الموا تير

**Hamlet** · 20-09-2007 01:26 PM

ياريت حد من المهندسين يشرحللى الفرق بين المواتير المتلفة فى فئة السيارات المتوسطة
1300 - 1600 و ما هو افضلها و احدثها و اكثرها اقتصادا فى الوقود و افضلها لمواصفات البيئة ..فمثلا السيارة اوكتافيا يقول كتالوجها موتور OHC فهل هذا الموتور افضل ام اضعف من مواتتير بأ سم : SOHC - DHOC ؟ و ما معنى MPI المكتوب على السياره من الخلف ؟ و هل وجود 8 صباب بدلا من 16 صباب بالاوكتافيا و كثير من سيارات فولكس فاجن يقلل من كفاءة الموتور
مع الشكر

**Adham** · 20-09-2007 02:46 PM

DOHC هو الموتور الاتنين كامة زي معظم المواتير ال 16 صباب الجديدة الاتنين كامة الياباني و الكوري

SOHC هو موتور كامة واحدة و غالبا بيبقى 8 صباب وبعضها 12 صباب بخاصة في بعض السيارات الياباني الهوندا تحديدا في الثمانينات و نادرا ما تجد سيارة 16 صباب كامة واحدة و ان وجدت في بعض الأحيان (انا عربيتي الهوندا الأكورد كامة واحدة 16 صباب)

MPI (Multi Point Injection) يعني حقن متعدد النقاط بمعنى ان الوقود بيدخل غرفة الحريق من كذا بخاخ في وش السلندر مش من بخاخ واحد لكل غرفة

طبعا المواتير ال 16 صباب بتكون اقوي و بتدي تسارع احسن لان زيادة عدد الصبابات تزيد من سرعه الهواء في الدخول لغرف الحريق و بالتالي من التسارع

انا بس مش فاهم قصدك بكلمة "المواتير المتلفة" ياريت توضح علشان اقدر افهم

**Hamlet** · 20-09-2007 03:01 PM

شكرا ادهم باشا على الرد السريع ..
طبعا حكاية ا
الواتير " المتلفة " ده غلطة مطبعية .. كنت اقصد المواتير الختلفة ..طبعا المواتير اذا كانت " متلفة " تبقى كارثه !! :lol: :lol:
لكن ناقص فى اجابتك حاجة علشان جايزتك توصل 75 قرش :lol: :lol: :lol: هو تعرف حاجة عن موتور الاوكتافيا و هو من نوع : OHC و هل هو كامة واحده ام اثنين ؟
و كمكان يا باشا ما هو موتور CVVT ?

و شكرا جدا جدا جدا .....

**Adham** · 20-09-2007 03:27 PM

ال OHC هو عامود الكامة العلوي
overhead camshaft

http://en.wikipedia.org/wiki/Ohc

وبالتالي ف SOHC تعني Single Over Head Cacshaft و كذلك DOHC فتعني Double Over Head Camshaft

اما Continuous variable valve timing (CVVT)

http://en.wikipedia.org/wiki/CVVT

وهو نظام يجعل توقيت فتح و اغلاق صبابات المحرك متغيراً لا نهائيا خلال تشغيل المحرك

**Hamlet** · 20-09-2007 04:57 PM

كل ده كويس بس حيث ان معلوماتى فى ميكانيكا السيارات لا تزيد عن معلومات شعبان عبد الرحيم فى الذرة فما هو ترتيب المواتير فى الكفائه لمراعاة ذلك عند شراء عربيه جديدة ؟ و بتطبيق ذلك مثلا فى المقارنة بين : الينترا - كورولا - تيدا - فورد - اوكتافيا ؟
فبالاضافة الى انواع الموتور السابق ذكره فهناك التكنولوجيا المستخدمة فى مواتير هذه السيارات مثل : CCVT - VVT - DVVT - VVC - VVTL-i - i-VTEC - MIIVEC الخ .. ايييييييييه ايييييه .. حاجة تعقد :( خصصوصا انى مش من المقتنعيين بأن الجهل نورن :lol: :lol:

**Adham** · 21-09-2007 02:58 PM

أهو كدة بقى يبقى شعبان عبدالرحيم و عاوز ياخد دكتوراة في الذرة في حصة محو أمية واحدة ههههههههههههههههههه

الموضوع عاوز قراية كتير و تفهم الاول موتور العربية بيشتغل ازاي و كل جزء فية بيعمل اية و بعدين تقدر تفهم اية الفروقات بين المواتير دي و المصطلحات دي بتعني اية

و من حيث الافضلية, مانقدرش نرتبهم كدة
لازم نعرف موتور اي موديل في و انهي سي سي و بالتالي نقدر نشوف مين اقواهم
وبعدين غير القوة برضة نشوف الاستهلاك في البنزين ودة بيتناسب عكسيا مع قوة وعزم الموتور
وفية ناس يهمة العربية الموفرة مش بس اللي موتورها قوي

و بعدين با فرحتى بكل العزم و كل الوفر في البنزين لو الموتور دة غير معمر و مابيعيشش و بيحتاج قطع غيار كتير و اول بأول زي الفيات و الهونداي مثلا

و بعدين العربية الكويسة في الامارات و السعودية و قطع غيارها متوفرة غير في مصر لو قطع غيارها مش موجودة و غالية جدا
زي الفورد و الكاديلاك مثلا

**Hamlet** · 21-09-2007 06:51 PM

انا باحب ادهم مواتير ..و باكره اسرائيل ... ايييييييييييييييه ... اييييه :D :D
شكرا يا صديقى بس انت اتكلمت شوية فى العموميا ت و " زغت " من الاسئلة الصعبة ... ايييييه ... اييييه ... :!: :!: :!:

**amr elkady** · 22-09-2007 06:20 AM

bas fe3lan ma3lomat kayma gedan shokran leko

الموضوع: الموا تير

LinkBack

أدوات الموضوع

عرض

-

الكلمات الدلالية لهذا الموضوع

المفضلات

المفضلات

ضوابط المشاركة