طيب وأصحاب الفلل والقصور هيعملو أيه في حمامات السباحة اللي بتتغير المياه الخاصة بها كل إسبوع على الأكثر لو هيرشد وأقل حمام بيأخذ على الأقل 25م3، يعني في الشهر 100م3 يعني في السنة 1200م3 ده للحمام غير بئه الحديقة غير غسيل السيااارااات غير إستهلاك المنزل .
ولا هو لازم دائماً الترشيد ييجي من المواطن المطحون اللي بيغسل سيارته كل شهر مرة .
طيب في دول مفيهاش أنهار ومش بتشتكي مر الشكوى زينا ( دول الخليج ـ ليبيا ) ولا هو كل موضة في العالم وأي مشكلة تظهر على مستوى العالم لازم نشتكي إحنا كمان منها علشان إحنا في زمن العولمة .
يعني إحنا عندنا الحمد لله نهر النيل وعندنا كمان والحمد لله سواحل على البحرين الأبيض و الأحمر وعندنا كمان مياه جوفية وعندنا كمان مياه آبار عايزين آيه ولا هو إفترا وخلاص .
بدل الشكوى مدو ترع في الصحراء الغربية وإزرعوا بدل ترعة السلام وتوشكى و الفشل اللي البلد فيه استفيدو بالمياه اللي عمالة تهدر وتصرف في البحر الأبيض من مصب النيل دون عائد .
إزرعوا الصحراء الغربية وهنستفيد من ناتج الزراعة وهيصبح عندنا مخزون من المياه الجوفية ، للمستقبل وياريت منخدش دراسات أجنبية تقولنا زيادة المياه الجوفية هتأثر على معرفش آيه وإن لو حاولنا نزرع ونعمر الصحراء الغربية مياه البحر هتزيد وأسوان هتغرق والفشل إللي العالم بيضحك علينا بيه علشان منطورش بلدنا وياريت ميجلناش معونات ومنح خارجية لتسوية الأرض بالليزر لتمهيدها للزراعة من أمريكا وإسرائيل زي ما حصل في نجع حمادي في أراضي القصب .
وبلاش كمان الأجانب يضحكوا علينا ويقوللنا بلاش زراعة الأرز علشان ده بيستهلك المياه ( مصر كانت الأولى في العالم في إنتاج وتصدير الأرز الأبيض طويل الحبة ) وأيضاً قصب السكر كذلك ياريت نفوق ونسمع لعلماؤنا المصريون الذين بفضلهم تقدمت دول علينا .
إبحثوا عن حلول ، كل وزير في وزارته موجود علشان أي مشكلة يبحث لها عن الحل مش موجود علشان كل حاجة يرجع على المواطن ويقوله مطلوب منك كذا ( الموارد المائية تطلب من الموطن أن يحل مشكلة المياه ـ وزارة المالية تطلب من الموطن حل مشكلة عجز الموازنة بفرض المزيد من الجبايات والأتاوات ـ وزارة الصناعة تطلب من المواطن تشجيع المنتج المحلي بدون رقابة على جودة هذا المنتج ـ وزارة البيئة مش عارف لزمتها أيه بس علشان نكون دولة متقدمة وعندنا وزاااااارة خاصة بالبيئة تطلب من المواطن حل مشكلة البيئة وزارة كذا وزارة كذا لا يوجد وزارة قدمت حلول لأي مشكلة عدا وزارة واحدة ( وزااااااااااااااااارة الداااااااااخلية عندها داااائماً حلول لكل المشااااااكل :k10:
آسف للإطالة بس الواحد هيتجنن من اللي بيشوفه .
المفضلات