انا مش مصدق ان حد يكون متاح له يشترى زيرو ويجيب مستعمل !!!!!
عرض للطباعة
انا مش مصدق ان حد يكون متاح له يشترى زيرو ويجيب مستعمل !!!!!
مثلا حدود السبعين الف يجيبو فيرنا -لانوس -افيو زيرو
لو جولف فى حدود موديلات 2000 مستعمل نضيف
انا عن نفسى الجولف طبعا انما فى ناس العكس
و الاهم ان الواحد يكون مقتنع و مستريح نفسيا للعربية
هو اولا حسب العربيه اللى بتفكر فيها
يعنى فى عربيات بتتجاب مستعمله تمنها مش بيقل عن الزيرو زى المرسيدس مثلا من الفئه العاليه والانسر (البومه تمنها مش بيقل تقريبا )
انما مثلا الميجان او ال 307 تتجاب كسر زيرو لانها بتخسر جامد عن اعاده البيع
'طبعا مستعمل و مفيش غيره و ده مش كرها فى الزيرو و لكن يا جماعة فيه كثير فى مصر لا يستطيع توفير فلوس عربية جديدة,
بالاضافة ان الواحد فينا لما بيجيب عربية بتبقى له و لأسرته و حماته و إخواته يعنى لازم تكون اتوبيس!!!!!!
مش زى اوروبا ممكن يجيب عربية اتنين باب بمقعدين بس,
وبالتالى استحالة يجيب عربية صغيرة فلازم يجيب عربية كبيرة تتعدى المبلغ المتاح مع كثيرين,
و بالتالى المستعمل هو الحل بس يكون نضيف زى ماكل الاخوة اكدوا.
:10d5c8~1107:
يا جماعه يعنى المستعمل احسن من الزيرو.معقول!
+11111111111111111111 :S_thum1[1]:
و ده تحديدا اللي حصل معايا وانا بشتري, كان ممكن بالفلوس اللي معايا أجيب بي ام 318i موديل 2003 (انا بعشق الموديل ده, و بعتبره اشيك بي ام بجد)و عاملة 70 ألف بس, بس انا فضلت الزيرو و النيوسيراتو تحديدا و مش عشان كوري او الماني طبعا, بس عشان الزيرو مميزاته كتيير قوي و اريح بكتيير من المستعمل و مشاكله و بجد كفاية انك اول يد و انت عارف كل مسمار في العربية حالته ايه, بدل المستعمل اللي متعرفش اللي قبلك كان بيعمل بيها و فيها ايه؟!؟!!...
والله اشترى مستعمل فى حالة اللقطة زى الزيرو متكنش ماشية كتير بتاعت واحد صاحب او قريب انا عارف استعماله ايه
ومتنساش ان فى جديد تجيبة وتفضل مشرف التوكيل كل يوم عشان الاعطال
هوه أحسن حاجه تجيب كسر زيرو بحد أقصى 20000 كيلو وتكون طبعا فابريكة بالكامل لأن فيه عربيات بتتباع كسر زيرو وبتكون مقلوبة ومتغير فيها حجات فلازم الفحص يكون دقيق جدا، بس المشكلة انك ممكن تكون نفسك في علربية معينة ومتلقيهاش كسر زيرو بالمواصفات اللي قلتها او متلقيهاش كسر اصلا ، فبتلاقي نفسك اختياراتك محصورة حسب اللي موجود سواء نوع العربية او لونها.
طيب في حالة انكمعاك مبلغ معين يشتري زيرو فئه معينه لو زيرو وفئه أعلى لو مستعمل ، يبقى ايه ؟
أعتقد أن الموضوع ممكن يختلف حسب المبلغ ، يعني مثلا لو معاك من 60000 ل 70000 هتلاقي نفسك محصور في اختيارات بالنسبه للزيرو مش قد كده ومش هتحس فيها بزهوة العربية الزيرو لأن العربية اصلا بتكون يا اما صغيرة وعلى قدها يا اما صناعة تعبانة وكل شوية يحصل فيها اعطال رغم انها زيرو ، وفي الحالة دي أنا شايف انك تشتري مستعمل فئه اعلى وتتعب شووية لحد متلاقي حالة حلوه ،
لكن لو بنتكلم في فئة من 125000 ل 150000 أو أكتر فانا افضل انك تشتري زيرو لأنها هتكون عربية محترمة وتحافظ عليها وتعيش معاك وطبعا تحسن الختيار لأن ده مش مبلغ قليل
أما المنطقه السعرية اللي بينهم فهيختلف الأمر حسب ميولك لنوع عربية معين وحسب المتاح في السوق .
ده اجمل واعقل واعدل رأى بخصوص الموضوع ده
ان المفاضله بين المستعمل والزيرو تكون فى حدود المبلغ اللى هتشترى بيه الزيرو
وافتكر المبلغ ده مستعمل نضيف فيه هيكون افضل لحين ما يتوفر مبلغ اكبر يمكنك من شراء عربيه من فئه سعريه اعلى