صيانة ال 60000 و شوية نصائح محتاجها منكم

**Samir Elshahawy** · 25-04-2009 02:32 AM

السلام عليكم اخواني الكرام...

بعد كيلومترات قليلة أو خلال شهر علي أقص تقدير تصل سيارتي الغالية الي الكيلومتر ال 60000 حيث بدأت في وضع برنامج دسم لصيانتها و الكشف الدقيق علي أجزائها و من ضمن عناصر هذا البرنامج مايلي:

1- تغيير الفلاتر (زيت - وقود - هواء)
2- تغيير الزيوت (موتور - فرامل - باور)
3- تغيير مياه التبريد و غسيل الردياتير و مجاري التبريد
4- تغيير البوجيهات و كابلاتها
5- الكشف و الفحص للسيور
6- الكشف علي قواعد الموتور
7- تنظيف البوابة و فحص الحساسات و تنظيفها
8- الكشف علي خطوط ووصلات التبريد
9- الكشف علي خطوط ووصلات الهواء
10- الكشف علي خطوط ووصلات الوقود
11- تربيط العفشة و الكشف عليها
12- فحص الاطارات و ظبط الضغوط بها
13- عمل مراجعة للزوايا
14- الكشف علي الفرامل
15- الكشف علي زيت الفتيس
16- غسيل الموتور
17- الكشف علي أجزاء ماسورة العادم

و الان السؤال و النصيحة منكم فيما يلي:
- هل من بنود أخري أغفلتها فتذكروني بها ؟
- أي من هذه الاماكن تنصحوني بها لتنفيذ هذه البنود
1- التوكيل (أبورواش)
2- التوكيل (بالعباسية)
3- محمد عبده
4- مركز الخدمة الذي أتعامل معه (فرنش موتورز بالرحاب)

- و هل يتم الكشف علي أسطوانة الدبرياش ؟ و كيف ؟

أسف علي الاطالة و شكرا لكل من يشاركني الرأي أو النصيحة

م/ سمير الشهاوي

**samirayad** · 25-04-2009 02:42 AM

4- مركز الخدمة الذي أتعامل معه (فرنش موتورز بالرحاب)

من رأيى .....خليك مع اللى تعرفه وأتعاملت معاه.....وأكيد فيه ثقه وعلاقات طيبه متبادله

- و هل يتم الكشف علي أسطوانة الدبرياش ؟ و كيف ؟

طالما سحب العربيه كويس .....والأستجابه بين المكنه وعمليات النقل عبر الدبرياش تمام .....ومفيش مشاكل (زى صوت مكنه بيعلى مع التحميل على الأكسراتير بدون سحب كويس )...........يبقى شيل الموضوع ده لبعدين (لأنه مرتبط بطريقة أستخدام السياره ....ومع الأستعمال النضيف بيعيش الدبرياش ....وطبعا أنت أدرى بالحاله ....ولسه أنت قايل النقطه دى من قبل )

_ بالنسبه للبنود الأولى .......أحنا اللى بنشكرك على المرجع الجميل ده فى أعمال الصيانه..........ومفيش بعد كده كلام ....

**moudy88** · 25-04-2009 02:58 AM

اهم حاجه سير الكاتينه لوحضرتك مكنتش غيرته قبل كده لانه كده عمره الافتراضي ممكن يكون انتهى .... والكاوتشات لو متغيرش من الزيرو متهيالي كده كفايه عليها 60000 كم برضه كعمر افتراضي ...

**Samir Elshahawy** · 25-04-2009 03:03 AM

باشمهندس / سمير ...
متشكر اوي علي ردك السريع جدا, و فعلا أنا من يوم ماطلعت العربية من الضمان و أنا باتعامل مع مركز الخدمة ده و بأرتاح معاهم , كفاية أني بأقدر أشوف عربيتي و كمان أمد أيدي معاهم , بس المشكلة المرة دي أني عايز أكشف علي الحساسات و أختبر كفائتها و عايز تقرير وافي بحالة العربية علشان لو قررت أبيعها

**Samir Elshahawy** · 25-04-2009 03:05 AM

المشاركة الأصلية كتبت بواسطة moudy88

اهم حاجه سير الكاتينه لوحضرتك مكنتش غيرته قبل كده لانه كده عمره الافتراضي ممكن يكون انتهى .... والكاوتشات لو متغيرش من الزيرو متهيالي كده كفايه عليها 60000 كم برضه كعمر افتراضي ...

الحمد لله السيور كلها تم تغيرها عند ال 40000 كم و الكاوتش كله جديد ماكملش ال 20000 كم

**samirayad** · 25-04-2009 03:12 AM

بس المشكلة المرة دي أني عايز أكشف علي الحساسات و أختبر كفائتها

يفضل متخليش حد يجى جنب الحساسات ......وكل اللى ممكن تعمله نظافة البوابه وبلف الأيدل ( وده ممكن تعمله فى المركز عندك ) وكفايه أن كل حاجه بتكون قدامك زى مابتقول....يعنى كله under control

_ فى التوكيل مابيخلوكش تشوف العربيه ........علشان كده ....من رأيى عندك أفضل

عايز تقرير وافي بحالة العربية علشان لو قررت أبيعها

وملوش لازمه تقرير ولا غيره......وحتى اللى بيشترى عربيه مبيعتمدش على الورق ......بيعتمد على الفحص والتجربه.......

_ وبعدين أنت ناوى تسيب الدايو ولا أيه.......دا أنت البركه عندنا فى الدايو : ياريس.........

ربنا يباركلك فيها ويهديهالك...............

**Samir Elshahawy** · 25-04-2009 03:22 AM

وبعدين أنت ناوى تسيب الدايو ولا أيه.......دا أنت البركه عندنا فى الدايو

بصراحة ماأقدرش أسيبكوا حتي لو بعت "اللانوس" اللي وقت الجد بتصعب عليا و ماأقدرش أفرط فيها الا ل اللي يصونها و يعرف قيمتها , بس أعمل أيه خايف عليها من الركنة