ماهى اسباب الزيت بالبوجيهات

**lada2010** · 25-04-2009 04:24 PM

البوجيهات بتطلع مليانة زيت هل دا سببة ان الصباب لازم يتغير زى ما قال لى الميكانيكى

**samirayad** · 25-04-2009 05:16 PM

لا هى مش الصبابات كده على طول (لأن لازم تشوف حالة الصبابات الأول )..........بس سبب الزيت اللى على البوجيهات بيكون غالبا بسبب تلف كاوتش الصباب ......وياريت تحكيلنا برضه عن شكل العادم وفائظ المحرك ( الخرطوم اللى رايح لفلتر الهواء ) .........فيه زيت بيطلع منه كتير ولا لا .......علشان نفكر معاك فى كل الأسباب المحتمله........وكلنا حنقولك على الصح أن شاء الله

**mahmmoud1980** · 26-04-2009 11:13 AM

يعني ايه خرطوم الفايض وفين مكانه

**sab3aawy** · 26-04-2009 12:55 PM

خرطوم الفايض هو الخرطوم اللى بيهرب الضغط الموجود فى غرفة الكرنك والناتج من هروب نسبة من الكبس ، ويختلف مكنه من سيارة لسيارة كما يختلف تصميمه بين سيارات الكاربراتير وسيارات الحقن ، لأنه فى سيارات الكاربراتير عبارة عن خرطوم واحد خارج من بدن المحرك الى تحت العمة لكنه فى سيارات الحقن يستبدل بمايسمى Pcv وهو عبارة عن خرطومين احدهما يدخل من مسار الهواء بعد الفلتر الى بدن المحرك والآخر يخرج من بدن المحرك الى الثروتل بادى، لذلك لو تكرمت بتحديد نوع سيارتك وموديلها سيساعدنا هذا فى معرفة مكان الخرطوم

**mahmmoud1980** · 26-04-2009 11:13 PM

انا عندي سيارة هيونداي اكسيل موتور انجكشن 1500 موديل 92والسيارة والحمد لله سحبها رائع لكن المشكله الزيت اللي على البوجيهات عملي قلق

**sab3aawy** · 27-04-2009 09:04 AM

المشاركة الأصلية كتبت بواسطة mahmmoud1980

انا عندي سيارة هيونداي اكسيل موتور انجكشن 1500 موديل 92والسيارة والحمد لله سحبها رائع لكن المشكله الزيت اللي على البوجيهات عملي قلق

انت متأكد انها انجكشن؟

**roky** · 27-04-2009 10:04 AM

طب ممكن لو تكرمتم تقولولي خرطوم الفايص في الـ 127 يكون فين ... وهل له نهاية طرف حر؟ ولا الخرطوم متوصل من الناحيتين ؟!

**mahmmoud1980** · 27-04-2009 10:18 AM

المشاركة الأصلية كتبت بواسطة sab3aawy

انت متأكد انها انجكشن؟

ايوة انجكشن اربع رشاشات استعمال الخارج مجهزة طبيا

**sab3aawy** · 27-04-2009 12:07 PM

اه علشان كدة، ، المفروض ان يكون فيها خرطوم خارج من جسم الموتور رايح على الثروتل بادى، وخرطوم تانى خارج من بعد فلتر الهواء رايح للموتور، مفروض انك تفك الخرطومين من الناحية اللى مش فى جسم الموتور، وتسد الخرطوم اللى من بعد فلتر الهواء بيدك، وتسد الفتحة اللى كان راكب فيها الخرطوم التانى فى الثروتل بادى بيدك الثانية ثم تقوم بتدوري السيارة بيدك الثالثة، وبيدك الرابعة تقوم بتزويد البنزين ومتابعة خروج دخنة من الفتحة الوحيدة الباقية (هههههههه طبعا انا بهزر، لكن سد الفتحات هو كما انا ذكرته، يمكنك استعمال قطع قماش او قطع من فوطة مطبخ او خرقة قديمة)
عموما برضه خد بالك انى ماشفتش شكل المتور الانجكشن بتاع الاكسيل وبالتالى ممكن كلامى يكون نظرى، لكن حتى لو نظام البى سى فى المكون من خرطومين مش موجود، لابد ان يكون هناك خرطوم واحد لتهريب فائض الهروب غرفة الكرنك، يمتد من جسم المحرك الى الثروتل بادى

-

الموضوع: ماهى اسباب الزيت بالبوجيهات

LinkBack

أدوات الموضوع

عرض

-

-

-

-

المواضيع المتشابهه

ماهى اسباب نقص الزيت؟

ماهى اسباب تلف الموبينا

ماهى اسباب عومان السيارة

ماهى اسباب الحوادث؟

ماهى اسباب المساعدين يجلبوا زيت

الكلمات الدلالية لهذا الموضوع

المفضلات

المفضلات

ضوابط المشاركة