عن نفسي افضل المانيوال .....لاني بنام مع الاوتوماتك
عرض للطباعة
عن نفسي افضل المانيوال .....لاني بنام مع الاوتوماتك
اوتوماتيك طبعا
اريح وافضل 100 مره
التبترونيك احسن منهم
انا بحبة اوى
بيدينى الى انا عايزة
الاتوماتيك اكيد ... شوارعنا الجميلة والزحمة اللي احنا فيها مينفعهاش غير الاتوماتيك هيبقى اريح بكتير
بس عيبه صيانته المولعة وناس قليلة من الصنيعية بيفهموا فيه
الأوتوماتيك أكيد علشان أريح فى الزحمة
أحسن حاجه التيبترونيك ، معاك اوتوماتيك ومانيوال وانت ومزاجك وحسب ظروف الطريق ، فعلا اختراع روعة
اعتقد الموضوع معمول عشان يفرق بين المانيوال العادى والاوتوماتك بجميع انواعه اذا كان استبترونك او تبتبرونك او ايزيترونك او عبده ترونك
المانيوال احساس جاااامد بالعربيه
الاوتوماتك اريح بكتير بس بيضيع احساسك بالعربيه والقيادة
الا لو فى وسائل مساعدة
- زى التبترونك او الايزيترونك (امكانية التحكم فى النقلات)
- سبورت مود
- ......
الأوتوماتيك أكيد علشان أريح فى الزحمة
:S_thum1[1]:
دا غير تركيزك بيكون افضل من وجهة نظري مع الاتو على الطريق وخصوصا في الزحمة
المنول بتركز في مليون حاجة كفاية لو بتاكل وانت بتسوق او بتعمل تلفون ضروري مش هتكون متزاول بين حجات كتير
الميزه الوحيده في المنول انه معمر ولو يهمك الشد والكلام دا طبعا المنول اسرع بكتير
الاتوماتك عشان تعمل الكلام دا اقل شيئ تكون العربية 1800سي سي وانت طالع
والكلام دا من مجرب الاتنين
والله اعلم
اتوماتيك طبعا ولا اشغل نفسى بحاجة
الأوتوماتيك ارييييييييييييييييييييييي يح بكتيييييييييييييييييييييي يييييييير
عفوا للاختلاف
مانيوال باحس بالعربية اكتر
و لا عزاء لرجلي الشمال
الاوتوماتيك اريحححح بس المانيوال امتتتتتتع واحساس بالتحكم في السياره
وعن نفسي لما اركب اوتوماتيك بحس اني اقود سياره ملاهي او سياره لعبه
مفيش حاجه اسمها الأوتوماتيك بجميع انواعه ، الاتوماتيك العادي حاجه والاستيبترونيك او التيبترونيك حاجه تانيه ، العربيات دلوقتي تلات فئات في الفتيس
- مانيوال
- اوتوماتيك
- تيبرونيك " ستيبترونيك " ( مانيوال + اوتوماتيك )
لو معاك عربية ستيبترونيك ، تقدر تخليها مانيوال وقت ما تحب وتحس بالعربية زي ما انت عاوز ، او تخليها اوتوماتيك وتريح دماغك وقت ما انت عاوز ، ييعني معاك الاتنين ومفيش احسن من كده ـ
لكن موضوع المانيوال ده خلاص راحت عليه ، وهرية الدبرياج ولخمة اديه التنين وانا سايق ( حتى معرفش ضرب واحده ريد بول ولا كانزاية بيبسي ) ، العربية المانيوال بقت عاملة زي التيليفون ابو مانفله بتاع زمان اللي تقعد تلف فيه عشان يديك الترنك عشان تكلم المركز:POINTI~2[2]:
الاوتوماتيك طبعا افضل مليون مره بالذات في البلد دي والفرق بين الاوتو والمانيوال مش كبير اوي زي مالناس فاكره هي بس الطلعه بتبقى اتقل ....وحتى لو انا بره مصر وفي بلد فاضيه هجيب اوتوماتيك لانه راحه ورفاهيه واتجاه عالمي في اوروبا وامريكا (80% من العربيات في امريكا اوتوماتيك ) وهو المستقبل ...بس طبعا العربيات اللي مواتيرها صغيرها على حجمها لاانصح بيها اوتوماتيك لانهاهتزهق اللي سايقها ...واللي يركب اوتوماتيك لايمكن يركب بعدها مانيوال تاني حتى ولو كانت عربيه انضف من عربيته ...وفي عربيات من وجهة نظري لم تحقق انتشار لانها مانيوال (فيات لينيا-برافو-فورد مونديو -بيجو 407 ديزل 1.6 -بريليانس سبليندور ..........)
شكرا يا كبييير
حضرك اكيد انا عارف الفرق بينهم
بس لمعلوماتك برده ان الاستبترونك او تبترونك مبنيين على فتيس اوتوماتك يعنى torque converter - TC
الفرق انه بيديك امكانيه انك تتحكم فى وقت النقله شوية بدرى او شوية متأخر
ولو النقله مش عجبته مش هيستجيب لحضرتك
يعنى فى الاخر اوتوماتك
لو عايز تحس بالموضوع صح جرب الايزيترونك
ده مبنى على فتيس مانيوال
وفيه ديبرياج بس كهربا بالكمبيوتر
يعنى الفاقد فى القدره اللى خارجه من الموتور اقل بكتييييييييييييييييير من التبترونك او الاستبترونك اللى بتروح فى ال TC
وبرده ممكن يرخم عليك ومش يرضى بنقله معينه عشان فى عوامل امان للمحافظة على الفتيس
لو عايز معلومات اكتر عن انواع الفتيس المختلفه شوف الموضوع ده
ايه الفرق بين الإيزيترونك والتيبترونك ؟؟
انا قصدى ان كلهم اريح من المانيوال
بس مش بيدوك احساس المانيوال اطلاقا
الفتيس DSG هو اللى ممكن نعتبره احسن من كله حتى المانيوال
وهتلاقى معلومات عنه فى نفس الموضوع السابق
والله انا افضل في مصر الاتوماتيك وخصوصا الساعة 2 ظهرا
يا باشا والله انا ركبت المانيوال كتير والأوتوماتيك كتير وركبت بردو الأستيبترونيك ، ومش شايف احساس زيادة في المانيوال غير الحساس بوجع رجلي الشمال من الدبرياج كل شويه ولخمتي لما اكون باكل او بشرب حاجه او بتكلم في الموبيل وانا سايق ، حتى في الأتوماتيك العادي في حاجه اسمها كيك دون اكيد طبعا انت عارفها بتخليك تشد وقت ما انت عاوز وتحرق على الغيار عادي وكل حاجه ، وفي الأستيبترونيك بتغير اول وتاني عادي وتحرق زي ما انت عاوز وكل حاجه ، مش عارف بقى ايه الحساس الجميل بتاع المانيوال ده !!!!
اكيد طبعا المانيوال جامد جدا لايضاهية اى نوع من انواع النقلات وبيبين مدى قوتك فى القيادة ومهارتك ومعلش اللى بيسوق اتوماتيك مش هايعرف يسوق مانيوال دة فى حالة لو ماتعلمش سواقة المانيوال لاكن اللى بيسوق مانيوال بيسوق اى حاجة انا رائى اللى بيسوق اتوماتيك دة بيريح دماغة لكن المانيوال عشقى انا جيبت عربيتى مانيوال ودوغت عليها لحد ماجيبتها مانيوال
عربية الشغل لازم تكون اوتوماتيك عشان مشاوير كتير
عربيتي الشخصية لازم تكون مانيوال عشان انا بستمتع بالسواقة
العربيات زي الستات الحلوة لازم تلاغيها و تلاغيك و تلاعبها و تلاعبك مش تركب و تشغل الكاسيت و التكييف و تنسى البنوتة الحلوة اللي معاك
مش كده و لا ايه
طبعا اوتو عشان الزحمة والرفاهية
حتى الأوتوماتيك ممكن تشد وتحرق بية يمكن أحسن من المانيوال كمان لأنة بينقل اسرع من المانيوال لما تجيب أخر الغيار بس تكون العربية مظبوطة وانت تكون واخد عليها هتعرف ازاى تعمل بيها اللى انت عايزة
بس مشكلتة فعلا النوووم
لو بايدي ......اختار المانيوال ...ليس هناك سحب لعربيه يضاهي المانيوال.........السواقه بتبقي متعه
والعالم كله عمال يحاول يضاهي الفتيس المانيوال وكل شويه يخترعو حاجه ويقولو...انهم قربو للمانيوال
وترتيبهم عالميا كالاتي من ناحيه الافضل لاداء السيارات
- المانيوال
-dsg ...اعتقد ده اختصاره مش متاكده
-ايزي ترونيك
ستيبترونك
-الاتوماتيك العادي
بس نظرا لحلاوه المشاوير داخل المحروسه.....يبقي ستيبترونيك
اوتوماتيك اوتوماتيك اوتوماتيك اوتوماتيك اوتوماتيك اوتوماتيك
شبعت من المانيوال و وجع الرجلين فى الزحمة
و بعدين انا حصل معايا موقف لا انساه
بطن رجلى اتعور و عمل قرحة لأنها منطقة ضغط (عليها وزن الجسم كله) فالألتئام بيكون بطئ جدا ، و كان معايا ساعتها البطة المانيوال ، و شفت ذل شهر و نصف بين التاكسيات و قرفهم :jimlad:و انتظار تفضل أحد الأقارب أو المعارف بتوصيلك :2:، اما لو كانت اتوماتيك ماكنتش اتحوجت لحد (و الحمد لله على كل شئ)
من بعدها نويت على الأوتوماتيك و الحمد لله ربنا كرمنى بيها
أما بالنسبة للمشاكل لو عطلت فدى معرض ليها اى عربية تكنولوجيتها عالية حتى لو مانيوال لأن لازم تتصلح فى التوكيل ، و طالما الواحد محافظ على الصيانة فان شاء الله مافيش مشاكل
أما المصاريف فشئ طبيعى ان كل الواحد ما اختار حاجة اريح لازم تكون اغلى
المانيوال طبعا متعة فى القيادة لما بتبقى الدنيا رايقة تحس إنك بتسوق بجد.
بصراحة الأوتوماتيك لما جربتها حسيت إنى قاعد جنب السواق.
المانيوال أسهل أرخص فى الصيانة و استهلاك بنزينها أقل من الأوتو.
اوتوماتيك طبعا غير كدة مش عايز اسوق
المانوال ده للبلاد التانية هنا لو هسوق مانوال يبقي عايز حد معايا يايسوق يايخلي باله من الطريق دة الواحد عايز يركب عينين في دماغه زيادة بسبب الناس
Manual transmission
اتوماتيك طبعا يا معلم
انا اختار المانيوال لانه امتع بكتير فى القياده واللى بيتعود عليه مبيحسش باى حاجه بعد كدا تحس انك متبرمج و بيبقى عندك سرعه استجابه و رد فعل غير طبيعى فى تغييرك للنقلات و بتبقى متفاعل مع العربيه كانك بتكلمها و تكلمك
و الدليل على ان المانيوال باقى ان كل العربيات الرياضيه مانيوال من اول العربيات الموستانج والكامارو التشارجرو صولا ل البورش والفيراراى لحد البوجاتى والامبورجينى
اتوماتيك طبعا لانها بتزود نسبة تركيزك وانت سايق وبالاخص فى الزحمة وعلى الكبارى طبعا مزهلة وبعدين الاتوماتيك بياخد الغيار بتاعة بالكامل عكس المانيوال اخدت غيار غلط وممكن مش تستحمل لما تكمل الغيار وتنقل للى بعدة حاجات كدة انا جربتها لقيت فعلا عالم الرفاهية فى السيارات الاتوماتيك واعطالها طبعا قليلة جججدا عن المانيوال دا ان وجدت وشكرا لموضوعك
الاتوماتيك طبعا علشان الزمة ومطالع الكباري