-
هيونداى اتوس 2009
السلام عليكم ورحمه الله وبركاته
افيدونى افادكم الله
انا ملاحظ ان مفيش حد بيتكلم عن الهيونداى الاتوس مع ان فى منها زيرو وفل اوبشن و 53000 ياريت ياجماعه تقولولى ايه رايكم فيها وهل هى افضل ام الاسبيرانزا 113 ام الشيفروليه سبارك من حيث كل شئ
مع ملاحظه انى هدفع 30 الف مقدم وهقسط الباقى
ياريت يا جماعه تفيدونى
-
يا شباب لو سمحتم افيدونى لانى عاوز اجيب عربيه ضرورى قبل اول شهر خمسه
-
يا باشا الاتوس مفيش منها غير هاف اوبشن
من حيث المقارنة ارشحلك السبارك
من حيث :
-قوة الموتور
-الخامات الداخلية والتقفيل افضل
-كماليات اكتر من الاتوس (الهاف)
-شكل التابلوه افضل بكتيييييييييييييير من الاتوس (التي يرجع تصميم التابلوه بتعها الي التسعينات)
اما الاسبرانزا a113 فمعرفش عنها حاجة
-
بجد لو عايز نصيحتى اصبر شويه وهات i10
ولا اتوس ولا سبارك ولا 113
بجد فرق كبيييييييييير
-
-
انا لو مكانك افضل السبارك (بدون تجربة) لكن انا شوفت الاتنين و السبارك احلى لكن اضيق حاجه بسيطة.. و الاتوس من جوا مش حلوه و خاماتها لونها رمادى فاتح جدا :I_angr1[1]:
اما ال i10 فهى افضل منهم و اوسع و الباور كهرباء كمان مش هيدروليك.
لكن لو المبلغ المتاح فى حدود السبارك و الاتوس انا ارشح السبارك (بس مشكلتها توكيل سىء علشان صغير+انضمام الشيفروليه لانوس اللى هتزود مشاكل الخدمة).
لو تقدر تكمل هات i10 وشيل من دماغك موضوع قطع الغيار لو سواقتك كويسه و هاديه لانك مش هتمشى تخبط و لو عايز تأمن يبقى افضل (بس تأمينها غالى جدااا).
-
اه بالنسبة لل A113 شيلها من المنافسة اصلا.. ضيقه و موتورها تعباااااااااااااااااان بالنسبة لحجمه و مواصفاته:
1300 سى سى 16 صمام على كامتين
تسارعه 0-100 فى 16 ثانية
و ممكن تشوف هنا تقرير عنها:
http://www.sgcarmart.com/news/review.php?AID=26#
تسارع ال i10 عمل معايا 13.9 ثانية و كان معايا واحد فى العربية رغم ان موتورها 1100 سى سى و كامة واحده 12 صمام!!!!
رغم ان ال i10 اكبر منها تستنتج ايه!!!
-
جزاكم الله خيرا جميعا
انا ان شاء الله نويت اضغط على نفسى شويه واجيب السوزوكى التو 1100 س س هى فل اوبشن تكييف وباور وسنتر وزجاج كهرباء امامى وكاسيت سى دى علاوه على انها يابانى ... مش عارف بس عندى احساس انها احسنهم وسعرها 55000 اما بالنسبه لل اى 10 فياشباب كلكم عارفين ان ساعات الموضوع بيوصل معاك لاخره فتلاقى نفسك مش قادر تزود جنيه كمان والله كان نفسى اجبها بس الظروف بقى
اتمنى تقولولى هل انا كده احسنت الاختيار ام ماذا .... وجزى الله كل من نصحنى خيرا
-
الألتو 1100 على موقع كونتاكت ب 60 مش 55
بحس ان الألتو ضيقة وضعيفة مش عارف ليه
هى مش يابانى 100 فى ال 100 هى متجمعة فى مصنع سوزوكى فى الهند
حاسس انها ما تستاهلش التمن ده
اعتقد فكر فى السبارك افضل اختيار كورى و توكيل معقول
ممكن بالتمن ده تجيب بيكانتو فاضية من غير تكيف ولا باور
بس مش عارف يمكن تركبهم بعدين وهل هيكونوا بنفس الكفائة زى اللى بتكيف و باور اصلا مش عارف
-
صدقنى اى10 او بيكانتو افضل
Content Relevant URLs by
vBSEO 3.6.0 PL2