حصر أسباب حوادث السيارات التي تعرض لها أعضاء المنتدي.

http://4.bp.blogspot.com/_4wumerhZwh...r_accident.jpg
...نادر ان حد مننا مايكونش عمل حادثه (والعياذ بالله طبعآ )...
http://www.nilemotors.net/Nile/showthread.php?t=66901

انا واحد من الناس عملت بدل الحادثه 3 ...
ومع تصفحي لصفحات المنتدي العام. أستخلصت ان اسباب الحوادث تنحصر في 5 نقاط: (مع اعتبار السرعه المتهوره حاله منفصله لأمكانية حصرها )

1- سرعه متهوره.

2- خطأ من السائق.
- سهو
- نام وهو سايق
- انشغل بحاجه غير السواقه ( بيعد فلوس - بيتكلم في الموبايل - بيلعب في الراديو او الكاسيت - بيحب..... الخخخخخ )
- كان شارب مخدرات والعياذ بالله
- كان واخد طفل علي رجله وهو سايق

3- خطأ من الغير.
- حد زنق عليك.
- حد خبط عربيتك من ورا.
- حد ماشي مخالف علي سرعه عاليه... الخخخخ.

4- خلل في السيارة.
- مابيتعملهاش صيانه دوريه
- الفرامل مش كويسه
- العربيه بتحدف شمال او يمين
- الكاوتش مستهلك... الخخخخ

5- أسباب أخري خارجه عن إرادتنا.
-حفره مش باينه في الطريق
- ضباب دخاني ظهر فجأه في ملف
- حاجه جت في الزجاج كسرته وانت سايق الخخخخ


قلت نعمل استطلاع.
وكل واحد يحكي تجربته ويشارك في اللاستطلاع. علشان نعرف الدنيا ماشيه ازاي. وايه أكثر أسباب الحوادث.
وإن شاء الله بتحليل بيانات الاستطلاع نقدر نحصر أكثر أسباب الحوادث.

وياريت الكل يشارك بتجربته.

حأبدأ بنفسي :
انا عملن 4 حوادث.

1- سرعه متهوره : في طريق زراعي ضيق كنت ماشي 130 كم/س وفوجئت بملف... والعربيه كانت فيات 132 وبتخطف شمال مع الفرمله. العربيه نزلت علي التراب وماعرفتش أتحكم فيها لفت 4 لفات علي الطريق واتقلبت علي جنبها. والحمد لله ماكنش في اصابات والفضل لله اولا واخيرآ. بس طبعآ العربيه اتبهدلت.
سبب اني كنت باجري. لني كنت متأخر علي ميعاد هام جدآ (ولكني برده مارحتش )
سبب الحادثه (خطأ مني - خلل في السياره (الخطفه الشمال وعلبة الدركسيون) - السرعه المتهوره )

2- خطأ من السائق: أول حادثه عملتها وكانت بفيات 128 في مخرج القاهره والدنيا مطره والطرق زحمه... كنت باسمع اغنيه لاصاله وحبيت ارجع الاغنيه. ويادوب رفعت عيني من علي السي دي لاقيت عربيه 125 قدامي بيضرب فرامل. طبعآ عقبال ما ضربت فرامل. العربيه زحفت وخبطت في ال 125 واتبهدلت جدآ. مع اني كنت ماشي 40 كم/س.

3- خطأ من الغير وخلل في السيارة.
بال 128 والكلاكس كان عطلان وكنت راجع من القاهره والدنيا مطره وماشي 70/80.
كان قدامي تكتك وانا شايفه من بعيد اديت له نور وباعديه من الشمال (لكنه كان عايش مع طقم الصوت ومش باصص في المرايه وقام كاسر شمال علشان يلف.
المهم ماقدرتش افاديه مع السرعه وهو بيلف من الثبات وكان بيني وبينه مافيش 5 متر.
كسرت شمال في يمين لكن المسافه ما سعفتنيش وخبطته من قدام.
والحمد لله جت سليمه ومافيش اصابات. بس التكتك ما بقاش يسوي فلوس لف زي الفريره وقام زاحف علي الرصيف.

4- خلل في السياره:
العربيه ماكنش فيها فرامل : 132 وخبطت طفل صغير (مع انه هو اللي جري قدام العربيه... .بس برده لو العربيه كان فيها فرامل. يللا الحمد لله جت سليمه ورنا ستر.



الخلاصه:
- حزام الامان بالنسبة لي واللي معايا بقي مهم جدآ.
- لابد من فحص السياره كويس قبل السفر ولو فيها خلل بامسك اليمين وامشي براحتي جدآ.
- معايا لانوس دلوقتي والحمد لله مافيهاش غلطه ومع ذلك استحاله بعدي ال 100 الا مره واحد (بعد ما اشتريتها كنت باجرب سحبها وجبت 135 ونزلت تاني لل 100 ) ومتوسط المشي 80/90

انا عملت حادثة واحدة على كوبرى فى نزلاية الكوبرى مطب قدامى شيفروليه الدبابة تقريبا العربية وقفت منه عالمطب فجأة وكانت الحادثة طبعا العربية دخلت فيه لان مهما كانت الفرامل فده منزل كوبرى وماتتخيلوش شكل العربية بعدها وهنا كانت فايدة حزام الامان والا كان زمانى فى صندوق الشيفرولية

الحادثه الى عملتها تندرج فى بند سادس
غباء الاخرين

انا فيه سبب حادثة عايز اضيفه منفردا

اسمه الميكروبااااااااااااااااا اصااااااات
او كما يطلق البعض عليها الميكرو باظظظظظظظظظظظظظظظظ
تحياتي علي الموضوع الممتاز
متابع باهتمام

يا جماعه الموضوع استطلاعي وارشادي في نفس الوقت...

ياريت كل اللي يشارك في الاستطلاع يقول لنا موجز لحادثه عملها وخلاصة تجربته واللي استفاده ( ولا بترجع ريما لعادتها القديمه )...

كانت حاجة غريبة
كنت راجع من مرسى مطروح للمنصورة وفاضل 10 كيلو بس وأوصل يعني مشيت حوالي 450 كيلو
رباط الحذاء عمل عقدة عجيبة ولف بطريقة غريبة على دواسة البنزين
بشيل رجلي من البنزين عشان اهدي بالفرامل عند مطب معرفتش ولقيت رجلي لازقة في دواسة البنزين ورحت خابط اللي قدامي بس الحمد لله كانت بسيطة
صدقوني مستحيل تتكرر غير زي مابيقولوا بتوع الإحصاء غير واحد في المئة مليون :Ob_mak1[1]:

وفي واحد اعرفه عمل حدثة بسبب زجاجة مياه معدنبة اتزحلقت ورا الفرامل

الحمد لله على كل حاجة

السلام عليكم ورحمة الله وبركاته
اولا احب اشكر المهندس محمود على فتح الموضوع الشيق ده
اللى اكيد كلنا هنستفيد منه لانه كله عباره عن تجارب مرت بها الاعضاء
واحنا على قد مانقدر ناخد الحزر من التجارب دى
لان فى الاخر الحزر لايمنع قدر وقدر الله وماشاء فعل
بالنسبه ليا مرت عليا كام حادثه وكانت من اخطاء الغير:I_angr1[1]:

اقتباس:

---

المشاركة الأصلية كتبت بواسطة BASKOTA

انا عملت حادثة واحدة على كوبرى فى نزلاية الكوبرى مطب قدامى شيفروليه الدبابة تقريبا العربية وقفت منه عالمطب فجأة وكانت الحادثة طبعا العربية دخلت فيه لان مهما كانت الفرامل فده منزل كوبرى وماتتخيلوش شكل العربية بعدها وهنا كانت فايدة حزام الامان والا كان زمانى فى صندوق الشيفرولية

---

بالظبط زي أول حادثة أعملها لما كان معايا البوينتر...

كانت الساعة 5 الصبح و العربيات وقفت على منزل الكوبري و كان فيه زيت على المنزل.... يعني تبقا قلة ذوق لو معملتش حادثة...

طبعا عملت قرد عشان ملبسش بوشي في النص نقل اللي قدامي.... و الحمد لله يادوب الاكصدام اتشرخ... (بأعجوبة)

تاني مرة بأة كنت ماشي عالتاني بسرعة 40 تقريبا.... و فجأة لقيت النص نقل اللي قدامي عمال يتمرجح و فقد السيطرة على عربيته... بعدين لقيت ان انا كمان بفقد السيطرة.... و اللي ورانا حصلنا في حالة فقدان السيطرة (الشارع كله فقد السيطرة) و تحول المنظر للآتي....

أنا لبست في النص نقل (بالرفرف و الحمد لله) و عربية فرونتيرا لبست فيا من ورا...

أتاري فيه جاز كان واقع عالأرض من تانك بتاع ميكروباص...

و كانت أول مرة أعرف أن الجاز بيزحلق أكتر بكتير من الزيت !!

يعني نقدر نحصر الأسباب في المنتجات البترولية...

مرة واحدة خبطت في اللي قدامي بسبب إنه توقف فجأة و لسوء الحظ توقف في اللحظة اللي انا ببص فيها في الساعة .. بس الخساير كانت بسيطة .. إعوجاج في الإكصدام عندنا إحنا الإتنين .

و مرة تانية بقي كانت في جراج بس محصلش حاجة .. الأرض كانت مكسرة جامد و طالعة و نازلة .. و انا كنت واقف مستني واحد بيخرج عشان أركن مكانه .. و فجأة لقيت العربية بترجع لورا و كنت داخل بجنب الإكصدام الخلفي في باب لانسر مسكينة هطبقه ! بس الحمد لله في جزء من الثانية ربنا قدرني أعشق أولاني و أكبس جامد و طلعت بالعربية تاني .. و كنت شايف الراجل اللي في اللانسر في المرايه متنح و مشمش نفسه غير اما طلعت تاني lol

اقتباس:

---

السلام عليكم ورحمة الله وبركاته
اولا احب اشكر المهندس محمود على فتح الموضوع الشيق ده
اللى اكيد كلنا هنستفيد منه لانه كله عباره عن تجارب مرت بها الاعضاء

---

ربنا يبارك فيكم يا شباب...
وشكرآ للاستاذ هاشم علي اللفته الطيبه.
وفعلا الغرض من الموضوع اننا نقدر نحصر أسباب الحوادث...
كتير منا عملوا حوادث والحمد لله ربنا ستر. فأيه المانع انه من الاحصائية البسيطه دي نطلع بمحصلة 1 2 3 خطوات ناخد بالنا منها علشان نتقي شر الحوادث.
وتبقي خطوات ثابته بالظبط زي
1- بتفتح باب العربيه.
2- تحط المفتاح في الكونتاكت.
3- تاخد بالك ان الفتيس متمور ومش معشق.
4- تدور العربيه.



يارب بعد انتهاء الاستطلاع نطلع بنتيجه زي.
1- ماتتعداش سرعة كذا.
2- تتأكد من كذا وكذا في العربيه.
3- انتبه لاخطاء الغير اللي بتتكرر ( ودي حنعرفها من المشاركات الفعليه )
4- انتبه من مكان ركن عربيتك ..

وهكذا....

وفي انتظار بقية المشاركات.

انا تلت تربع الحوادث بتكون أخطاء الغير لغاية دلوقتى وخصوصا الموضوع اللى زهقت منة وان الناس بتيجى تخبط العربية من ورا حصلت كتير قوى مش عارف لية يمكن تكون العربية بتخلى الناس تنام وتخبطها بس الحمدلله كلها بسيطة مش كبيرة قوى زى واحد صاحبى عربيتة عمرها مبتتخبط غير وهوة راكن وقاعد مستنى فيها الظاهر المشكلة فى عربيتنا ولا إيه هههههههه

ومرة من أخطاء الغير انا بعدى تقاطع وماشى عادى جداااا والاقى شاهين راجع لورة وهوة أصلا وشة فى الإتجاه المعاكس وساعتها كانت ايام العربية القديمة وطيرلى الباب اللى غايزنى انى معرفتش اعملة أى حاجة والشارع كلة اتلم وظبتة بس انا اخدت بعضى وطيرت ساعتها كان زمان قوى ايام ممكنتش لسة طلعت رخصة ههههههههههه

مرة بقى بسبب خطأ منى انا وديه الوحيدة سرحت وانا بتكلم فى الموبيل وكنت ماشى هادى على 40 على الأوتوستراد ومكروباص وقف ومتسقلنيش إيه اللى حصلى شايفة واقف وشايف اللى بيجرة وبتكلم عادى وقلت اعدى من جنبة وخلاص وشايف انى هخبط فيه بس متعرفش الموبيل كان مالة مخلينى شايف انى هعمل حادثة وعادى طبعا كل ده فى ثانيتين دوست فرامل بس دخلت فى المكروباس اطبقت حتة فى الكبوت والرفرف وكانت بسيطة الحمدلله المشكلة اللى منرفزانى بقى بجد نازل بشوف اللى حصل طبعا الميكروباس عارف ان مفيش حاجة حصلتلوا اخد بعضوا ومشى من غاير مينزل يبص إله اللى حصل او يمكن مكنش معاه رخصة المهم نزلت بشوف اللى حصل لقيت بيجوا جاى من بعيد وصوت تييييييييييييييييت وطاخ خبط فى العربية من ورا مش بقلوكوا شكل العربية هيا السبب

المهم كل الحاجات ديه بسيطة جدااااا وحوادث لا تذكر مفيهاش أى حاجة الحوادث اللى بجد بقى اللى ربنا بينجينى منها وبجد انا عارف ان لو حادثة واحدة من دول حصلت احتمال تبقى من اكبر الحوادث اللى حصلت فى مصر وهيا سببها السرعة الجنونية :( بس الحمدلله ربنا نجانى منهم كلهم لغاية دلوقتى

- الحادث الأول: خطأ الحكومة اللي سابت حجر كبير في عرض الطريق السريع و في ملف علشان العربيات تلبس فيه بالنهار و بالليل و تكبد أصحابها خسائر (مقصات - كاوتش - جنوط - تلفيات في الاكصدامات و العتب - ...)

- الحادث الثاني: خطأ من سيارتين نقل أحدهما بمقطورة تتخطي سيارة أخري (نقل برضه) من علي اليمين و بسرعة عالية و ربع نقل يقف أمامي فجأة علي يمين الطريق لأجد نفسي مضطرا للاصطدام بأحدهما , طبعا فضلت العربية الصغيرة في الجانب البعيد عني

و ربنا مايورينا و لا يوريكوا حاجة وحشة

أحب أضيف نقطة بسيطة .

قد تضطرك الظروف مثل الباشمهندس سمير للإصطدام بسيارة لأن مفيش خيار أخر و ده طبعاَ وارد يحصل جداَ في طرقنا الجميلة و سواقينا الأجمل اللي أحياناَ بتحس إنهم قتلة مأجورين لقتلك و يزنقوا عليك عشان تلبس في حد !

المهم لو الفرامل سابت أو الظروف إضطرتك تخبط في حد و خلاص لا مفر من الحادث .. إلبس إكصدام في إكصدام .. في النص .. متخبطش بزاوية أو في جنبه عشان متخليش عربيته تلف أو تخرج برة الطريق و دي ممكن تكون حاجة مميتة لو علي كوبري مثلاَ .. أو ممكن تطيح بسيارته إلي الإتجاه المعاكس و تكون النتيجة بشعة !

ربنا ميحطش حد في الموقف طبعاَ .

الفرامل خلت العربية تلف بيا على الدائري و اتقلبت

الحمد لله. ربنا نجدني من تصادم منذ دقائق.
كنت راجع من طريق زراعي 70/80 وامامي عربيه ربع نقل ( ومافيش فيها ستوب ولا اشارات خلفيه) وفجأه وقف بلا أية مقدمات وماكنش امامه مطب ولاعربيه ولا أي حاجه... طبعآ انا دوست فرامل في الدواسه (والحمد لله الفرامل معايا تمام) العربيه اتكتفت ووقفت مكانها. كنت لابس حزام الامان. لكن الجماعه اللي كانوا معايا ورا هما اللي اتخضوا جدآ. والحمد لله مافيش اصابات.
جت سليمه.

الحمد لله في الحادث الثاني الفرامل و قفت العربية في توقيت حلو جدا مما قلل من أثر الصدمة و حاولت أقلل الخسائر بقدر المستطاع و فعلا نجحت في ذلك فالاصابات كانت سطحية (رفرف - باب - فانوس) و لم تصل الصدمة الي الداخل أو تؤثر بحوض الموتور أو علي العفشة ( توفيق من ربنا طبعا و دعا الوالدين مش شطارة)

كمان حاجة مهمة : لازم تكون عارف أمكانيات عربيتك و عندك ثقة فيها بفضل أعتنائك بها و المحافظة عليها بالصيانات الدورية و عدم التهاون في أي عيب أو خلل بها

اقتباس:

---

طبعآ انا دوست فرامل في الدواسه (والحمد لله الفرامل معايا تمام) العربيه اتكتفت ووقفت مكانها.

---

- أولا حمد لله علي سلامتك
- طبعا غربيتك "لانوس" مش كده ؟؟؟

- ياريت الناس اللي بتعيب في فرامل "اللانوس" يقروا الكلام ده علشان يعرفوا أن الفرامل كويسة و بتوقف العربية و أكبر دليل الموقف اللي حصلك و اللي حصلي قبل كده مرتين

مرة و كانت خلل فى السيارة .

اقتباس:

---

المشاركة الأصلية كتبت بواسطة SE_coralsea

- أولا حمد لله علي سلامتك
- طبعا غربيتك "لانوس" مش كده ؟؟؟

- ياريت الناس اللي بتعيب في فرامل "اللانوس" يقروا الكلام ده علشان يعرفوا أن الفرامل كويسة و بتوقف العربية و أكبر دليل الموقف اللي حصلك و اللي حصلي قبل كده مرتين

---

انا مستغرب جدآ فعلا من ان الناس بتقول فرامل اللانوس ضعيفه.
انا معايا الحمد لله.
حتي محمد ممدوح كان مستغرب من الموضوع ده وسألني علي نوع الكاوتش.
بس فعلا انا عندي الفرامل ماباشتكيش منها نهائي والحمد لله وبالرغم من ان التيل الخلفي متآكل وعاوز يتغير.

السرعه السبب الأول للحوادث القاتله

باقى الأسباب معظم الحوادث الناشئه عنها بتكون تلفيات

واحد قريبى جه من الجزاير بالعربيه وعمل حادثة عند دمنهور

انا كل اللي اتعرضتله بسب اخطاء الغير
يعني مرة ميكرو باص خبط الجنب اليمين عندي بسب انه كان بيعد الاجرة وسرح فخبطني


المرة التانية
كنت ماشي براحة ولسه طالعين من اشارة
وفجأة لقيت التاكسي اللي قدامي وقف وكان نور الاستوب عنده مش شغال
والحمدلله جت على وش الفانوس بس

المرة التالتة

برده ماشي براحة وكان فيه عيال بيلعبوا هديت واديت كلاكس ورعاش
وفجأة لقيت عيل خبط من من العربية وقفت علطول
ونزلت قعد زمايلوا يشتموني والولد ام زي الفرد وجري
وانا اللي كنت عاوز اوده المستشفى علشان اطمن

ويبدو ان الجانب الايمن حظه وحش من اسبوعين كده لقيت فه حكة من عند الشنطة
معرفش حصلت امتى.... ومن اسبوع لقيت حد خبطها وانا راكن برده في الجنب اليمين
مش بولوكم حظه وحش
ده حتى قطع غياره اغلى في الاستراد من الشمال؟!!

الحمد لله رب العالمين دى المرة الوحيدة فى حياتى اللى كانت هتبقى حادثة فعلا
http://nilemotors.net/Nile/showthread.php?t=49890

ولحد الأن مش متأكد ان كانت بسبب مشكلة فى العربية ولا انا اللى هيست وفقدت تركيزى لأنى مكنتش نايم .. بالأضافة للسرعة طبعا

الحمد لله رب العالمين على كل شىء كل اللى حصل معايا كان اخطاء غير
مره مكروباص و ماشى عكس اتجاه و راح داخل فى نص العربيه عندى
و مره واحد فى ملف و فيه اشاره طلع مره واحده بعد ما الاشاره عنده قفلت و انا رحت داخل فى نص العربيه عنده
و اخر مره من كام يوم سواق ترله ماشى فى نص الطريق اديته نور راح خد شمال و بعد ما بقيت فى نص المقطوره راح داخل عليا يمين طلعت فوق الرصيف و الفرده بتاعه الكوتش ضربت و المساعد و المقص اتلوح بس الحمد لله ربنا سترها انا كنت هنزل تحت الكوتش عنده
فعلا السواقه انك دايما تحترس من الآخرين
و ربنا يسترها علينا جميعا

تحذير لاي حد ماشي بعربيتو و جنب منة حصان او حمار يجري او ينزيل يوقف جنبهم لحد ما يمشو اللهم بلغت الههم فااشهد
النهاردة و احنا رايحين التربة عند و الدي رحمة الله علية
اسالكم قراة الفاتحة علي روحة
و احنا في البساتين و كان فية جنبينا عربجي ماسك الحصان بتاعو و كان بعيد عننا نسبيا
و فجاة الحصان اتجنن و جري علي العربية و الا يطلع فوقيها ام العربجي ماسكو من رجلو قام الحصان شغال رفس برجلو الي قدام فا الحمد لله
دمر الشنطة و الفانوس اليمين و الاسبويلير و الاكصدام في العربية السوبر اكشن 2008
فا يجماعة بجد خودوا بالكو اوي لما يكون في جنبيكو اي حيوانات في الشارع و الحمد لله علي كل شئ
طبعا انا اخويا مقبلش العوض و قال اهي تبقي علي روح ابويا الله يرحموا

اقتباس:

---

المشاركة الأصلية كتبت بواسطة kloda

تحذير لاي حد ماشي بعربيتو و جنب منة حصان او حمار يجري او ينزيل يوقف جنبهم لحد ما يمشو اللهم بلغت الههم فااشهد
النهاردة و احنا رايحين التربة عند و الدي رحمة الله علية
اسالكم قراة الفاتحة علي روحة
و احنا في البساتين و كان فية جنبينا عربجي ماسك الحصان بتاعو و كان بعيد عننا نسبيا
و فجاة الحصان اتجنن و جري علي العربية و الا يطلع فوقيها ام العربجي ماسكو من رجلو قام الحصان شغال رفس برجلو الي قدام فا الحمد لله
دمر الشنطة و الفانوس اليمين و الاسبويلير و الاكصدام في العربية السوبر اكشن 2008
فا يجماعة بجد خودوا بالكو اوي لما يكون في جنبيكو اي حيوانات في الشارع و الحمد لله علي كل شئ
طبعا انا اخويا مقبلش العوض و قال اهي تبقي علي روح ابويا الله يرحموا

---

اولا ...البقاء لله ياخالد ...وربنا يرحم عمو ويغفرله ويسكنه فسيح جناته ....امين يارب

وبخصوص بقى الموقف اللى حصلكم دا .... الصراحه اول مره اسمعه ...بس شوفته فى برنامج -مواقف وطرائف- قبل كده

بس بجد دا نصيب ...وقدر الله وماشاء فعل ...وربنا يحفظ كل الناس من شر الطريق يارب

ومنور يالودهhttp://s122.photobucket.com/albums/o...owerysmile.gif

اقتباس:

---

المشاركة الأصلية كتبت بواسطة kloda

تحذير لاي حد ماشي بعربيتو و جنب منة حصان او حمار يجري او ينزيل يوقف جنبهم لحد ما يمشو اللهم بلغت الههم فااشهد
النهاردة و احنا رايحين التربة عند و الدي رحمة الله علية
اسالكم قراة الفاتحة علي روحة
و احنا في البساتين و كان فية جنبينا عربجي ماسك الحصان بتاعو و كان بعيد عننا نسبيا
و فجاة الحصان اتجنن و جري علي العربية و الا يطلع فوقيها ام العربجي ماسكو من رجلو قام الحصان شغال رفس برجلو الي قدام فا الحمد لله
دمر الشنطة و الفانوس اليمين و الاسبويلير و الاكصدام في العربية السوبر اكشن 2008
فا يجماعة بجد خودوا بالكو اوي لما يكون في جنبيكو اي حيوانات في الشارع و الحمد لله علي كل شئ
طبعا انا اخويا مقبلش العوض و قال اهي تبقي علي روح ابويا الله يرحموا

---

ربنا يجعله في ميزان حسناتك ويبدل والدك رحمه الله بيت خير من بيته وأهل خير من أهله هو ولي ذلك و هو القادر عليه

516 مشاهده و 68 تصويت فقط...
بلاش نتقاعش عن المشاركه يا شباب. ولو حتي تكتفي بالتصويت.

النرفزة والعصبية أثناء القيادة : - تؤدى الى تهور واندفاع

خبطت جنب العربية فى مسمار كاوتش كربية كاروة مزع لى الصاج - كيا برايد -

الغشم والحداثة تؤدى الى الاستهتار وسوء التقدير + خطأ الغير + عدم الاهتمام بصيانة السيارة : -

خبطت واحد من الوراء بس كان الطريق ظلام وكان نوره الخلفى مطفى وكان نور عربيتى ضعييف لم يكشفه فى الظلام

كان مشهد رهيب شوفت فية الموت بعينى ..بجد والله وبدون مبالغة شوفت الموت بعينى والحمدلله ربنا نجانى انا واللى معايا فالعربية ..كنت فيوم على طريق 6 اكتوبر وراجع من الماجيك لاند فطريقى للقاهرة ..مش عارف ازاى تهت ولقيت نفسى ماشى فسكة تانية خالص غير اللى جيت منها ..فجاة لقيت ملف قدامى قولت حلو اوى ملف اهو اما ارجع بظهرى واخدة مانا تاية بقى ومحبتش اتوة زيادة ..بصيت فالمراية الشارع فاضى تماما مافيش ولا عربية واحدة قولت جميل اما ارجع بقى فجاة وانا برجع بظهرى لقيت اتوبيس شركة داخل عليا بسرعة عالية جدا وانا كمان داخل علية بظهرى ..تخيلو بقى المنظر . كان معايا ساعتها بولو 2001 وعينكو بقى متشوف الا النور العربية ادمرت تماما من ورا والحمدلله ان انا واللى معايا طلعنا منها من غير اصابات بس السواق بتاع الاتوبيس هو اللى رجلية اتكسرت ..طبعا الغلط كان منى انا مش من الاتوبيس لانى فكرت غلط ومكنش المفروض ابدا ارجع بظهرى مدام عديت الفتحة بتاعة الملف ..خلى بالكو يا جماعة وربنا يستر طريقنا جميعا ويكفينا شر الحوادث

الحمدلله ماليش ولاحادثة ربنا يسترها علينا جميعا

اقتباس:

---

المشاركة الأصلية كتبت بواسطة ahm3d ham>ed

الحمدلله ماليش ولاحادثة ربنا يسترها علينا جميعا

---

و أنا كمان الحمد لله

الحادثة اللى فعلا يطلق عليها حادثة كانت فى 6-2005 بعد ماتش كوت دى فوار فى تصفيات كاس العالم اللى اتغلبنا فيه 2 - صفر ، كنت بتفرج فى المعادى و نازل مدينة نصر على الاوتوستراد و الحارة اليمين خالص مقفولة و واخدين الحارة الشمال من الطريق المقابل انا كنت فى الشمال و ماشى براحتى ، جه ورايا مكروباص تويوتا جاى من حلوان و بيقلبلى نور ، شديت عشان اعدى العربية اللى جنبى و اخد يمينى و اوسعله ، الكلام ده على كوبرى منشية ناصر ، و الاقى الحارة الشمال اللى انا فيها مرة واحدة مسدودة بالبلوكات الخرسانية ( مش تحويلة ف الطريق ، لا الحارة كلها بعرض 3 او 4 متر مسدودة ) طبعا انا رميت كله يمين عشان افاديها كنت على 90 كم / س العربية كانت 128 طبعا عرضت فى الطريق كله و الحمد لله ان مكنش فيه حد على يمينى ، انا كابس فرامل على الآخر و رحت لابس فى سور الكوبرى بالبوز اليمين ، الحمد لله اننا كنا رابطين الحزام ، صاحبى اللى ورا اتخبط فى ركبته و اللى جنبى الحزام قرص على كتفه ، الحمد لله انى مكنتش جاى بسرعة كنت نزلت من ع الكوبرى و الحمد لله انى شفت البلوكات و فاديتها ، طبعا كله ركن و نزل يطمن علينا و احنا لسه واقفين شباب جايين ب بيجو 504 و كان طاير ، ده بقه مشفش البلوكات و طلع فوقيها الكاوتش اللى ورا شمال طار من العربية و العربية عدت الطريق فى الاتجاه المعاكس راحت عربية شيفروليه دبابة واخداها فى وشها ، طبعا الاتنين اللى قدام فى البيجو الناس بتنزلهم و فردوهم على الرصيف لحد الاسعاف ما تيجى .
بأمانة حسبى الله و نعم الوكيل ف اللى كانوا بيعملوا الاصلاحات و مش حاطيين اى نور او تحذير ، طبعا انا من الفرملة و صوت الرزعة ف الكوبرى لقيت كمية عيال طالعة من مركز شباب منشية ناصر لقيت الكل بيقوللى ان كل يوم بالليل 3 او 4 عربيات يلبسوا فى البلوكات .
و الله انا قعدت فترة كبيرة ممشيش على الطريق ده و لحد دلوقتى اول ما اخد الاوتوستراد اهدى و اخد يمينى و ربنا يسترها علينا جميعا .
معلش طولت عليكم.

بسم الله

انا حصلتلي حادثة من اسبوعين بالظبط في شارع الهرم

انا كنت ماشي بالعربية ناحية الشمال على 60 تقريبا.وفيه واحد الله يسامحه فرمل فجأة عشان ياخد ملف وطبعا كل العربيات اللي وراه فرملت زيه ولبسنا في بعض كنا حوالي اربع عربيات انا كنت آخر عربية منهم.الخبطة جت في العربية من قدام بس دمرتلي مروحة التكييف والسربنتينة وطبقت جزء من الكبوت

طبعا مفهوم ضمنيا ان الأستاذ اللي خبطنا في بعض محصلوش حاجة وخد طريقة زي الباشا ومحدش شاف حتى لون عربيته!!!

بس اللي استفدت منه في الموضوع ان الواحد لازم يسيب قدامه مسافة كافية لأنها بجد بتسعف في المواقف الل زي دي,بس للأسف لما بحاول اسيب مسافة بلاقي مليون واحد عمال يضربلي كلاكس او عايز يدخل قدامي.

أنا فقدت سيارتين تماماً ومكنتش راكبهم وقت الحادث .
الأولى : السيارة فيات 132/2000مو1978.
ودي كنت راكنها أما منزلنا ومتغطية وكلة تمام هوب طاااااااااااااااااخ .
سيارة شرطة ( بوكس ) السواق بتعها كان وخدها يتسنكح بيها من ورا الضابط بتاعه المهم دخل في شنطة سيارتي ولزق السيارة بتاعتي في أوتوبيس كان راكن أمامي وبقدرة قادر وجدت الشنطة مع الكبوت بدون صالون ، والحمد لله لم يصب أحد بأذى ، حيث كان أولاد أخي يجلسون على الشنطة قبل الحادث بدقائق .

السيارة الثانية : شاهين 1400مو 1999.
ودي حادثتها كانت مؤلمة جداً فقد فيها أغلى ما عندي والدي واصيب فيها أخي لأنه كان يقود السيارة .
وكان على طريق بني سويف ميكروباص كان بيعدي من آخر وصدمهم في المواجهة .
والحمد لله الذي لا يحمد على مكروه سواه .

إذن العامل المشترك بين الحادثين هو خطأ الغير .

حصلي موقف الآن أعتبره كوميدي .
كنت راجع أنا وزوجتي من الأسكندرية وكنا في أول أيام زوجنا يعني يادوب إسبوعين كدة وأنا عايش الدور آل أيه بشرب شاي وأنا سايق وزيادة مني في التناكة الشاي كان فتلة المهم مع الهواء الفتلة بتتطاير فخوفت تنقط على القميص فببص على الشاي لقيت السيارة حدفت شمال وخلاص العجلة هتنزل الرمل كانت السيارة الشاهين لقيت نفسي لا إرادياً بتجه للمين الحمد لله مكنش حد بجانبي وكل اللي ورايا هدو سرعتهم وفضلت حوالي 3 أو 4 مرات شمال يمين والعجل عمال يحك في الأسفلت ويصوت لغاية ما ضبطت إتجاهي وطبعاً دمنا نشف والجميل إن كوب الشاي مازال في يدي ولم تقع نقطة شاي على قميصي الجميل إن نصف الكوب تقريباً هو اللي وقع على قميصي وأيضاً البنطلون بس الحمد لله شربت باقي الكوب وأصبح هذا الموقف الآن كوميدي .

وموقف آخر حصلي على الدائري كنت راجع من فرح في كفر الشيخ ووصلت الدائري بنها حوالي الساعة 3 الفجر واللي معي في السيارة ناموا.
المهم كانت السيارة البترا 1600مو 2003 المهم أنا لوحدي أعمل آيه لقيت سكودا أوكتافيا شدينا مع بعض ( البترا غول سرعة ) وصلنا سوا أكثر من 140كم/س المهم ببص في المرايا وجدته هدى سرعته مره وحده ليه ببص أمامي وجدت حواجز مرورية بعرض الطريق ويوجد حارة واحدة أمامه على أقصى اليمين وهو هدى علشان يتركهالي المهم بحركة سريعة جداً يمين في شمال كنت في الحارة المفتوحة البترا ثبات ودقة في التوجيه ، وكل اللي في الكمين قاموا مفزوعين من صوت إحتكاك الكوتش في الأسفلت وأشارو لي بأن أتوقف بس إنسى أنا كل ده سرعتي فوق 100كم/س واللي كانوا معي في السيارة قاموا مفزوعين .
ولكن كلما أتذكر هذا الموقف أدعو لسائق الأوكتافيا أنه لفت إنتباهي وأفسح لي المجال .

انا عملت 3 حوادث
اول واحدة بدايو لانوس على طريق الصعيد الزراعى دخلت فى عمود نور وقع على السقف و العربيه اتقلبت

الخطاء خطاء شخصى
قله نوم لمدة 3 ايام متصله منمتش فيهم غير 4 او 5 ساعات
نمت وانا سايق
الخسائر ربع العربيه اللى قدام ضاع
انا دخلت المستشفى اسبوع وخرجت

تانى واحدة بلانسر بتاعه الحج

العربيه اتتقلبت على جنبها مرة واحدة

بسبب ان العجله اللى قدام ناحيتى بقت على الجنط من غير سبب مقنع وانا كنت ماشى بسرعه عاليه شويه

تالت حادثه عربيتى انا ال128

اتقلبت على طريق الصعيد الزراعى

كنت مظبط عفشه و عامل ظبط زوايا وكنت طالع اجربها وقرصت عليها شويه

عومت فى زيت عل الطريق واتقلبت وخدت الطريق زحف على سقفها

السبب سرعه عاليه مع عربيه مش مظبوطه

اخطاء شخصى

انشغلت بحاجه غير السواقه (لعبت في الكاسيت)


:36_1_40[1]:

في انتظار بقية آراء الاعضاء في الاستفتاء.