سؤال بخصوص أسعار قطع غيار بولو 99 ؟؟؟

يا جماعة أنا عايزة أشترى بولو 99 بس فيه ناس مخوفانى بتقول إن قطع الغيار غالية جداً , يعنى الفانوس ممكن يوصل 1500 جنية .
لو سمحتم أى حد يرد

---------------------------------------------------
- تم تعديل إسم الموضوع ليتناسب مع المحتوى.
- تم تعديل المشاركة من فرانكواراب إلى العربية دون حذفها لأنها أساس الموضوع.
- ستم حذف كل المشاركات الفرانكواراب دون تنبيه العضو
- تنبيه لمخالفة القاعدة رقم (6ب) و (16).
- يرجى مراجعة قواعد و قوانين المنتدى

(مشرف القسم)
---------------------------------------------------

إلي لازم تعرفه كدا كدا إن قطع الغيار الألماني الأصلي غالية مش رخيصة وأي عربية فولكس حتشتريها لازم تكون عارف كويس إن ليها جدول صيانات لازم تلتزم بيه وقطع غيار لازم تجبها وأنواع معينة مش أي حاجة والسلام

لأنك لو مشيت العربية على مزاجك حتوريك أيام سودا وحترجع تشتم في العربية وتقول فولكس دول ولاد ستين في سبعين وعربيات زي الزفت مع إن الغلطة غلطتك أصلاً

الفانوس ممكن يكون ثمنه غالي لو أصلي وجديد واحتمال فعلاً يوصل 1000 جنيه لأنه زجاج مش فبر

بس في حتة الفوانيس محدش بيجيب جديد كله بيجيب استيراد والجوز ممكن يعملو 600 جنيه لو حالتهم ممتازة وبيقولوا بابا وماما

علشان تجيب عربية فولكس لازم تعرف حتجيب قطع غيارك منين ولازم تعرف الفرق بين الأصلي والمضروب ولازم تعرف التاجر الأمين من التاجر إلي مش أمين ولازم تعرف الميكانيكي الكويس إلي عنده جهاز كشف أعطال ويعرف يستخدمه ويصلح العطل. لازم تعرف مركز ضبط الزوايا الصح نوع الزيت المستخدم والبوجيهات وسائل التبريد ومواعيد تغيير التيل الأمامي والخلفي والطنابير وحاجات كتير

ممكن كل واحد من أعضاء بولو كلوب يرد عليك من خلال تجربته

ولو عندك استفساراتأ ابعت والإخوة هنا كلهم متعاونين

هو الى قال1500 كده مبالغ شويه وخصوصا انها موديل 99
ممكن أقلك شويه اسعار قطع غيار جديده من عند الشهابى
أنصحك بالشهابى لأن كل حاجتو أصلى والذى يليه الصفوه محل أشرف سمير
تيل فرامل أمامى أصلى 280جم
طنابير أماميه 550
طقم دبرياج 690
حساس حراره 190
مياه تبريد هيبو 50 الزجاجه لتر ونصف
زيت باور أبيض 50 ج للزجاجه السياره تأخذ حوالى نصف زجاجه
طقم بوجيهات أن جى كيه عادى يتم تغييره كل 15000يعمل 55 ج
طقم بوجيهات أن جى كيه سوبر يتم تغييره كل 35000يعمل 80 ج
فلتر بنزين فولكس الأصلى 70جم
فلتر زيت فولكس الأصلى 45جم
بيتهيئلى دى بعض الحاجات الدوريه الى ممكن تتغير بصوره دوريه وبيتهيئلى أنها مش غاليه
أما الفوانيس فعلى ما أعتقد أن الكشافين الأمامين هيلا أصلى أستيراد ممكن يعملو 400ج فانوسين أشاره ممكن يعملو 100
غمازين ممكن يعملو 50
فانوسين خلفيين 400
فتيس أستيراد من 700 الى 800 جم
ماتور كامل من 4500 الى 6000 جم
طقم مرايات يعمل 400

دى أسعار تشجع الواحد يشترى كمان واحده..

اسمحولي أضيف ياجماعة وعن تجربة
مهما كانت قطع الغيار غالية ف هاتكون اوفر من الرخيص والمضروب
لأن وبكل بساطة بتتركب وننساها بعد كده لغاية ماينتهي عمرها الإفتراضي (حسب كتالوج المصنع)
لكن قطع الغيار الرخيصة بتتغير أكتر من مرة ومن غير أي ثوابت
ده غير انها ممكن تأثر عى جزء تاني ف يبوظ
ملحوظة مهمة جدا جدا :....

البولو عربية إعتمادية من الدرجة الأولى
واسعة,قوية وإمكانيات كويسة جدا
وزي المهندس اسامة ما قال "أنك لو مشيت العربية على مزاجك حتوريك أيام سودا وحترجع تشتم في العربية وتقول فولكس دول ولاد ستين في سبعين وعربيات زي الزفت مع إن الغلطة غلطتك أصلاً"

ف لازم الصيانة المستمرة عند أهل الخبرة مع قطع غيار أصلية وبس ,,,,

شكرا يا جماعة على الرد الجميل دة و انا شوفت واحدة بولو 99 ومتورها 1000 cc سنتر وباور من غير تكييف انا قولت لصاحبها 32000 جم بس هو عايز 36000 ممكن حد يقولى السعر الحقيقي ليها كام؟؟؟؟

مع العلم ان حالة العربية ممتازة بس مخبوطة من عند الكصدام

طبعا لو وافق على 32 تبأا ببلاش بس لو فيها تكييف تبأا أحسن مع إن كده أريح للموتور بس المهم الباور يكون مش متركب!!

هو الباور متركبلها و ارقام الشاسية مش نفس الارقام الى فى الرخصة بتاعة العربية كدة يبقى فى مشاكل؟؟؟؟

كده مش هتنفع خالص ماتجيبهاش دى خسارة فيها الفلوس..

مشاكل دا أبو المشاكل كلها دا معناه ان العربيه مغيره ياربع يانص يعنى مشيسه
قوليولو أنت بيعها قطع أستيراد أحسن يعنى الموتور لوحدو الكراسى لوحدها الشكمان الفتيس
كده ممكن تجيبلو فلوس أكتر حسبى الله ونعمه الوكيل عايز يديهالك ب 36000 دا ولا 26000

شكرا على الرد