الموضوع: تسعير لانوس 2004

شوف يا استاذ hanysaeid
نصيحه تمسك بالسعر اللى انتا طالبه ومتبصش على اى سعر واحد دخل خبطه والسلام
جات جات ماجتش مش خسران حاجه الاسعار لا نزلت ولا حاجه نزلت حاجه بسيطه ممكن انما وقعت زى ما الناس بتحلم او نفسها لا وكل اللى يقولك نزلت وواحد صاحبى وواحده صاحبتى اسف جدا ليه مع احترامى للكل كان نايم بيحلم او عايز يعمل خبير او اهو بيشارك والسلام وممكن ميكنش عنده عربيه اساسا انما احنا كده نحب قعده القهاوى والفزلكه فى الكلام دا غير انى ابصملك بالعشره ان 80% من العربيات او يمكن اكترمن اللى فى السوق وعلى النت مشغوله وحوادث ومتنيله بنيله والعربيه النضيفه بتبقى عامله زى اسوره دهب فى وسط اساور قشره ومعلش بقى دى كانت شغلانتى فى احدى الفترات موضوع الحوادث دا
بس استحرمته بعد فتره وربنا بس انا كنت بجيب العربيه وابيعها لتجار مش لزبون المهم
يا جماعه وانا عارف ان كلامى هايتعب ناس كتير قوى
اللى شايف عربيته حلوه ومتحافظ عليها يقيمها وينزل السوق ويشوف العربيات اللى زيها والكسر ويحدد سعر فى دماغه كويس ويتمسك بيه وصدقنى هاتبيع بيه لان زى ما فيه اللى مبيفهمش فى العربيات فى اللى بيفهم وكله رزق ونصيب فى الاخر
ومحدش يجيب ميكانيكى يشوف العربيه هات سمكرى ...سمكرى ...سمكرى
مش عايز اقولكم مش اى سمكرى كمان ياريت تطلعوا تجيبوه من الحرفيين لانهم معظمهم شغال فى الحوادث وهايعرف العربيه اول ما يشوفها
بدل ما تفرح انك شارى عربيه ناقصه الفين تلاته وتبقى مبسوط
وهى فى الاخر عربيه مشغوله وواقفه على صاحبها بنص التمن اللى بعهالك بيه

وبعدين برضه فى قاعده وفي شواذ عن القاعده ممكن يبقى فيه حد معذور فى فلوس فباع محتاج يبقى احنا منعممهاش على الفئه كلها

والكلام دا مش على اللانوس بس على معظم العربيات بس علشان اللانوس ممكن تيجى بسعر اقل شويه من غيرها اللعب فيها كتير يعنى المبتدئين فى الكار بيلعبو فيها اكتر على ما يلم فلوسه

علشان كده انا رايي الشخصى انك لو لقيت عربيه حلوه واتاكدت انها كويسه ومش ملعوب فيها توكل على الله بالمعقول برضه يعنى لا تظلم ولا تتظلم

طولت عليكم معلش ياريت يا جماعه محدش ياخد الكلام لنفسه تحديدا انا بتكلم عامه dh

الف شكر ياباشا على الكلام دة يا جماعة انا والله فية واحد معايا فى الشغل لسة شرى واحدة لانوس 2002 ب 41 الف وفرحان بيقولى ضحكت على الراجل وقسط 5 الاف جنية انا لما شوفتها والله مرضيت اعقدة عربية متهانة جدا وشكلها كانت متاجرة وقالبة عداد لانى لقيت المسامير بتاعة التابلوة ملعوب فيها والتابلوة شكلة جديد يعنى مفيهوش تراب وحالتها زفت وفاضية مش كاملة المهم مطولش عليكو النت دلوقت بقة شغل كلة تجار يمكن مش كلة كلة بس 99 فى المية انا لما جيبت عربيتى رفعتها فى بنزينة فى مدينة نصر ناس امنة قوى بجد المهندس اللى هناك شالنى من عربيتين واحدة فيها خبطة فى الشاسية والتانية كبس الموتور طلع 55 فى المية فياريت يا عالم اللى بيدور على عربية يدور كويس لان النصب فى العربيات بقة حاجة رهيبة والله فية عربيات بتغير نص كامل وبتتباع ودى اهم حاجة فى العربية والف شكر طولت عليكم