البوجيهات بتطلع مليانة زيت هل دا سببة ان الصباب لازم يتغير زى ما قال لى الميكانيكى
عرض للطباعة
البوجيهات بتطلع مليانة زيت هل دا سببة ان الصباب لازم يتغير زى ما قال لى الميكانيكى
لا هى مش الصبابات كده على طول (لأن لازم تشوف حالة الصبابات الأول )..........بس سبب الزيت اللى على البوجيهات بيكون غالبا بسبب تلف كاوتش الصباب ......وياريت تحكيلنا برضه عن شكل العادم وفائظ المحرك ( الخرطوم اللى رايح لفلتر الهواء ) .........فيه زيت بيطلع منه كتير ولا لا .......علشان نفكر معاك فى كل الأسباب المحتمله........وكلنا حنقولك على الصح أن شاء الله
اويد كلام مهندس سمير ، كاوتش الصباب بايظ او طقم الشانبر بايظ، يمكن الى حد كبير تحديد ايهما الى بايظ من خلال خرطوم الفايض، لو خرطوم الفايظ بيجيب دخان كثيف يبقى الشنبر او كلاهما ، لو خرطوم الفايض مش بيجيب دخان يبقى كاوتش الصباب هو اللى بايظ
يعني ايه خرطوم الفايض وفين مكانه
خرطوم الفايض هو الخرطوم اللى بيهرب الضغط الموجود فى غرفة الكرنك والناتج من هروب نسبة من الكبس ، ويختلف مكنه من سيارة لسيارة كما يختلف تصميمه بين سيارات الكاربراتير وسيارات الحقن ، لأنه فى سيارات الكاربراتير عبارة عن خرطوم واحد خارج من بدن المحرك الى تحت العمة لكنه فى سيارات الحقن يستبدل بمايسمى Pcv وهو عبارة عن خرطومين احدهما يدخل من مسار الهواء بعد الفلتر الى بدن المحرك والآخر يخرج من بدن المحرك الى الثروتل بادى، لذلك لو تكرمت بتحديد نوع سيارتك وموديلها سيساعدنا هذا فى معرفة مكان الخرطوم
انا عندي سيارة هيونداي اكسيل موتور انجكشن 1500 موديل 92والسيارة والحمد لله سحبها رائع لكن المشكله الزيت اللي على البوجيهات عملي قلق
طب ممكن لو تكرمتم تقولولي خرطوم الفايص في الـ 127 يكون فين ... وهل له نهاية طرف حر؟ ولا الخرطوم متوصل من الناحيتين ؟!
اه علشان كدة، ، المفروض ان يكون فيها خرطوم خارج من جسم الموتور رايح على الثروتل بادى، وخرطوم تانى خارج من بعد فلتر الهواء رايح للموتور، مفروض انك تفك الخرطومين من الناحية اللى مش فى جسم الموتور، وتسد الخرطوم اللى من بعد فلتر الهواء بيدك، وتسد الفتحة اللى كان راكب فيها الخرطوم التانى فى الثروتل بادى بيدك الثانية ثم تقوم بتدوري السيارة بيدك الثالثة، وبيدك الرابعة تقوم بتزويد البنزين ومتابعة خروج دخنة من الفتحة الوحيدة الباقية (هههههههه طبعا انا بهزر، لكن سد الفتحات هو كما انا ذكرته، يمكنك استعمال قطع قماش او قطع من فوطة مطبخ او خرقة قديمة)
عموما برضه خد بالك انى ماشفتش شكل المتور الانجكشن بتاع الاكسيل وبالتالى ممكن كلامى يكون نظرى، لكن حتى لو نظام البى سى فى المكون من خرطومين مش موجود، لابد ان يكون هناك خرطوم واحد لتهريب فائض الهروب غرفة الكرنك، يمتد من جسم المحرك الى الثروتل بادى