعر مش مبالغ فيها للدرجة دي يا جماعة الرجل كاتب ٥٢ أول كلام وقابل للتفاوض
ربنا يوفق صاحب العربية في البيع انشاالله

**Terrible_DaRsH** · 22-04-2009 01:07 PM

المشاركة الأصلية كتبت بواسطة mando_07

أنا شايف أن السعر مش مبالغ فيها للدرجة دي يا جماعة الرجل كاتب ٥٢ أول كلام وقابل للتفاوض
ربنا يوفق صاحب العربية في البيع انشاالله

انت مش واخد بالك يا ماندو ..

هو السعر ممكن مايكنش عالى اوووووى على العربية ..

بس لو ركزت هتلاقى ان ممكن 52 يجيبوا عربية كسر زيرو جديدة .

او موديلات تسعينات ملهاش حل .

**Pharaoh** · 22-04-2009 01:58 PM

المشاركة الأصلية كتبت بواسطة EZABY

ياباشا في السوق لو قلت لانسر 98 هتتسال السؤال ده على طول:
الكريستاله ولا اللي قبلها؟
وده طبعا لو اللي بيسال مش شايف العربيه او واقف وراها
وعموما حقك عليا
حقكم كلكم عليا
كل واحد حر في عربيته فعلا
انا معايا سيفيا 2000 ومن بكره هسميها شارك او زلمكه حسب مزاجي الصبح

انا اول مرة فى حياتى اسمع موضوع 98 وكريستاله ولا اللى قبلها!!!!
طول عمرها اللانسر 98 اسمها كريستاله
واظن ان الجماعه اللانسريه ردوا على الموضوع و قالوا انها كريستاله من 97 والموضوع مفهوش اراء
1+1=2
ويا سيدى سمى عربيتك زى مانت عايز دة براحتك
لكن عربيتى السوق اللى مسميها كريستاله مش انا
وانا مش زعلان من اى حد بيقول ان السعر مبالغ فيه
لانى ببساطة درست السوق كويس جدا جدا و نزلت كذا مرة و شفت اكتر من 5 مواقع بيع سيارات
حقيقى السعر مش مبالغ فيه خالص و العربيه يابانى و معروفة
واللى عايز يجيب عربيه اسبرانزا مثلا كسر الزيرو هيجيب باقل من كدة
بس راكب عربيه صينى مهما كان

فى واحد يشترى 504 وبالنسباله احلى من الدايو

ومتاسف لو عربيتى الكريستاله عملت كل الدوشة دى

**mando_07** · 22-04-2009 02:00 PM

المشاركة الأصلية كتبت بواسطة Terrible_DaRsH

انت مش واخد بالك يا ماندو ..

هو السعر ممكن مايكنش عالى اوووووى على العربية ..

بس لو ركزت هتلاقى ان ممكن 52 يجيبوا عربية كسر زيرو جديدة .

او موديلات تسعينات ملهاش حل .

أنا معاك في الكلام ده يا terrible darsh بس الفكرة أن الموديل ده عليه طلب شوية يعني أنا اتباعت ادامي لانسر 99 f\o ب-51.5 وحالتها كانت كويسة وصاحب العربية المعروضة دلوقت طالب ٥٢ أول كلام يعني عند الكاش السعر أكيد هيختلف عن كدا
و في الاول والاخر عمليات البيع والشرا دي تساهيل كل واحد و نصيبه

**Pharaoh** · 22-04-2009 02:39 PM

المشاركة الأصلية كتبت بواسطة ahmedshawky

http://www.nilemotors.net/Nile/showthread.php?t=33127
دي موديلات لانسر كلها

شكرا ا/احمد على اللينك دى و باين فيها صور كل موديل عشان اللى مش واخد باله

**loai-omar** · 22-04-2009 05:08 PM

رينا يحسنلك بيعها ان شاء الله

الغريبه ان 80% من المشاركات في الموضوع دا

كلام على كريستاله و مش صفيه و مش عارف ايه

الراجل حاطط صورتها

اسمها كريستاله اسمها عفريت ازرق الصوره قدام الكل !!!

**mokhtar** · 22-04-2009 05:44 PM

الموضوع بسيط جدا دى لانسر 98 Gl
اللى بيقولوا عليها كريستاله بتبقى Glx والفرق بس فى الفوانيس والشبكه الاماميه وطاره الدركسيون انما عيون صفيه دى موديل 90 / 91

**AhmedTareq** · 23-04-2009 01:45 AM

بالنسبة لموضوع سعر السيارات أهم حاجة هي حالة العربية يعني ممكن تكون سيارة موديل 92 متصانة احسن من سيارة موديل 2000 بس متهانة. لان ممكن تشتري عربية لانسر 2002 وتكون الماتور تعبان او الكاوتش انتهي وكذلك البطارية يعني محتاجة شغل يدخله في 4 او 5 الاف جنية وبرضة العربية مش كويسة فالاحسن ان تشتري العربية حالة ممتازة بصرف النظر عن الموديل وهذا رأي وبالتوفيق للجميع بائع ومشتري ومشاكس

**mohamed_sabry** · 23-04-2009 02:29 PM

كل ما حد يعرض عربيته للبيع فى المنتدى يطلع شوية ناس يعملوله مشكلة فاضية و يضايقوه و خلاص , زى ما يكونوا عاوزين العربية ماتتبعش , انا مش فاهم اللى مهتم بشراء العربية يشترك و اللى مالوش ما يخليه فى حاله .
ليه بقينا كدة ؟!!!!!!
ربنا يا سيدى يصبرك و يوفقك فى بيعها ان شاء الله .