صلحت العيب اللى كان عندى فى التيدا وتحية للسبع

**karaktar** · 23-04-2009 05:40 PM

فاكرين كده من قيمة شهر او شهرين كنت باشتكى من التيدا وكنت جايبها لسه زيرو من شهر يناير اللى فات كنت باشتكى ان الدركسيون بيرزع منى جامد بالذات على السرعات العالية واما اجى ادوس فرامل الدركسيون يغربل جامد المهم فضلت ابحث وادور واسألكو ايه العيب ده وطبعاً انا شاكر جداً لكل واحد رد عليا وافادنى العيب ده من فين وفيه اخوة ردو عليا وقالولى ان العيب من الطنابير

انا النهارده روحت توكيل السبع لازم اشوف حل للموضوع ده طبعاً قابلونى بكل احترام
كان فى قسم الاستقبال المهندس احمد ناجى وده شخصية محترمة جداً فقولتلو على العيب اللى ذكرته + كان فيه قطم فى الدركسيون عند الملفات قالى متقلقش كل حاجه هاتتصلح ان شاء الله
دخلت العربية الورشة رفعوها وكشفو عليها نزلوها تانى طلع واحد يجربها عشان يشوف العيب ودخلوها تانى وطلع واحد تانى يجربها ( شوف مدى الاهتمام والحرص )
المهم المهندس قالى الطنابير فعلاً بايظه بس بنكلم المصنع عشان نبلغهم ان العربية عاملة 3000 ك بس ولازم تتغير فى الضمان والعميل مايدفعش حاجه
وفعلاً حصل الحمد لله غيرولى الطنابير وصلحولى القطمة اللى فى الدركسيون
غسلو العربية ونضفوها من جوه وطلع مهندس يجرب معايا الحمد لله العيوب دى راحت تماماً وشكرت ربنا لسه بأه عايز اجهز فلوسى واشوف هايطلبو كام لزوم المصنعية
لقيت المهندس بيدينى المفتاح وقالى كده تمام ولا فى مصاريف ولا اى حاجه الحمد لله
( لذا اعتقد ان توكيل السبع من ضمن احسن التوكيلات على مستوى الجمهورية )
انا عارف رغيت كتر وطولت عليكو

**kemo0o** · 23-04-2009 05:48 PM

الف حمد الله على سلامة تيدك ( يعني التيدا بتاعتك ) ههههههه

أولا انا صاحبي برضه كان عنده مشكلة في الطنابير وغيرها على 10 الاف على الضمان تمااام

أول لما كمل 25 الف ظهرت عنده مشكلة تخبيط في الدركسيون في الملفات وللاسف ماعرفوش ليها حل (يونايتد جروب) وباع العربية .... بس للعلم هو باعها مش للسبب ده لسبب تاني خالص

أتمنى ان ده مايحصلش عندك نهائي وتحية لتوكيل السبع بس اتمنى يفضلوا كده دايما

**hosamabraq** · 23-04-2009 06:09 PM

يا جماعة أنا بأدور على عربية تيدا مستعملة بقالي كتير، هو ماحدش عايز يبيع ليه؟

**karaktar** · 23-04-2009 06:21 PM

المشاركة الأصلية كتبت بواسطة kemo0o

الف حمد الله على سلامة تيدك ( يعني التيدا بتاعتك ) ههههههه

أولا انا صاحبي برضه كان عنده مشكلة في الطنابير وغيرها على 10 الاف على الضمان تمااام

أول لما كمل 25 الف ظهرت عنده مشكلة تخبيط في الدركسيون في الملفات وللاسف ماعرفوش ليها حل (يونايتد جروب) وباع العربية .... بس للعلم هو باعها مش للسبب ده لسبب تاني خالص

أتمنى ان ده مايحصلش عندك نهائي وتحية لتوكيل السبع بس اتمنى يفضلوا كده دايما

اشكرك ياكيمو على مرورك الطيب
طيب ايه العيب اللى بسببو باع العربية هل هو عيب فى العربية نفسها

**karaktar** · 23-04-2009 06:24 PM

المشاركة الأصلية كتبت بواسطة hosamabraq

يا جماعة أنا بأدور على عربية تيدا مستعملة بقالي كتير، هو ماحدش عايز يبيع ليه؟

بصراحة التيدا عربية حبوبة وصعب ان الواحد يفرط فيها

**kemo0o** · 23-04-2009 06:49 PM

اشكرك ياكيمو على مرورك الطيب
طيب ايه العيب اللى بسببو باع العربية هل هو عيب فى العربية نفسها

هو ماباعش التيدا عشان عيب فيها لا بالعكس هو كان بيحبها جدا جدا وانا كمان بصراحة كنت بحب التيدا وخاصة عربيتة جداااااااا لدرجه لاتتخيلها بس هو باعها عشان عاوز يغير ويركب الماني او اوروبي وربنا يارب يكرمه ويشتري اللي نفسه فيه
للعلم هو دلوقتي معاه باجيرو وشيروكي بس عاوز عربية صغيرة

أرسل أصلا بواسطة hosamabraq

يا جماعة أنا بأدور على عربية تيدا مستعملة بقالي كتير، هو ماحدش عايز يبيع ليه؟

بص في كونتاكت و car100100 هتلاقي
وعندك الوسيط وجرائد العربيات ولو اهتميت زيادة أكيد هتلاقي وربنا يوفقك

**tata12001** · 24-04-2009 12:37 AM

ألف مبروك يا karaktar وأخيراً صلحت العيب :) والحمد لله إن كلو تمام وإن تعامل التوكيل كان كويس

**Mustafa_Farouk** · 24-04-2009 02:00 AM

Al-hamd L ALLAH, i'm really feel so happy for u

**karaktar** · 24-04-2009 02:48 PM

المشاركة الأصلية كتبت بواسطة tata12001

ألف مبروك يا karaktar وأخيراً صلحت العيب :) والحمد لله إن كلو تمام وإن تعامل التوكيل كان كويس

الف شكر ليك اخويا تاتا والحمد لله على كل حال
بصراحة توكيل محترم
طمنى عملت ايه فى الصوت اللى بتسمعه فى العفشة هل روحت للتوكيل ولا عملت ايه ؟

**karaktar** · 24-04-2009 02:56 PM

المشاركة الأصلية كتبت بواسطة Moustafa_Farouk

Al-hamd L ALLAH, i'm really feel so happy for u

اشكرك اخويا مصطفى ده انا اللى سعيد بمرورك وردك ربنا يبارك فيك

الموضوع: صلحت العيب اللى كان عندى فى التيدا وتحية للسبع

LinkBack

أدوات الموضوع

عرض

صلحت العيب اللى كان عندى فى التيدا وتحية للسبع - انشر الموضوع فى :

-

-

-

-

-

-

-

-

المواضيع المتشابهه

23 سنه بس عندى احساس ان اللى جاى مش قد اللى راح

العيب عندى فى إيه بالنسبه للصوت ؟

لملاك التيدا الجادين ..اللى عايز يركب سبويلر للتيدا سيدان .. يتفضل هنا اسعار وتفاصيل

يا ترى العيب فيا ولا العيب فى الناس

الكلمات الدلالية لهذا الموضوع

المفضلات

المفضلات

ضوابط المشاركة