بعد غد -إن شاء الله- تمر الذكرى الأسبوعية لأسخف موقف حصلي بالميجان. السبت إللي فات نزلت اجيب حاجات من جنب البيت..المهم بعد اول توقف للعربية جيت ادور العربية تاني العربية تدور وبعدين تبطل
وبما إن اخوكم مالوش في العربيات قوي قلت أكلم زعيم الوحوش أحمد عبد المقصود. المهم ابو حميد كان حاسس إن في حاجة في دورة البنزين فقال لي زود بنزين وجرب كما نصحني ايضا أن أكلم التوكيل أو فرنش موتورز لو في حاجة في طلمبة البنزين. المهم زودت بنزين وبرضه ما فيش فايده. وكلمت المهندس خالد الزيني (فرنش موتورز) قاللي عربية النجده في مشوار وهايكلمني أول ما تيجي عربية النجدة .

المهم وانا قاعد مستني طلعت في دماغي اشوف موضوع طلمبة البنزبن دي. قمت فاكك الكنبة، ولقيت سلك كهربا داخل في فيشة راكبة في الطلمبة...قمت فكيت الفيشة ونفخت فيها وركبتها تاني. وقلت ادور العربية..قامت العربية دارت والحمد لله...هيه هيه :10D5C8~1107:

قلت أكلم الزعيم تاني واقوله على إللي حصل..والراجل نصحني بتفويله 95 تفوق العربية من عك البنزين. وكمان المهندس خالد الزيني كلمني وانا لسه مدور العربية فشكرته بس لسه ما رحتلوش.. المهندس الزيني قاللي يمكن اكون حطيت بنزين مغشوش أو مشيت مده ولمبة البنزين منورة..الغريب إن العربية زي الفل في الطريق بعد التفويلة 95

الدرس:
أولا لا تفك اي فيشه في العربية من غير ما تفصل الارضي بتاع البطارية على الأقل
ثانيا ماتستناش لما العربية تنور لمبة البنزين
ثالثا لا تمون بنزين إلا من وطنية أو إمارات مصر مهما حصل
رابعا لو انت وحش تعبان زي حالاتي اوع تتردد تكلم وحش بجد زي احمد او شاركي او ايمن او عمرو.....إلخ
خامسا ماتنساش تنقل لنا خبرتك وتشكر إللي ساعدوك متشكرين يا ابوحميد وتترد لك في الأفراح إن شاء الله