كرستاله 97 - ليه الانسر 97 رخيييييييييييصه

**kokmedo** · 28-04-2009 08:03 PM

هههههههههههههههههه
تمام فابريكة وأصدمك أكثر وأقولك كمان السقف فابريكة الحمدلله بص هو سعرها ممكن يكون 44 يكون حلو بس أنا فصلت جامد معاه وكمان كان البرابريز الامامي مشروخ فعلشان كدة قدرت أفاصل معاه كويس

**xoxo** · 28-04-2009 08:58 PM

بقولك ايه يا اخ
kokmedo

تاخد 500 جنيه وتديهالي.......................وخلاص

بدل تعب الاعصاب الي الواحد فيه دا.......... ها ايه رايك

**kokmedo** · 29-04-2009 09:10 AM

ههههههههههههههه
أعطيهالك ببلاش يا باشا دة أنت تأمر
بس يا جميل واحد معايا في الشغل كان عايز يأخذها مني بي 44 وأنا رفض
بس لو أنت قلت كلمة حلوة هبعها أخري بجد 46 ومش هقل ولا مليم لأني كنت جايب العربية هقعد بيها وهي حلوة ولكن لو جابت فرصة حلوة ولية لا

**xoxo** · 29-04-2009 07:11 PM

يا عم خد 500 جنيه هيا بقالها معاك 5 تيام
يعني اليوم واقف عليك ب 100 جنيه هوا في كدا
دا رونالدو مبيخدش كدا ..........................
لأ ياباشا ربنا يباركلك فيها إن شاء الله بس انا عايز اعرف سكك اجيب منها عرربات حلوة
بس الفكره ان انا من المنصوره وهنا بيغلو مش عارف ليه في القاهره بتبقى العربيات مرتاحة شوية
ومعظم الاعلانات في القاهره ومش ممكن كل ما لاقي اعلان اسافر القاهره وارجع تاني عشان عربية واحده ولا عربيتين والمشكله ان مفيش عربية قبلتني سليمه وغير كدا انا في كلية غبية مفيش وقت الواحد يعمل اي حاجة اصلا .....................

**kokmedo** · 30-04-2009 09:05 AM

بص يا جميل شوف الوسيط ومصراوي
بس الصراحة الوسيط بيبقي في حاجات لقط وحلوة بس المشكلة بتتخطف بسرعة
بس الوسيط بينزل يوم الجمعة ولكن بينزل علي النت من يوم الثلاثاء تشوفة من علي النت يوم الأربعاء مثلا وتكلم الناس ولو استريح لكلام حد فيهم أنزل شفها وحضر الفلوس مفيش حل ثاني غير كدة ,أنا عملت كدة وأشترتها من قبل ما تنزل في الجريدة بتاعت يوم الجمعة أشترتها يوم الأربعاء ومع ذلك لو كنت تأخرت بس نصف ساعة كان واحد هيخلص معاه الحمدلله ربنا يسر الحال فشوف الوسيط بس علي النت قبل ما ينزل لأني مش هتكون لسة لحقت نزلت وناس اتكلمت وللعلم العربيات الحلوة مش بتقعد خليها في بالك الجملة دية