نصيحة لكل اللى ناوى يشترى افيو اشترى نيو اكسنت عربية ممتازة انا كنت حشترى افيو بس الحمد لله اشتريت اكسنت عايز اعرف رايكوا
عرض للطباعة
نصيحة لكل اللى ناوى يشترى افيو اشترى نيو اكسنت عربية ممتازة انا كنت حشترى افيو بس الحمد لله اشتريت اكسنت عايز اعرف رايكوا
ربنا يباركلك فيها .. شكلك كدة رخصت و مشكلتك اتحلت .. الف مبروك
و هى فعلا مفيش وجة للمقارنة بين الاكسنت و الافيو
ربنا يبارك لك فيها و يكفيك شرها
انا على فكرة معايا افيو اوتوماتيك عامل بيها حوالى 5000 كم
بصراحة عربية ممتازة و دى ملاحظاتى عليها
1- استهلاك البنزين انا تابعتة على مدار ال5000 كم و بعد ما اخدت المتوسطات للاستهلاك خلال كل تموينة لقيت انها بتستهلك فى المتوسط 250 كم فى الصفيحة و دة بدون تكيف و بتستهلك من 220 الى 230 كم فى الصقيحة فى حالة تشغيل التكيف و اعتقد ان دة استهلاك ممتاز لعربية اتوماتيك
2- العربية عالية و دة بيحميها من بلاوى الطريق الى انتم عارفينها
3- العفشة ناشفة شوية بس مش مضايقانى
4- فى تزييقة خفيفة فى العفشة و بتظهر بس لما تكون دايس فرامل و حتتحرك بالعربية بس دى خفيفة و مش ظاهرة الا لليركز فيها و دى زى ما عرفت انها جلب المقصات و الجلب الكورى الى فى السوق كويسة جدا و فى ناس جربتها - تاخد عمرها و تتغير
4- موضوع تعليق الـ Rpm مش موجود تماما و اعتقد ان دة كان لوط طلع بالمشكلة دى و كان فى 2008
5- العربية التسارع بتاعها كويس جدا و كمان جيد و انت مشغل التكيف و محمل ناس كمان - فى ناس بتنسى انها 1500 و عايز يشحنها ناس و يشغل التكيف و يقرص و هية تطير و دا طبعا مينفعش
6- العربية ثبتها كويس جدا بالمقارنة بالانوس - لان فية ناس ظريفة قوى بتقول ان الانوس ثابتة اكتر على الطريق - انا سوقت الانوس و سوقت الافيو و تقدر تقول مفيش وجة مقارنة فى الثبات
لدرجة انى كنت سايق و سرحت و ببص فى العداد لقيتة 140 كم
7- و الدركسيون بيبتدى يخف بعد 130 - 140 كم - بيبتدى يخف مش بيكون خفيف
8- الى انا شايفة عيب - طبعا عدم وجود زجاج كهرباء خلفى و عدم وجود جهاز انزار زى الابترا
دى وجهه نظرى عن العربية
الف مبروك يا باشا على النيو اكسنت هى عربية ممتازة فعلا بس انا ليا سؤال هو انت بتنصح الناس و لا بتاخد رأيهم ؟
مبروك عليك الاكسنت
وانا دايما بنصح بالاكسنت كبديل للافيو
الف مبروك يا باشا و هى فعلا احلى من الافيو
والله يا جماعه الافيو مظلوومه اوى فى المنتدى ده....مش عارف ليه؟
نفس الكلام الى قالة اخى mmtronic بيحصل معايا
ما عدا نقطة استهلاك البنزين لغاية دلوقتى ما حسبتهاش
علشان مش ببقى كتير فى بنى سويف وقاعد فى القاهرة والعربية مش معايا
والعربية سحبها جميل جدا
وكنت راكبها انا و 3 صحابى تانى اتنين منهم حجم حلو شوية :d
واحد منهم معاة لانسر 2007 وعجبة سحبها اوى
والثبات يعتبر حلو جدا
انا الصراحة ما جبتش اكتر من 120 علشان الطريق الى كنت علية ما يسمحش اكتر من كدة وانا مش برضى اجرى
وكانت روعة وفراملها تعتبر كويسة
ومشكلة الار بى ام يعتبر مش بتظهر ولو حصلت ممكن مرة كل شهرين مثلا
بجد العربية دى روعة روعة روعة
الاخ اللي بيقول ان الافيو ثابته اكتر من الافيو وهو ركب الاتنين
احب اقولك انا بقا امتلك الاتنين
وسوقت اللانوس ثلاث سنين في مصر
ولما سافرت السعودية اشتريت افيو وبقالي سنة الا شوية بسوقها
والثبات مفيش مقارنة طبعا اللانوس احسن بكتير جدا
ياريت بس ماتقولش حاجه انت مش عارفها الا لما تجرب كويس موضوع انك سوقت دي مش راكبة لازم تمتلك الاتنين علشان تعرف تقارن فعلا
الاكسلريشن بتاع اللانوس احسن بكتير جدا من الافيو
ميزة الافيو فعلا انك لما تشغل المكيف ماتحسش بفرق كبير
لكن اللانوس فعلا ل ما تشغل المكيف تحس بفرق
يمكن دي الميزة اللي في الافيو عن اللانوس
ارتفاع اللافيو ميزة بس علشان مطبات مصر لكن انخفاض اللانوس ميزة علشان الثبات في الملفات احسن بكتير
عفشة اللانوس اطري من عفشة الافيو اللي بتزيق مع العلم انا الافيو بتاعتي كوري 100% لانى شاريها من السعودية مش تقفيل مصري
أرجو التزام الهدوءاقتباس:
الاخ اللي بيقول ان الافيو ثابته اكتر من الافيو وهو ركب الاتنين
احب اقولك انا بقا امتلك الاتنين
وسوقت اللانوس ثلاث سنين في مصر
ولما سافرت السعودية اشتريت افيو وبقالي سنة الا شوية بسوقها
والثبات مفيش مقارنة طبعا اللانوس احسن بكتير جدا
ياريت بس ماتقولش حاجه انت مش عارفها الا لما تجرب كويس موضوع انك سوقت دي مش راكبة لازم تمتلك الاتنين علشان تعرف تقارن فعلا
الاكسلريشن بتاع اللانوس احسن بكتير جدا من الافيو
ميزة الافيو فعلا انك لما تشغل المكيف ماتحسش بفرق كبير
لكن اللانوس فعلا ل ما تشغل المكيف تحس بفرق
يمكن دي الميزة اللي في الافيو عن اللانوس
ارتفاع اللافيو ميزة بس علشان مطبات مصر لكن انخفاض اللانوس ميزة علشان الثبات في الملفات احسن بكتير
عفشة اللانوس اطري من عفشة الافيو اللي بتزيق مع العلم انا الافيو بتاعتي كوري 100% لانى شاريها من السعودية مش تقفيل مصري
الراجل ما عابش على الانوس و لا حاجة
هو قال وجهة نظره و تجربته و هو حر فيها
و مش شرط اكزن امتلك سيارتين علشان اقارن بينهم
انا فعلاً لما سوقت شيفروليه الانوس الجديدة دي
حمدت ربنا على النعمة الي انا فيها مع اني كنت فاكرها اسوأ عربية في الكون ( الافيو بتاعتي )
و مع اني مش راضي عن أداء الافيو خالص بس هي فعلاً احسن من الانوس
و دي وجهات نظر
ان بصراحة بقيت آحس ان في مؤمرة ضد منصور
الافيو عربية مافيهاش مشاكل والمنتدى خاسف بيها الآرض
والفيرنا و الاسبيرنزا والجين فيهم بلاوي سودا و المنتدى طالع بيهم السما
بجد انا شايف اللي ناوي يشتري اي عربية من الاربعة دول -للاسف- ما يدخلش المنتدى وما يخدش راي حد على النت ، يسآل اللي راكبنهم في الشارع
علشان اللي بيحصل هنا ده شيئ يثير الدهشة و الريبة
امامن عجائب الزمن آن حد يطلع فرق بين عفشة اللانوس و عفشة الافيو او يشهد لموتور اللانوس عن موتور الافيو او العكس
مع ان عفشة اللانوس هي هي عفشة الافيو وموتور اللانوس هو هو موتور الافيو !!!!
ابو اسر انا لا اقصد التجريح ولا اقصد التعصب
بالعكس
حتى لو انا المفروض اتعصب لسيارة معينة
المفروض اتعصب لسيارتى الجديدة يعني الافيو 2008 مش اللانوس 2005
بالنسبة لتجربتك للانوس الجديدة انا معرفش عنها شئ لان اصلا في السعودية حاليا مفيش لانوس بصفة رسمية لانها توقفت تصعنيها ماعدا في بلد العجائب مصر
انا قلت ما لمسته واقعيا من استخدام سيارتين امتلكهم فعليا
بالنسبة للاخ ابو رقية
انا ليه بذمتك حعمل مؤامرة ضد منصور
بالمناسبة انا اصلا بشتغل في توكيل جنرال موتورز في السعودية ( شركة الجميح للسيارات) يعني مستحيل اعمل اعلان ضد اي سيارة شيفي
ثانيا في جميع الحالات اصلا ماهو منصور وكيل للانوس وللافيو الاتنين يعني مفيش اي مؤامرة انا بقارن سيارتين من نفس الوكالة
الاخ الكريم
شكرا جزيلا على اسلوبك
دا اولا
و بعدين تصدق بالله ان فية ناس اشتكت من سحب الافيو لما التكييف يكون شغال و الناس دى فى المنتدى - اقرا الاول المشاركات القديمة - تقول اية بقى - اصلها مش بطيخة تطلع معايا حمرا و معاك قرعه - المفروض الثوابت دى يكون لا خلاف عليها ذى السحب و الثبات
دا للناس الى بتسوق باحتراف و رزانة و تعرف امتى تجرى و امتى تهدى مش هرس فى هرس على طول
و الثبات فى الانوس - تعبان - عن تجربة - و مش لازم امتلكها علشان احكم عليها - انا بسوق من 15 سنة و اعرف يعنى اية ثبات سيارة
العفشة - تعبانة و الكل فى مصر و الى بيمتلكو الانوس شهدو بذلك و لية اصحاب كتير عندهم اللانوس و لما تيجيب سيرة العفشة يبصمو بتعبها
فى موقف حصل امامى يثبت كلامى - كنت جاى من شغلى فى طريق العين السخنة فى مكروباس الشغل و عند المنفد الامنى للقطامية كان امامنا شاب سايق لانوس شكلها نضيف يعنى مش متهانة و اكل المطب بتاع المنفز و هو على سرعتة لانة مخدش بالة منه لاانة كالعادة بيجرى --- عارف اية النتيجة -- العجلة انكسرت طبعا كان باين ان فى حاجة فى العفشة انكسرت -
و بعديين اقرا تحليلى عن الافيو كويس
بس الى انا ملاحظة انك عصبى مش عارف لية
شكرا
اقرا ياسيدي الفاضل اولا ردي بإمعان علشان تعرف انا قلت ايه بالظبطاقتباس:
و بعدين تصدق بالله ان فية ناس اشتكت من سحب الافيو لما التكييف يكون شغال و الناس دى فى المنتدى - اقرا الاول المشاركات القديمة - تقول اية بقى - اصلها مش بطيخة تطلع معايا حمرا و معاك قرعه - المفروض الثوابت دى يكون لا خلاف عليها ذى السحب و الثبات
وكمان قلتاقتباس:
الاكسلريشن بتاع اللانوس احسن بكتير جدا من الافيو
يعني انا ماقلتش ان سحب الافيو احسن بالعكس بقول الافيو سحبها زفت اصلا بس انا مازلت متأكد ان في جميع الاحوال مشغل مكيف او مش مشغلة فهو واحد ومش حتحس بفرقاقتباس:
ميزة الافيو فعلا انك لما تشغل المكيف ماتحسش بفرق كبير
سيادتك بتقول مش بطيخة
لا هي فعلا بطيخة بدليل ...
ناس بتطلع سيارتها فيها عيب Rpm وناس لا .. بالنسبة للافيو
ناس عوامة البنزين فيها عيب وناس لا ... بالنسبة للانوس
ناس جلب المقصات عندها عيب وناس لا ... بالنسبة للافيو
( مع ملاحظة ان كثير بيقول ان جلب المقصات في الافيو وحشة علشان مصري مع ان عربيتي كوري 100% وبرضه فيها نفس العيب)
ممكن توضحلي ايه موضوع احتراف وهرس في هرس ده ؟؟اقتباس:
دا للناس الى بتسوق باحتراف و رزانة و تعرف امتى تجرى و امتى تهدى مش هرس فى هرس على طول
هو انا حسوق ولا بلعب في اوتوكروس
وبعدين اي حد فاهم سواقة ولو على قده عارف كويس امتى يدوس وامتى العربية ماتديلوش اللي هو عايزه حتى سواقين المكروباص مش محتاجه علام ولا موضوع برو ولا هاردكور ولا كاجوال
سيادتك جرب العربيتين في طريق سريعاقتباس:
و الثبات فى الانوس - تعبان - عن تجربة - و مش لازم امتلكها علشان احكم عليها - انا بسوق من 15 سنة و اعرف يعنى اية ثبات سيارة
انا سوقت اللانوس على طرق مصر اللي تعتبر اكثر خطورة بمراحل من طرق السعودية طبعا المدروسة الحمد لله كنت مطمئن وانا مسافر بيها ولا حسيت بأي عيوب في الثبات
سوقت الافيو بما يلي ( طريق بطول 350 كم إلى الرياض .. طريق بطول 380 كم من الرياض إلى الدمام .. العودة بنفس المسافتين)
مساحة الطريقين 4 حارات ... مفيش لفات خطيرة .. اسفلت ناعم جدا )
السيارة في اي لفة غير خطيرة غير ثابته
الهواء فقط بيحدفها
عمري ماحسيت بعيوب في العفشة وسيادتك ممكن تشوف الاخ محمد الهامي له موضوع خاص بتعديل الفرامل وهو صديق وجار عزيز واحنا الاتنين اشترينا سيارتنا في وقت متقارب جدا مع بعضاقتباس:
العفشة - تعبانة و الكل فى مصر و الى بيمتلكو الانوس شهدو بذلك و لية اصحاب كتير عندهم اللانوس و لما تيجيب سيرة العفشة يبصمو بتعبها
يمكن اللي اشتكى من العفشة بسبب انه علا الجنوط
وبعدين تقارن عفشة سيارة في بلد طرقها بتقطم عفشة جيوب !!! مش منطقي
عموما النقطة دي ماقدرش اصمم فيها على رأيي لأني مش متأكد منها بنسبة 100% انا فقط بقولك تجربتي فيها إني ماشتكتش من عفشتها نهائيا
عموما إحقاقا للحق أنا دخلت بالأفيو في رصيف في وسطه طوب وحجر لأنه مكانش متبلط بس الحمد لله محصلش حاجه غير ان الجنط اتعوج + إن مع الحمولة الزائدة ارتفاع السيارة بيقل بدرجة معقولة ومقبولة غير اللانوس
مش عصبي ولا شئ بس من يوم 25 شهر 3 مدخل الافيو هانم الورشة تتصلح بعد الحادثة وحتى الان مخرجتش بسبب البلاوي اللي حصلت فيهااقتباس:
بس الى انا ملاحظة انك عصبى مش عارف لية
يا جماعة لازم كل واحد يحب سيارته
و الله يا اخ cizer انت توهتنى
انا كلامى واضح و مش محتاج كل الى انت عاملة و مش فاهم لية مصر تفرض رايك -- بالعكس كل واحد حر فى راية
و بعدين مش عارف يعنى اية هرس فى هرس
اية مسوقتش فى شوارع القاهرة قبل كدة ؟ على العموم لو سقت فيها و متعرفش يعنى اية هرس للعربية - يبقى انت مسقتش فى القاهرة تحديدا
و على فكرة تجربتى مع الانوس كانت سفر من القاهرة الى اسكندرية - اظن دى كفيلة - 250 كم رايح جاى
سورى ياجماعه انا شايف عك وطبيخ فى الاراء احنا هنتخانق ونتعصب على بعض عشان عربيه!!!!!!
احنا ناس كبيره وماينفعش كده وانا رأيى
ان الافيو عربيه جامده وهى معايا من قبل رمضان اللى فات
وبسم الله ماشاء الله عليها تحفه
بس المشكله الوحيده اللى انا شايفها التقفيل زفت خالص
وده اللى بيحسس ناس كتير انها عربيه وحشه
امال الفيرنا دى تبقى ايه بقى لما الافيو وحشه ؟؟
الافيو بس محتاجه مراجعه لأنظمتها وشده بسيطه وبعد كده نبقى نحكم عليا
وعلى فكره الافيو بره مصر شفتها اغلى فى السعر من الاكسنت والكيا ريو والياريس كمان......
انا ان شاء الله هشدها شده تمام وهبقى اقولكم ملاحظاتى
بس ياريت اتكلموا بهدوء شويه
ده مجرد ابداء اراء وكل واحد حر فى اللى بيقوله وماحدش يحاسب حد...
استاذي الفاضل Mmtronic
انا قلت لحضرتك انا امتلكت اللانوس 3 سنوات وانا اعيش بالمعادي وكنت بدرس كمان في القاهره يعني مشاويري كلها في القاهره
ثانيا انا سوقت اللانوس من القاهره الي الاسكندرية مرتين والله ومش محتاجه حلفان
وكمان صدقني انا مش مصر على رايي ولا عايز افرضه ولا شئ نهائيا انا قلت رايي بسبب اللي لمسته بنفسي من استخدامي للسيارتين
عموما اعذرني لو كانت في لهجتي حده
بس بأمانة
انا بكره الافيو بجد ويمكن من كرهي ليها اكون متحامل عليه مقدرش انكر بس في نفس الوقت حضرتك اكيد شايف ان في كلامي بعض من الصحه مش كده برضه ؟
عموما انا بحب شيفي جدا وكنت مقبل على الافيو بصدر رحب لانى كنت فاكرها حتبقا زي اللانوس بس للاسف محصلش
وباذن الله قريبا حبيعها بس لما ادبر ثمن سيارة جديدة وحتكون باذن الله إما Epica وهي الفئة الاعلي من الاوبترا كمان ومعرفش بتنزل مصر دي ولا لا بس دي موجوده في السعودية وسيارة بصراحه رائعة من رأي مجربيها ومن نفس مصنع الافيو الكوري بس محترمه جدا
أو ممكن سيارة تانية بعيدة تماما عن شيفي بس لسه ماقررتش لكن لو طلعت من شيفي مش حروح لكوري تاني
بصراحه العربيه كويسه بس قالي معكنني فيها موضوع العفشه و ال Rpm و الموضوع التاني مضايقني منها جدا بس هيه عربيه بتجري و صالونها كويس من الداخل و الطابلوه شيك و التكيف كويس و الشنطه واسعه مش ضيقه و قطع غيرها مش غاليه اوي بانسبه لعربيات تانيه بس العربيه مش بتاعت حرق و شد و الكلام ده هيه العربيه الستارد بتاعها بطيئ بس بعد لما بتاخد سرعتها بيبقه كويس و لو حد عاوز يسال علي اي حاجه فيها ده رقمي 0103446568
على فكره الافيو الجديده الهاتش جميله جدا والتسارع بتاعها اعلى من الانسر
فى فيديو فى قسم الفيديوهات مكتوب عليه aveo vs lancer
يا جماعة الموضوع كلة الراجل بينصح اللى هيجيب افيو بنيو اكسنت وعندة حق جدااااا لأنها تكسب فى كل المقارنات إيه اللى دخل الشيفرولية لانوس بالأفيواا انتوا نسيتوا الموضوع على إيه أصلا :)
السلام عليكم
يجماعه انتم ظالمين الأفيــــــــــــــــــــ و والله عربيه كويسه
انا معايا الأفيو المصرى 2009 الحمد لله زى الفـــــــــــــــــل.
انا معايا افيو اوتوماتيك 2009
استهلاك بنزين مش عارف احدده (مش مهم)
عافشه ناشفه( عشان العربيه عاليه- ميزه وعيب )
تكييف جميل
مساحه وشكل داخلى جميل
سعر يعتبر كويس 84000 ج
انا فعلا استفد جدا من المناقشه دي و قررت اني لو خاجيب عربيه قريب استحاله اجيب عربيه كوري
طيب ديه حاجة كويسة قوى انك استفدت ديه حاجة عظيمة بس المناقشة هنا مش عشان تقلنا انك مش هتجيب عربية كورى حضرتك خليك فى الفيات الوحش الإيطالى بتاعك ونفضل تحتفظ برائيك لنفسك :) الناس هنا عربيتها كورى وبيحبوها والمقارنة او المناقشة ان اللى هيجيب افيو يزود ويجيب نيو اكسنت عشان افضل مش مقارنة بين الكورى والإيطالى ولا استطلاع رأى ديه حاجة تحرق الدم
طبعآ النيو اكسنت افضل منها هى والاوبترا . صوت عالى. كبس اللوك حق الباب من فوق زى السيارات القديمه . زجاج الشماسات بدون اى غطاء زى زمان. عجله القيادة غير متحركه. كاسيت جزء من التابلوة يعنى لو خرب الله اعلم كيف تصلحه وقتها وتكسر فى التابلوة وتركب واحد مع خشب ديكور يعنى بهدله. مافيش اماكن لوضع زجاجه ميه معاك . الباب الامامى كهرباء والخلفى مش تبعنا.
انا كمان جبت الاكسنت بجد مفيش وجة مقارنة بين الاتنين الاكسنت تكسب بفرق الصالون والمتور والتسارع والتكنولجى الجديد الى فى الماتور والاوبشن ربنا يبركلنا فيها ان شاء الله