الموضوع: كيف تتخلص من مخالفة الشرطة قبل ما يكتبها الشرطي !!

المشاركة الأصلية كتبت بواسطة blazer

ههههههههههههه
جامده جداااااا
بس المشكله فى بلدنا هيكون ضربك بلنار بعد اول كلمتين

ولا هيحصل حاجة
احنا شعب ميت
والله ممكن انك تتصور اني ركبت مكروباص والسائق ولي جنبة كان بيلف سجاير بانجو وشربها في العربية والله محد من الركاب الة تلت التلاتة كام
خليها علي الله

السلام عليكم
أنا إتمسكت عكسي من أمين في مصر الجديدة - عكسي لأن الشارع بقى إتجاه واحد وانا معرفتش

وقالي الرخص إديتهاله حاولت أفهمه إني مظلوم وما أعرفش أن الشارع إتغير نظامه ,,ومافيش فايدة ,, شوية صعبت عليه
بس من نوع آخر
كان عاوز رشوة وبدأ يحور الكلام ويخوفني,, ويقولي عارف ديلوقتي الي بيمشي عكسي بيحصل فيه إيه ,, وبيدفع ألف جنيه وشوية ,, و و و و
بس إنت شكلك طيب ووشه قلب ضحكة خبيثة كأنه حصالة فلوس ,, الحدق يفهم
شويه إستعبطت كأني مش فاهم
بدأ يهدد وخلاص هايروح للضابط الناحية التانية ويعمل الإجراءات
قلت له توكل على الله إعمل الى إنت تشوفه صح ,, وبالفم المليان قلت له ,,,

إنما لو بتلمح إني أديك رشوة فإستحاله !!!!!

الراجل كأن عزرائيل نزل عليه
الكلمة والله خلته لف حوالين نفسه

أكدتها عليه وقلت له دي حرام وإنسى وربنا مش ها يبارك لك في أي فلوس بتاخدها كدة

الرجال لقيته بيديني الرخص ويقولي إتفضل يا شيخ وبما معناه أنا آسف
وحصلت تاني بعدها بس مع عسكرى
وتقريبا نفس القصة والله

بس هيا طبعا بهدلة لأن أصدقاء لي إتبهدلو بالنيابة فعلا يوم كامل ودفعوا ألف جنيه
ربنا يحفظكم من ضعفاء الضمير

سبحان الله وبحمده سبحان الله العظيم