الموضوع: زيرو ولا مستعمل

زيروووو واطمن مش هفكر اشترى عربية قديمة تانى طول عمرى ولا فى اى حال من الأحوال غير لو كسر زيرو ومع واحد بالتقريب لو قلنا العربية عمل بيها 5000 كيلو اكون ركبت معاه فى ال 5000 كيلو دول هههههههههههههه

المشاركة الأصلية كتبت بواسطة kareem_Ashmawy

أنا بأه مع المستعمل قلبا و قالبا
بس المستعمل اللى هو بحالة الزيرو أو استخدام نضيف جدا
لكذا سبب:
1-لو كانت كسر زيرو فأنا وفرت جزء من المكسب المبالغ فيه اللى التوكيل بياخدو منى و الجمارك اللى هو بتبقى فى حدود عشرة ألاف جنيه ( او اكتر لو كانت العربية موديل سنتين تلاتة فاتو و لسه كسر زيرو-دى العربيات اللى الواحد بيدور عليها)

2-لو كانت مستعمل موديل خمس سنين او كتر فاتو فالمستعمل (الحالة نضيفة طبعا) بيسمحلك انك تدخل فى فئة من العربيات مكنتش هتعرف توصلها بالمبلغ اللى معاك لو بتفكر فى زيرو

مثال الايام دى البى ام دبليو ال 318i مو 2002-2003بحوالى 100-130 الف على اقصى تقدير و بتبقى العربية يدوب كاسرة ال100 الف كيلو اللى هى بالنسبة للبى ام لسه كسر زيرو
شوف بأه ال130 الف جنيه دول يجيبولك انهى فئة من الزيرو دلوقتى و قارنها بالفئة اللى دخلت فيها عن طريق المستعمل

3-زى ما الاخوة الافاضل قالوا..اما اجى ابيع مش هخسر كتير عن لو كنت جايبها زيرو
وطبعا ده لا ينطبق على اى دولة فى العالم الا فى مصر
انك تبيع العربية مستعمل بسعر قريب من اللى اشترتها بيه من تلات اربع سنين

تسلم يا كريم 100 100
كأنك بتفكر معايا بالضبط

طبعا زيرو وتشترى دماغك بس يكون مناسب لاحتياجاتى يعنى مينفعش اكون عايز عربيه واسعه شويه وسفر وكده ومعايا مثلا 50000 واروح اجيب التو زيرو وممكن بيهم اجيب لانسر او كورولا مثلا
والمستعمل برضه لو على قد فلوسه يعنى لسه مامعييش اجيب زيرو نضيف يبقى مستعمل بس برضه الزيرو ليه طعم تانى

انا مع كسر الزيرو والمستعمل النظيف بلا جديد بلا كلام فاضي