او ممكن تستنى الالتو الجديده (شبه البيكانتو)
عرض للطباعة
او ممكن تستنى الالتو الجديده (شبه البيكانتو)
سعادة الباشا الوزير
الالتو تجميع هندى وفعلا سعر الفول اوبشن غالى ، البيكانتو والi10 احسن
البيكانتو والi10 وجهين لعملة واحدة ولكن الi10 اجمل من جوة لانها i
البيكانتو عجلها اكبر والموتور والشاسيه وقطع الغيار واحد لانها برة شركة واحدة
ايوة كيا وهونداى فى كوريا شركة واحدة واحنا عندنا فى هونداى القطعه مدموغ عليها علامة الشركتين
العربيتين 66 حصان الi10 كانت بتنزل هاف اوبشن ب60 و62 الف ، يعنى شيلها واتكل على الله ، هى تجميع هندى ولكن اللى جربهوها قالوا انها تحفة ومتظبطة قوى قوى ، البيكانتو زيها ولكن i10 اجمل من جوة
لك الخيار ولا افضل لك سوزوكى التو
فعلا الالتو هندى و بتخرج من مصنع ماروتى سوزوكى الهند.. و لو المبلغ معاك استحاله يزيد يبقى خليك فى السبارك.. اكيد افضل من الالتو,, لكنى قريت عنها فى المنتدى انها بتحك فى المطبات لو محمله.. انا بنصحك تعمل بحث عنها فى منتدى الشيفروليه.
انا فى رأيي الالتو ال 1100 كتيير عليها السعر ده.. الالتو ال 800 هى الحل الامثل فى حدود 45,000.
ربنا يوفقك فى الاختيار ان شاء الله
والله يا شباب مش عارف اقولكم ايه بجد انتو ناس محترمين اوى بتساعدو اى حد من غير متعرفوه بجد جزاكم الله خيرا
بالنسبه للالتو هما نزلوا سعرها من 60000 الى 55000 يمكن عشات عارفين ان الشكل الجديد خلاص هينزل
اما الاسبارك انا فعلا شوفتها عربيه حلوه بس الناس خوفونى من منصور شيفروليه وقالولى انه غالى قوى وكمان هينزل منها شكل جديد اخر هذه السنه
وكمان انا سمعت ان الهيونداى اى 10 تقفيل هندى بردو
بجد موضوع شراء عربيه ده موضوع صعب قوى ... وعلى فكره يا شباب كل العربيات هترخص فى اول 2010 بنسبه 15% من 40% المتبقيه من الجمارك ده اللى قالهولى واحد صاحبى وكيل نيابه
بصراحه مبقتش عارف اعمل ايه هل استنى ل 2010 عشان الموديلات الجديده وانخفاض الاسعار واعانى من حر هذا الصيف ام ماذا افعل ؟؟؟؟؟؟؟؟؟؟؟؟؟؟
بص هو يمكن فعلا يكون فى انخفاض فى الاسعار.. بس لو انت فى احتياج شديد للعربية و هتوفرلك و تريحك توكل على لله و هاتها.. انا اشتريت ال I10 ب 60,000 و كانت فى عرض و بعدها نزلت 56,500 و زادت تانى لحد 58,500 الان ف مفيش حاجة مضمونة.
لو مقلق من السبارك.. اتوكل على الله و هات الاتوس لو نفسك مش مسدودة منها و اسأل على قطع غيارها علشان تبقى مطمئن,, و بجد عربة محترمة جدااااا و فى الهند ليها شعبية كبيرة و بيفضلوها عن الالتو و مفيشمنها اى مشاكل على الاطلاق+ ان سعرها معقول.
اما البيكانتو الفاضيه.. فده هبل ان واحد يجيب عربية ب 56000 جم بدن تكييف او باور (يعنى عذاب) و بدون اى نوع من انواع الراحة علشان ياخد منها شكل كويس؟؟؟ حرااام
بالتوفيق
السبارك تقفيلها وخاماتها وصالونها أنضف وأشيك مليون مرة من الأتوس والألتو.....ده غير إن شكلها الخارجي أفضل في رأيي....وعلى فكرة الكنبة بتاعتها ممكن تتطبق عشان السفر وكده
زائد كمان إن منصور رخصها في 2009 وبقت بتبدأ من 52 بعد ما كان موديل 2008 بـ 58!
أنا رأيي لو هاتشتري ومش هاتزود عن range الخمسينات يبقى هي السبارك أنسب وأفضل اختيار
هي بس عيبها إن الكنبة ضيقة واللي قاعد ورا مش هايبقى مرتاح قوي خصوصاً لو طويل وبالذات في حالة السفر بالعربية.....بس عموماً برضه في الأتوس والألتو وكل عربيات الفئة دي هاتلاقي الموضوع هو هو فالنقطة دي مش هاتفرق
وعلى فكرة أنا أسمع إن الأتوس كمان تقفيل هندي زيها زي الألتو....وبصراحة باين على خامات صالونها فعلاً!
خليك فى البيكانتو او i10 دة أحسن أختيار
وكدة كدة المفدم الى معاك دة هايبقا كويس على العربيتين دول
هايبقا شامل التامين وكل حاجة دة لو هاتقسط على 5 سنوات
لو عندك عربية وتقدر تستنى يعنى موش هاتستنى كثير بعد هوجة الصيف وموسم بيع العربيات ينتهى فى نصف سبتمبر واول اكتوبر وبتبقى موديلات 2010 نزلت ، لو الالتو الجديدة نزلت وانا شايف انها عاجباك شيل ، لو الاسبارك الجديدة نزلت وعجبتك شيل ، لو اقتنعت براى فى البيكانتو و i10 شيل وربنا يوفقك ، عارف موش هاتشترى الا لما يحين نصيبك فى الشراء واسال الله خير ما فى السوق وتوكل