هل الانسر كامه واحده ولا كامتين
:dontudear:
عرض للطباعة
هل الانسر كامه واحده ولا كامتين
:dontudear:
اللانسر البومة سواء 1300 أو 1600 كامة واحدة
SOHC Single OverHead Camshaft
اللانسر الشارك سواء 1500 أو 2000 كامتين
DOHC Double OverHead Camshaft
والجميع 16 صمام
هل ده بيفرق فى أداء الموتور والباورهورس؟
يعنى كده انهى احسن؟ فى الاداء والسحب
انا دورت على جوجل ولقيت الآتي :
SOHC معناها single over head camيعنى محرك ذو كامة واحدة علوية ،وهذة المحركات بدأ ظهورها فى اواخر الستينات وكانت اول معرفتنا بيها مع محرك السيارة فيات 128 والذى كان يعتبر طفرة تاريخية فى وقته
يختلف المحرك ذو الكامة العلوية عن المحركات ذوات الكامة السفلية انه فى المحركات ذات الكامة العلوية تكون الكامة مبيته فى وش السلندر (مثل اللانسر والأكسنت والبروتون ويرا مثلا) او فى بيت خاص بها فوق وش السلندر (مثل ال128 والشاهين والريجاتا والتيمبرا) ، فى حين انه فى الموديلات القديمة ذات الكامة السفلية كانت الكامة مبيتة فى بلوك المحرك( مثال ال 127 وال131 ) ، والميزة التى احصلنا عليها من تصميم الكامة العلوية هو عدم الحاجة لوجود تاكيهات حيث تواجة الكامة الصباب مباشرة (يوجد بينهما فقط طبق من الصلب لضبط الخلوص) وهذا يقلل الاجزاء المتحركة فى المحرك مما يمكن المحرك من العمل بسرعات اعلى والحصول على قدرات حصانية اعلى ويقلل الحاجة للصيانة
DOHC معناها double overhead cam يعنى محرك ذو كامتين علويتين ، عادة تكون احداهما مسئولة عن صبابات الوقود واخرى مسئولة عن صباب العادم، اول سيارات عرفناها فى مصر ذات كامتين علويتين كانت السيارات فيات132 ، عندما تم تنفيذ هذا التصميم فى اليداية كان يهدف الى وضع الصبابين على جانبى وش السلندر وليس على جانب واحد مما يتيح تكبير الصباب ، الأمر الذى يؤدى الى سهولة تدفق الوقود والهواء وطرد العادم فى السرعات العالية وبالتالى قدرة حصانيه اعلى
مع الوقت والتطوير ظهرت المحركات ذات الشتة عشر صباب( اربعة صبابات لكل محرك منها اثنين للوقود واثنبن للعادم) وهذة بدورها تعطى فرصة اكبرلتدفق الوقود والعادم من والى المحرك، ومن ثم قدره حصانية اعلى، ولكن كان من الصعب جدا تصميم محرك ذو 16 صبابا وكامة واحدة حيث ان ذلك يودى الى تعقيدات ميكانيكية جمة، ولذلك ارتبط تصميم ال16 بالكامتين، وحاليا لا تجد محرك ذو 16 صباب الا وهو 2 كامة، ولذلك فإن الإختصارين DOHC و 16 V يعتبران متلازمين حاليا
:k48: :k48: :k48: :k48:
الظريف جدا في الموضوع اني قلت اشوف ده موقع ايه ومين اللي كاتبه لقيته موقع كونتاكت كارز في 18-12-2006 واللي كاتبه سبعاوي (المهندس خالد) عين أعيان نايل موتورز
رب صدفة خير من الف ميعاد ان شاء الله
الخلاصة الكامتين افضل من كامة واحدة والشارك محركها اقوى ومتطور اكثر (مايفك) وبيدي هورس باور اكتر 109 حصان والبومة 1600 بتدي 106 حصان
و مع ذلك بعد تجربة البوما 1600 و الشارك موتور البومة تحس انه فاقد الحدود يعنى مهما تقرص عليه على اى نقلة غبى ما بيقلش لا بس صوته لعنة ..المايفك فكرنى بالابيزا ال 1000 سى سى مع فرق التسارع طبعا لصالح الشارك
يعني افهم من كلام حضرتك ان الانسر البومه 1300 و 1600اقتباس:
المشاركة الأصلية كتبت بواسطة مصراوي جدا
16 صباب علي كامه واحده
ولا 8 صباب فقط ؟؟؟؟
سؤال اخر يا باشمهندس
حضرتك عارف ان اسعار التويوتا نزلت و في ملحق الجمعه بيقولوا ان الين الياباني انخفض فهل في اي تخفيضات قريبه لموديلات ميتسوبيشي ارجو التوضيح
و تقبل تحياتي
البومة 1300و 1600 محركها 16 صمام
وده لنك الكتالوج كامل PDF
http://www.mitsubishi-motors.com.eg/products/lancer/1600GLX/overview.html
وده لنك كتالوج الشارك PDF
http://www.mitsubishi-motors.com.eg/products/lancer/Lancer%20EX/overview.html
بخصوص الأسعار فعلا سعر الين نزل
عموما انا بابلغكم أول بأول بأي تغيير في الأسعار سواء صعودا أو هبوطا انما الموضوع راجع لادارة التسويق في الشركة وانا مسمعتش عن اي تغيير حتى الآن
شاكر جداً ليك يا باشمهندس طارق علي المعلومات القيمهاقتباس:
المشاركة الأصلية كتبت بواسطة مصراوي جدا
و ياريت حضرتك لو في جديد في موضوع الاسعار حضرتك تبلغنا لانك عارف نايل موتوز مرجع لناس كتير
و تقبل تحياتي :S_thum1[1]:
مشكور على المعلومات المفيدة يا باشمهندس طارق