اقتباس:
1- البوجيه رقم 3 (على اعتبار اللى جنب الموبينه رقم 1) معرق زيت
_ فى البدايه ....كان الله فى العون وربنا يصلح لك ولنا الأحوال....آمين يارب
_ موضوع تعريق زيت على أى بوجيه بيكون سببه تلف سيلات الصبابات (لأن الزيت بينزل عليه من عند حوض التاكيهات )
2-
وانا بافك البوابه علشان تنظيف المينفولد لقيد الماسورة الصغيره بتاعت الميه(يوجد ماسوره على شكل حرف U مقلوب للمياه داخل وخارج) متأكله جدا وبعد التنظيف بقت بتسرب ميه بشكل مقرف أعتقد الماسوره دى بتاعت ذهاب جزء من مية التبريد بعد الخروج من رأس السلندر الى مسارها فى سربنتينة التكييف (اللى وراء التابلوه )....دا اللى قدرت أتخيله من وصفك (لأن عندى فى النوبيرا ....خرج رأس السلندر بتأخد منه فرع رفيع الى سربنتينة التكييف )......وأعتقد ممكن تغيرها .0......أو تصنع بديل بنفس القطر ...وأعتقد دى مش مشكله كبيره أوى ............... اقتباس:
3- سحب العربية سيئ للغاية وببشاعة واقصى سرعة عرفت اجيبها كانت 140 بالعافية
ماهو سحب العربيه وحش بسبب سيلات أو كاوتش الصباب عاوز يتغير .....وممكن تكون محتاج روديه كمان لتحسين كفاءة حبك غرف الحريق من فوق (عند الصبابات ) اقتباس:
4- صوت الموتور بقى عالى جدا بشكل مقرف حتى بعد التنظيف
صوت الموتور العالى حاليا ممكن يكون بسبب تسرب جزء من الحريق الى منطقة التاكيهات (على أساس ممكن تكون البلوف عاوزه روديه أو تتغير ....وده أنا متوقعه )...._ على أساس لما بيهرب حريق لمنطقة التاكيهات فى نهايه شوط الأنضغاط وبداية شوط التمدد .
....ممكن يكون بيحل الزيت اللى فوق شويه وبكده بتقل كفاءة الكستبانات ....وهنا الصوت حيزيد.....
_ وكشفك على رأس السلندر مع عمل الروديه وتغيير كاوتش الصباب حيحللك كل المشاكل بأذن الله.........._ وخلينا فى الموضوع ده الأول ......وخللى تفكيرنا فى التكييف بعدين......وأعتقد لو غيرت كتاوت كلاتش التكييف ببتاع الفوجات لو كان زيه ....ممكن آداءه ينظبط ( على أساس ممكن يكون الكتاوت بيفصل بعد فتره ....علشان ملفه بدأ يتعب مثلا )