مشكلة في الكتاوت وشحن الدينامو

**EGYANGEL** · 24-04-2009 06:47 PM

عندي شحن الدينامو الزايد بوظلي بطارية
جبت كتاوت تاني جديدة وبطارية جديدة من شهرين
واول امبارح كنت عند بتاع البطاريات كم شحن الدينامو قالي 15
خففلي كثافة الحمض وقالي عدي عليا يوم الاتنين
اه نسيت قبل ماروحلو كان عند القطبين ملح من البطارية
العيب في الكتاوت ولا ايه و15 دي كتير اوي ولا ايه؟؟؟؟؟؟؟؟؟؟؟

**samirayad** · 24-04-2009 10:46 PM

واول امبارح كنت عند بتاع البطاريات كم شحن الدينامو قالي 15

من معلوماتى المتواضعه ....المفروض خرج كتاوت الدينامو يكون من 12 الى 14 فولت .....وأكبر من كده مش كويس على البطاريه على وجه الخصوص [quote][خففلي كثافة الحمض وقالي عدي عليا يوم الاتنين/quote] الكهربائى ده راجل كويس وبيفهم وهو خففلك الكثافه ...علشان خايف على البطاريه من خرج الكتاوت الكبير......ولازم تروحله علشان يقيس الكثافه تانى ويشوف أيه الجديد .......هينفع تستمر على الكتاوت ده ولا لا

**EGYANGEL** · 24-04-2009 11:08 PM

تسلملي يا بشمهندس سمير على ردك
بس ياريت لو تعرف نوع كتاوت كويس
عشان زهقت من التركي اللي بتتباع عندي
لل 124

**mr_sameh** · 02-03-2010 01:18 AM

[QUOTE=samirayad;808048]من معلوماتى المتواضعه ....المفروض خرج كتاوت الدينامو يكون من 12 الى 14 فولت .....وأكبر من كده مش كويس على البطاريه على وجه الخصوص

[خففلي كثافة الحمض وقالي عدي عليا يوم الاتنين/quote] الكهربائى ده راجل كويس وبيفهم وهو خففلك الكثافه ...علشان خايف على البطاريه من خرج الكتاوت الكبير......ولازم تروحله علشان يقيس الكثافه تانى ويشوف أيه الجديد .......هينفع تستمر على الكتاوت ده ولا لا

كنت بدور علي معلومة الشحن دي

**Uranium** · 07-03-2010 12:49 AM

بس انا واحد كهربائى قاللى العربيات الجديدة تسعينات فيما فوق اللى نزلة بتكييف بيبقى الشحن بتاع الدينامو 15 عشان يعادل تشغيل التكييف ومايقدرش عالشحن دة غير البطارية الجافة انما لو حطيت بطارية مقطرة هتقصف عمرها , معرفش الكلام دة صحيح ولا لا

**wael6** · 18-03-2010 11:26 PM

السلام عليكم
كلامكم رائع وكان عندى استفسار الام بي ثري الولاعه شغال والعربية واقفه ولكن لما بدورها او انقل او مطب بيفصل روحت للكهربائي كذا مرة قالى غير الام بي ثري غيرته 3 مرات وبرده نفس المشكله واخر مره قالى كهربة العربية عاليه ومش هيظبط معاك هات mp4 ووصله مع شريط الام بي ثري مارايكم وهل كهربة العربية توطى شوية وتتظبط الولاعه ولا فيها مشكله