ازاى اقفل عداد اى عربيه

**ahmad--ezzat** · 24-04-2009 10:59 PM

المشاركة الأصلية كتبت بواسطة MoToRiZeR

الخطوات :

1- شيل البلاستيكة بتاعة العداد
2- هات المؤشر علي أخر سرعة بصباعك
3- صوره
4- ألف مبروك

دي النصيحة الوحيدة اللي ضميري يسمحلي بيها .. و لو يهمك تكمل حياتك يعني !

:10D5C8~1107:هههههههههههههههههه� �ههههههه هههههههههههههههههههه
جلوة دى

**want_better** · 24-04-2009 11:23 PM

المشاركة الأصلية كتبت بواسطة KHALED AYMAN

نصيحه لوجه الله
بلاش جرى
انا كنت زيك كده بس حصلى موقف شوفت الموت بعينى ...
متزعلش منى بس انا خايف عليك...
و طبعا ده ميمنعش انك تعدل العربيه بس مش لازم تقفل عداد يعنى

+11111111111111
والحمد لله على سلامتك

**misho_nfs** · 25-04-2009 12:20 AM

المشاركة الأصلية كتبت بواسطة MoToRiZeR

الخطوات :

1- شيل البلاستيكة بتاعة العداد
2- هات المؤشر علي أخر سرعة بصباعك
3- صوره
4- ألف مبروك

دي النصيحة الوحيدة اللي ضميري يسمحلي بيها .. و لو يهمك تكمل حياتك يعني !

على فكره يا جماعه و الله فعلا انا شفت الكلام ده ادام عنيا و العربيتن مع صحابى الbm و ال 128 و كلامى صح و بعديين للناس الى بتتريق مش شرط كل حاجه نتعلمها نجربها بس عادى لو الواحد يكون فاهم و اعتقد ان انا بتكلم فى قسم تعديل السيارات يعنى ازاى تخلى عربيتك تجرى اكتر مش تخلى شكلها حلو من بره و من جوه ؟؟؟؟؟

**M_Nabil** · 25-04-2009 01:49 PM

المشاركة الأصلية كتبت بواسطة misho_nfs

على فكره يا جماعه و الله فعلا انا شفت الكلام ده ادام عنيا و العربيتن مع صحابى الbm و ال 128 و كلامى صح و بعديين للناس الى بتتريق مش شرط كل حاجه نتعلمها نجربها بس عادى لو الواحد يكون فاهم و اعتقد ان انا بتكلم فى قسم تعديل السيارات يعنى ازاى تخلى عربيتك تجرى اكتر مش تخلى شكلها حلو من بره و من جوه ؟؟؟؟؟

يا ميشو هيه الناس مش بتتريق الناس خايفه عليك وعلى زميلنا في المنتدى من السرعة عشان لو في طريقة اصلا تقفل بها العداد زي ماقولت لنفترض انك عاوز المعلومة ومش هتجربها غيرك ممكن يقراءها وينفذها ويجرب وطبعا لا قدر الله حادث على عداد متقفل اكيد هتكون عواقبة وخيمة واحنا بنتمنى السلامة للجميع كنت امبارح راجع من الجيزة وبسبب السرعة الزائدة في عربية اتقلبت قدامي عند الملف اللى قبل حديقة الأزهر في صلاح سالم والناس اللى فيعا اتعورت والعربية ادمرت تقريبا، غير كدة طيب انت مش بتقول الناس دي اصحابك ممكن تسئل صاحب 128 واكيد هيفيدك، وفي هنا مواضيع كثير عن تعديل السيارات عشان العربية تجري والهورس باور يزيد بس اكيد مش بنفس الحاجات بتاعت العربية الاصليه.

**misho_nfs** · 25-04-2009 05:44 PM

والله يا سئلته و كل اللى بيقولوه انه ظابط الكهرابا بتاعت العربيه بس و انا مش حكاية زعلان بس يعنى ممكن ينصحو بس باسلوب احسن من كده

**yuyu0000yuyu** · 26-04-2009 11:59 PM

المشاركة الأصلية كتبت بواسطة misho_nfs

يا جماعه ايه اللى اعملة عشان اقفل عداد اى عربيه قديه 128 127 131 و كده
بس من غير تيربوهات و كده عشان انا اعرف ناس بتقفل عداد 128 و بتشد مع bmw وكده و من تربنه ولا تسقيط كمان هى مخرجتش من ال bmw بس جابت معاها و حصل ادامى الكلام ده

على فكره انا معايه فيات 128 وكنت بشد اصاد مرسيدس 200 وعديت منه 3 مرت بس ده اول مشتريت العربيه وبعد كده فى واحد ابن حلال لعب فى كهربتهى خلاجه فله معتش بقدر اشد اصاده بس برده مبيعديش منى بسهوله بس فى الاخر بيعدى للاسف ونفسي فى مكنيكى جدع يعرف يظبطلى كهربته زى الاول وكمان انا جارى معاه فيات 128 وحلفلى انو كان بيشد اصاد bmوكان فى نفس مستوه وبرده قلى انه ظابط كهربه صح بس كان ظبطه فى مصر مش فى المنصوره

**M.Mokhtar** · 27-04-2009 02:21 PM

طيب ايه رأيكم نحكم عقلنا؟
ال 128 موتورها كام سىسى؟ كام حصان؟ اكبر عزم على كام rpm ؟؟ واخيرا وزنها كام؟
نيجى للبى ام نفس الاسأله
نيجى للمرسيدس ال 200 نفس الاسأله

مين يطلع من مين من غير اى تعديلات لو على كلام صاحب الموضوع؟

**yuyu0000yuyu** · 28-04-2009 08:55 PM

المشاركة الأصلية كتبت بواسطة M.Mokhtar

طيب ايه رأيكم نحكم عقلنا؟
ال 128 موتورها كام سىسى؟ كام حصان؟ اكبر عزم على كام rpm ؟؟ واخيرا وزنها كام؟
نيجى للبى ام نفس الاسأله
نيجى للمرسيدس ال 200 نفس الاسأله

مين يطلع من مين من غير اى تعديلات لو على كلام صاحب الموضوع؟

انا اقلك لمى تكون ال128 دى موتوره مظبوط وحالته حلوه ونيجى للمرسيدس 200 موتوره تعبان شويه وعاوز عمره
نجى لاهم حاجه الى سايق ال 128 عارف ازاى يطلع احلاواقوى اداء ليه وعارف ازاى يجريه والى سايق المرسيدس 200 مبيعرفش يجري العربيه ومبخليهاش تطلع كل الى عنده وده مش معناه انه مبيعرفش يسوق لا ده بيسوق احسن منى بس ملوش فى الشد ف عشان كده انا بعديه وبشد عليه ب ال128

**M.Mokhtar** · 28-04-2009 11:26 PM

المشاركة الأصلية كتبت بواسطة yuyu0000yuyu

انا اقلك لمى تكون ال128 دى موتوره مظبوط وحالته حلوه ونيجى للمرسيدس 200 موتوره تعبان شويه وعاوز عمره
نجى لاهم حاجه الى سايق ال 128 عارف ازاى يطلع احلاواقوى اداء ليه وعارف ازاى يجريه والى سايق المرسيدس 200 مبيعرفش يجري العربيه ومبخليهاش تطلع كل الى عنده وده مش معناه انه مبيعرفش يسوق لا ده بيسوق احسن منى بس ملوش فى الشد ف عشان كده انا بعديه وبشد عليه ب ال128

قصدك فى عوامل مساعده
طيب كده يبقى اوك :k45:

**FIATBloodline** · 01-05-2009 12:28 AM

بص انا ممكن اعمل شغل في العربيه بمليون جنيه بس لاني محب جدا للتعديلات
كمثال انا افضل اشتري عربيه سيفك متعدله علي اني اشتري فراري
بس موضوع التقفيل بتاع العدادات والشد فوق ال ميه اعذرني فيه
وبالنسبه ل اذاي اقفل العداد ....بترجع برضه لحرفنة السواق
اللي معاه لاة او مرسيدس ممكن يخاف يعلي ال اربي ام عشان لو لاقدر الله حاجة لاقدر الله حاجه اتكسرت في الموتور هايتشد شده في الفلوس ...الموتور بتاع ال 128 يعمله كام استيراد ... بس لو اتنين سواقين حريفه و بنفس الأتتيود ...انسي
صاحبك ده اكيد احرف من السواق التاني