زيت الموتور نقص لتر بعد 1200 كيلو

**michohat** · 22-04-2009 02:33 PM

النهارده كنت رايح نازل مصر مشوار رايح جاى وكان عداد الكيلوات عامل 1000 وكسور قولت اخد المشوار وبعد كده اغير الزيت قبل ما ادور واطلع قست الزيت بواسطه المقاس لقيته تحت علامه الماكس بحاجه بسيطه
رحت المشوار و رجعت دخلت غيرت الزيت اول مره اغير فى البنزينه بعد ما اعادوا افتتاحها و اتجددت لقيتهم بدل ما بيفكوا طبه الزيت الراجل حط حاجه زى شفاط مكان مقياس الزيت و بدء يشفط
المفروض العربية عندى تاخد اربعه لتر زيت بتغيير الفلتر ومن غير التغيير بتاخد 3.5 لتر
الزيت اللى طلع كان 2 لتر وشوية الراجل قال انها ناقصه لتر
فاذاى فيه نقص وانا كنت لسه قايس الزيت قبل ما اطلع
هل كده يبقى الحاله اتاخرت ولازم الماتور يتفتح مع العلم انه مش اتفتح قبل كده ولا اتعمل له اى حاجه غير ظبط تاكيهات وغيرت اطباق ليها و غيرت جوان كارتير الزيت
ولا ممكن تمشى معايا فترة

ملاحظة وانا فى الطريق كنت لما بهدى لمبه الزيت كانت بتنور والعربية بتطفى فكنت فاكر ان فيه شوائب فى البنزين فهل للى حصل ده علاقة بنقص الزيت

**A.Elsheikh.01** · 22-04-2009 04:59 PM

روح للميكانيكي خليه يأكدلك على كل المسامير الى على وش التكايهات علشان ممكن يكون فيهم واحد مفكوك وسايب
وبرضه خليه يتأكد من الطبه
الا اذا بقى وانا مش عايز اقولها الا لما تتأكد علشان متكونش زي ما فاكر وبرضه انا مش متأكد ليها دخل ولا لا بس اتكل على الله وشوف كده الميكانيكي المسامير هتبقى محتاجه تربيط ولا لا

**michohat** · 22-04-2009 08:58 PM

بقى لى فترة و الميكانيكى بيقول لى ان الماتور خف و بيطلع بخار من خرطوم الفايظ

**ahmed_h_g** · 22-04-2009 09:21 PM

ممكن يكون طاقم الشمبر خفيف وعايز يتغير .... شوف الشكمان بيطلع دخنه بيضه ولا لأ

**bishoy02010** · 22-04-2009 10:32 PM

اتأكد من الميكانيكى بتاعك بس هوة شكلة محتاج طقم شنبر :( عشان انتة بتقول ان الميكانيكى قلك انه خف عارف لو عادى كنت هقلك ساعات كتير موضوع المكنة اللى بتشفط زيت مبتشفطوش كلة وحصلت معايا قبل كده اختراع فاشل فى عربيات كتير بس طالما انتة بتقول لمبة الزيت نورت وكدة يبقى اعتقد انة خف ومحتاج طقم شنبر وتأكد من الميكانيكى او قيسة فى البنزينة

ممكن تشوف زيت شانبر وتجربة برده مش هتخسر حاجة

**michohat** · 23-04-2009 10:49 AM

المشاركة الأصلية كتبت بواسطة ahmed_h_g

ممكن يكون طاقم الشمبر خفيف وعايز يتغير .... شوف الشكمان بيطلع دخنه بيضه ولا لأ

الشكمان مش بيطلع دخنه بيضاء الا الصبح بدرى والدنيا سقعه فاعتقد ان دى بخار مياه بس برضه لون ماسورة الشكمان من جوه اسود مش مبيض زى ما كنت بسمع

المشاركة الأصلية كتبت بواسطة tmedhat

اتاكد الاول ان مفيشاى تسريب للزيت
وراقب الزيت الجديد
عشان تتاكد الزيت بيخر و لا الزيت بيتبخر
و بعدين نتكلم فى الباقى

هراقب الزيت وهشوف لو فيه ترشيح لبرة ولا لا

**michohat** · 23-04-2009 09:53 PM

رحت للميكانيكى قال لى ده كده شنبر يعنى اللى كنت خايف منه وبحاول ااجل فيه حصل
وقال ممكن مش تعمله دلوقتى وتمشى بيها وتراعى الزيت مش ينقص و بسئلة على الشنبر هيتكلف كام قال ان قطع الغيار هتبقى بحوالى 350-400 وانه هياخد 350 مصنعيه
وانا حاليا بفكر ااجل الموضوع لحد قبل الفحص اللى جاى ( سنتين) علشان ادى فرصه للدوكو اللى عملته واتخميت فيه(مكملش سنة) يقع او يحصل له حاجه علشان ابقى اشدها تانى وفرصه ان الماتور يبقى مفكوك الصنايعيه يعرفوا يشتغلوا مستريحين

**michohat** · 23-04-2009 09:57 PM

بالنسبة للاعضاء اللى من الزقازيق الميكانيكى اللى ناوى اتعامل معاه اسمه عادل الفلاح وده مشهور انه صنايعى كويس ومصنعيته غاليه فهل فى كلام على حد تانى مصنعيته احسن خصوصا انه ماتور 2 كامه

**michohat** · 25-04-2009 02:37 AM

المشاركة الأصلية كتبت بواسطة michohat

رحت للميكانيكى قال لى ده كده شنبر يعنى اللى كنت خايف منه وبحاول ااجل فيه حصل
وقال ممكن مش تعمله دلوقتى وتمشى بيها وتراعى الزيت مش ينقص و بسئلة على الشنبر هيتكلف كام قال ان قطع الغيار هتبقى بحوالى 350-400 وانه هياخد 350 مصنعيه
وانا حاليا بفكر ااجل الموضوع لحد قبل الفحص اللى جاى ( سنتين) علشان ادى فرصه للدوكو اللى عملته واتخميت فيه(مكملش سنة) يقع او يحصل له حاجه علشان ابقى اشدها تانى وفرصه ان الماتور يبقى مفكوك الصنايعيه يعرفوا يشتغلوا مستريحين

ممكن النصيحه يا جماعه اعمل شنبر ولا استنى شوية وهل لو استنيت هيبقى فيها قلق

-

الموضوع: زيت الموتور نقص لتر بعد 1200 كيلو

LinkBack

أدوات الموضوع

عرض

-

-

-

المواضيع المتشابهه

الزيت الموتور إتحرق بعد 2000 كيلو !!!

رحلة 1200 كيلو بميجان .... ومفاجأة من ميجى بعد ستر ربنا أكيد

صيانة الموتور 100 ألف كيلو أفيدونى ؟؟؟؟؟؟

ايه اخر قرايه rpm اللى المفروض الموتور ال 1200 cc مايتجوازهاش

عملت حادثة باللانسر.... (مخنوووووق جدا جدا)العربية عاملة 1200 كيلو بس

الكلمات الدلالية لهذا الموضوع

المفضلات

المفضلات

ضوابط المشاركة