ياريت يا جماعة العارف كويس و فاهم يقولى اية الفرق بين تقسيم الجسم و تضخيم الجسم ؟؟ طب لو انا عايز اقسم جسمى ,, اية التمارين الرياضية الاعملها بالظبط برا الجيم و جوا الجيم
و شكرا
عرض للطباعة
ياريت يا جماعة العارف كويس و فاهم يقولى اية الفرق بين تقسيم الجسم و تضخيم الجسم ؟؟ طب لو انا عايز اقسم جسمى ,, اية التمارين الرياضية الاعملها بالظبط برا الجيم و جوا الجيم
و شكرا
رأيى سيبك من التضخيم ...اقتباس:
المشاركة الأصلية كتبت بواسطة kareemhisham
مالوش أى لزمة ..
الأحسن تلعب لقوة العضلة و إحتمالها و مرونتها ....
أمثلة العقلة و الضغط .. و طبعا فى منهم أنواع و الله لو عملت قرد مش هتعرف تعمل عدة واحدة ...
عشان كده انا بفضل النوع ده من التمارين ...
و هتقسم جسمك و تقويه ... بس مش زى الحديد ...
النفخ ده منظر على الفاضى عامة ..
بس ممكن تروح الجيم تقوى عضلك حديد لأن التمارين body weight صعبة و لازم تمرينات معينة و حد يفهمك (غالبا بتوع الجمباز) عشان تعملهم صح .. فالحديد هياسعدك فى التمارين العادية و يقويك و يعوض فرق الخبرة فى التمارين العادية بحيث إن مزج الحديد الصافى مع التمارين العادية = القوة المطلقة
الف شكر و انا فعلا مش عايز اضخم ,, بس عندى سؤال كمان ,, هل موضوع الدهون دة بيفرق و لا هو نوع التمرين بس ؟؟اقتباس:
المشاركة الأصلية كتبت بواسطة Relentless_mayhem
و المشكلة كمان ان بتوع الجيم كل واحد برأى
الدهون دى حسب طبيعة جسم البنى أدم .. يعنى لو عند دهون كتير تحتاج مجهود إضافى عشان تحرق ..زاقتباس:
المشاركة الأصلية كتبت بواسطة kareemhisham
عامة التمارين الرياضية أصلا اليومين دول بعدت عن هدفها الرئيىى ..
يعنى بقى الشكل هو الأساسى
يعنى لازم يطلع باى و تراى و six pack ...
سيبك من الكلام ده ..
إلعب للقوة و سيبك من الشكل طز ...
المشكلة أن تشكيل الجسم يتم في مرحلتين متناقضتين
تكوين العضلات: ودي عملية بناء الجسم للعضلات وتتلخص في رفع الأثقال - الأكل - النوم.
لازم مع تمارين رفع الأوزان يكون في فائض غذائي. بمعنى أن كمية السرعات الغذائية المكتسبة عن طريق الأكل تكون أكبر من كمية السرعات الحرارية المستهلكة في النشاطات اليومية. الفائض يستخدمه الجسم في بناء العضلات. ولكن للأسف، مع الفائض الغذائي عادةًَ تتكون الدهون أيضا وهو شيء يكاد يكون لا مفر منه. يأتي هنا دور المرحلة الثانية وهي حرق الدهون.
تسمى المرحلة السابقة بال bulking.
حرق الدهون: يتم ذلك عن طريق مجهود بدني عام مع تقليل السرعات الحرارية المكتسبة من الأكل (عن طريق تقليل كميات الأكل وتناول أنواع معينة من المؤكولات الصحية) بحيث يضطر الجسم لحرق الدهون للحصول على سرعات حرارية.
المشكلة أن في ناس بتعتقد أن لما يمرن عضلات البطن، الدهون المتراكمة حول البطن سوف تذوب. حرق الدهون يتم عن طريق مجهود بدني عام مثل الجري والسباحة وليس عن طريق تمارين موضعية.
تسمى هذه التمارين cardio لأنها تسرع من نبضات القلب وتنشط الدورة الدموية.
المشكلة أن مع حرق الدهون قد يفقد الجسم بعض العضلات لذلك يجب أن يصاحب تمارين ال cardio تمارين رفع الأثقال ايضا ولو بأوزان أقل وذلك لكي لا يفقد الجسم العضلات. الحدف هنا الحفاظ على العضلات وليس تنميتها لأن ذلك مستحيل مع عدم وجود فائض سرعات حرارية.
تسمى هذه المرحلة عامة بال cutting.
كل من يمارس رياضة كمال الأجسام يفعل ذلك عن طريق شهور من ال bulking ثم شهور من ال cutting.
حضرتك بقى عايز عضلات متشكلة وليس حجم كبير.
في الأول لازم تكون العضلات أساساً.
لازم تتمرن رفع أوزان حتى ولو أنت مش عايز حجم كبير. ماتخفش من موضوع الحجم. تكوين حجم كبير محتاج تمارين شبه يومية وكمية أكل كبيرة والتزام كبير. مش حتصحى الصبح تلاقي عضلاتك كبرت وشكلها وحش ومش زي ما أنت عايز. اتمرن بالأوزان براحتك لأن دي الطريقة الوحيدة لتكون العضل.
ثانياً، لازم تحافظ على نسبة دهون قليلة. لو أنت من النوع الرفيع قوي بطبيعتك ونسبة الدهون عندك قليلة جداً يبقى اتمرن بالأوزان وكل براحتك لأن جسمك من النوع ال metabolism عنده عالي وصعب انه يتخن. ممكن كمان ماتحتجش cutting لأن جسمك مش بيكون دهون أساساً.
لكن لو طبيعة جسمك عادية أو تميل لتكوين الدهون يبقى خلي بالك أثناء مرحلة ال bulking عشان ماتكونش دهون وترجع تتعب في حرقها في مرحلة ال cutting.
الكلام اللي أنا قلته في تعليقي السابق ده عشان الشكل.اقتباس:
المشاركة الأصلية كتبت بواسطة Relentless_mayhem
لو الهدف هو اللياقة مش الشكل.
يبقى الجري و السويدي (تمارين باستخدام وزن الجسم) وتمارين المرونة كافية.
بس ساعتها لياقتك ممكن تزيد ونًفَسك يتحسن وتبقى مرن أكتر مع ان شكل جسمك ماتغيرش كتير.
انا من النوع الي ظهري منحني شوية فمشوةالمنظر فسالت اصحابي قالولي كل يوم الصبح اوم العب ضغط لغايت لما تقع فبكدة انتا خدت كل الي انتا عاوزة من التمرين
فعملت كدة اسبوعين لغايت لما موت خالص من كتر اللعب
سالت ناس تانية قالولي روح الجيم
فقولت اسالكم وخلاص ابل اما اروح واموت خالص واهي تبقي مشاركة زكري مني ليكوا قبل الوفاة
وشكراااااااااااااااااا
يا رااجل تموت ايه. بعد الشر عليك.اقتباس:
المشاركة الأصلية كتبت بواسطة ahmedhomos
المشكلة بسيطة جداً.
انت عايز تمرن عضلات اسفل الضهر. اسمها القطنية.
هو ده التمرين بتاعه. على فكرة، أول ما بتعمل التمرين ده بتحس بظهرك مفرود ومشدود بطريقة غير طبيعية.
http://content.answers.com/main/cont...xtension.1.jpg
الف شكر يا جماعة على تعاونكم
على فكرة، تمرين الضغط مالوش أي علاقة بالظهر.اقتباس:
المشاركة الأصلية كتبت بواسطة ahmedhomos
أنت عايز تمرن ظهرك عامة و عضلات الظهر السفلى بالذات. اشترك في الجيم وركز شوية في تمارين الظهر حتلاقي في اسبوعين بالكتير ظهرك اتفرد ومشيتك اختلفت تماماً.
شــــكــــراااااااااا جدااا ليك يا باشا وربنا يخليك للي منحني ضهرهم
وبعد ازنك سواال بسيط؟؟؟
هوة التمرين يتعمل كل اد اية واعد اتمرن وقت اد اية
:Y_hi_3[1]:يعني من راي حضرتك اشترك في الجيم ولا اعمل امشي علي التمارين الي حضرتك
وصفتهالي:shyy:
هه
اقتباس:
المشاركة الأصلية كتبت بواسطة ahmedhomos
بص يا سيدي، التمرين ده اعمله يوم آه ويوم لأ.اقتباس:
المشاركة الأصلية كتبت بواسطة ahmedhomos
اعمل التمرين في مجموعات من 12 عده.
اعمل ثلاث أو اربع مجموعات.
ريح نص دقيقة ما بين المجموعة والثانية.
التمرين ده كفاية انه يعدل ظهرك في خلال اسبوع أو اثنين. موضوع الاشتراك في الجيم ده يرجعلك. الجيم بيقوي عضلاتك جسمك كلها. تمارين كتير ممكن تعملها في الجيم استحالة تعرف تعملها في البيت لأنها محتاجة اجهزة.
بس اضعف الايمان لو مشتركتش في الجيم اعمل التمارين اللي قلتلك عليها.