حرام جين 2 ولا ياريس ولا حاجة تانية

**m.3abdel3al** · 27-04-2009 01:57 AM

ان شاء الله حتى لو في مشاكل كلنا مع حضرتك وهتتحل ان شاء الله

**khpopo** · 27-04-2009 02:02 AM

المشاركة الأصلية كتبت بواسطة mizamega

يعني اتوكل علي الله وجيب جن 2 اتو ...ومش هيبقي في مشاكل

الاوتو 10/10 من زمان ...توكل على الله

ربنا يوفق

**pharonicking** · 27-04-2009 02:48 AM

التويوتا رقم 1 فى العالم والحدق يفهم"

**mizamega** · 27-04-2009 11:05 AM

انا معاك ان التيوتا حلوة بس امكانيات الجن2 احلي والعربية رخيصة

**momenhamdy** · 27-04-2009 12:14 PM

المشاركة الأصلية كتبت بواسطة mohamed_3abdel3al

يا باشا انت جربت الاوتو!!!! انا معاية اوتو ومش وحشة ولا حاجة بل بالعكس هي احسن من الهيونداي كله انا جربت هيونداي كتير اوتو وتعبان على فكره الجين احسن و خاصة في موديل 2009 علشان الفلتر الجديد هي المشكله كانت في الموديلات الي قبل كده علشان التسارع من 2 ل 3 rpm انما مع الفلتر الجديد الحياه حلوة اويييييييي :biggrin2
:

طبعاً يا محمد كلامك 10/10 و مظبوط و انا كمان معايا الموتور الCampro العادي يعني من غير التعديل ال IAFM زي منتا عارف و بصراحة مريحني جداً جداً و انا يمكن شرحت قبل كدا ان انا طريقه السواقه بتاعتي مش براحه بمعني انا بحب استجابه العربية تكون سريعه

بس بالنسبه للاستاذ احمد هو شايف انا الطلعه بتاعت العربية بطيئه نسبياً و ان الفتيس مش بيبان العزم بتاعوا غير علي اللفات العاليه يعني من 3500 و طالع
هو دا سبب ان الاستاذ احمد مش مقتنع بالاوتو في البروتون عموماً و لكن انا زي ما قولت انا بالنسبة لي و بالنسبه لناس كتير الفتيس اداءه جيد جداً خصوصاً انه ياباني الي كان راكب في الانسر

بس في ماركات اخري بتهتم بعزم العربيه في اللفات الي اقل من 3500 لفه/دقيقه
و من امثله ال BMW من العربيات الي بيهتموا بعزم العربيه علي اللفات الصغيره و يقولك من ضمن المواصفات العربية بتوصل كام هورس باور و هي مثلاً علي 2500 لفه/دقيقه
و دا طبعاً بيفرق في استجابه العربية و هي بتتحرك من السكون و علي اللفات المنخفضه

تحياتي يا محمد باشا

**m.3abdel3al** · 27-04-2009 04:27 PM

اكيد مؤمن الجين كويسه و على فكرة لو دوست على الدواسة صح العربية مش هتحس انها بطيئة بس المشكلة ان كلو بيكبس وخلاص

**momenhamdy** · 27-04-2009 06:11 PM

المشاركة الأصلية كتبت بواسطة mohamed_3abdel3al

اكيد مؤمن الجين كويسه و على فكرة لو دوست على الدواسة صح العربية مش هتحس انها بطيئة بس المشكلة ان كلو بيكبس وخلاص

انا معاك يا محمد في وجه النظر دي زي ما قولت ليك
بس خلي بالك ان الموتور ال Campro اذا كان عادي ولا IAFM الموتور مصمم انوا يستجيب علي العزوم العاليه فاهمني
فا ممكن الموضوع دا ممكن يضايق بعض الناس او المستخدم للعربيه و علي رأسهم الاستاذ احمد

و تقبل تحياتي

**amm70** · 28-04-2009 12:05 AM

ممكن اعرف اخر اسعار الجين 2 اوتوماتيك فول اوبشنز دلوقتي كام

**m.3abdel3al** · 28-04-2009 02:05 AM

88900 ونزل لحد 3000 جنيه حسب ما توصل مع التوكيل

**tutankhamoun** · 28-04-2009 06:50 AM

المشاركة الأصلية كتبت بواسطة pharonicking

التويوتا رقم 1 فى العالم والحدق يفهم"

التويوتا رقم واحد مبيعات .... ده أولا .
و ده مينفعش يتحط في المقارنة اللي الأخ بيسأل عليها .
يعني مينفعش كل عربية تويوتا تبقى أحسن عربية في العالم علشان خاطر الشركة الأم رقم واحد في المبيعات عالميا !!
فيه كمان حاجة ...... ما هي تويوتا متفوقة على مرسيدس و بي أم دبليو و هوندا ...... يبقى خلاص أي عربية خارجة من تويوتا تبقى أحسن من دول ؟؟؟؟؟ علشان خارط شركة تويوتا بتبيع أكتر من الماركات السالف ذكرها !!!!!
مع تحياتي يا دكتور محمد

أنا شايف أن الأخ شكله رسي على الجين 2 و إن شاء الله أختيار كويس جدا و على فكرة مفيش مقارنة مع الياريس .
الياريس سيارة مدن ....... و هي أحسن من الجين 2 في الحتة دي علشان أستهلاك بنزين الموتور الصغير .

تعالى بقى شوف الثبات ...... و الملفات و التحكم في العربية ......... و الكماليات ....... و الشكل ........ و الأداء ........ أخيرا السعر . في الجين 2 و كل الحاجات دي الجين 2 بتتفوق فيها بأمتياز على الياريس
يبقى في السفر و الطرق الطوالي الجين2 شنيعة فظيعة ......... تحسسك بالأمان على الطريق و القوة و الثبات و التحكم العالي .

مميزات الياربس بأختصار اللي مش موجودة في الجين 2
أسم تويوتا العالمي .
موتور صغير بس سحبه عالي و أستهلاكه للبنزين داخل المدن و خارجها ممتاز
قلة مشاكلها عموما

عيوبها لما نقارنها بالجين 2
الثبات علشان تصميم العربية الصغير و الوزن الخفيف .
سعرها المبالغ فيه بطريقة بشعة .
بصراحة شكلها مش بيعجبني خالص .

مميزات الجين 2
ثبات وتحكم عالي في العربية
شكل حلو ( دي أذواق ) بس ما حدش أختلف على شكل الجين 2
كماليات كتيرة
سعر مفيش أحسن من كدا مقارنة من اللي بتعرضه العربية عليك .

في النهاية ......في رأيي المتواضع
الجين 2 تكسب تكسب تكسب للأسباب السالف ذكرها .

الموضوع: حرام جين 2 ولا ياريس ولا حاجة تانية

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ضبط زوايا ولا حاجة تانية

هبونداي فيرنا مع جنط 15 ... حاجة تانية!

سانديرو اوتو ولا حاجة تانية

عربية شاهين ولا حاجة تانية

اللى يبيع ماتش .. يبيع اى حاجة تانية وده لو كان ف حاجة تانية اصلا .

الكلمات الدلالية لهذا الموضوع

المفضلات

المفضلات

ضوابط المشاركة