سؤال للسادة مالكى F3

**med030** · 27-04-2009 06:31 AM

الاخوة الاعزاء مالكى F3
عندى مشكلة غريبة فى سيارتى F3 من ساعة ما اشترتها وساعات كتيرة اسمع صوت حكة قوية عند استخدام الفرامل بالظبط زي صوت تيل الفرامل اللى خلص , ولما رحت التوكيل فى صيانة الالف وقلتلهم على الصوت المهندس قاللى ده عادى ده صوت ال Abs . طبعا انا مش مقتنع على الرغم انى ماسمعتش عربيات تانية بتعمل الصوت دة فحد ياريت يقولى اية الحكاية واعمل اية
مع جزيل الشكر

**agentmastermind** · 28-04-2009 08:08 AM

الصوت ده عادي جداً انا معايا f3برضه وكنت فاكر زيك كده بالظبط لغاية لما كشفت وسألت وعرفت ان الصوت ده هو ان الabsبيشتغل علي الفرامل نظام ذبذبات فالبالتالي انت بتسمع الصوت ده وبتحس بالرعشة وده عادي جداص في اي عربية فيها ABS
تمام يا باشا

**bateka555** · 28-04-2009 04:54 PM

الكلام دة صحيح حتى أنا غيرت التيل وبردة نفس الإحتكاك فى الكبس الجامد على سرعات وهو دة ال Abs

**muslem** · 16-06-2009 09:37 PM

صوت كان دب دب دب كده ده الabsلما تكون على سرعات عالية و حماى مهندس طيران كان معى لما اكتشفت الحكاية دي قال ده زي نظام الطيارة بيعمل كده علشان العجل لا يقفش ففهمت انه الabs

**sv065** · 24-06-2009 11:56 PM

السلام عليكم

يا جماعة الكلام ده غريب شوية

فرامل abs لا يصدر عنها أي صوت ولا تسبب رعشة في السيارة نهائيا

وده من ركوبي لسيارات مختلفة فيها النظام ده وآخرهم ال byd

والكلام ده في الغالب عيب في الطنابير

وضروري جدا يتم فحصها عند متخصص ويفضل في التوكيل

مشكورين

**محمد ابراهيم 1** · 12-07-2009 12:51 PM

لأ مع احترامى
العربية اللى فيها abs بتعمل كده لو دست جامد على الفرامل
أو كنت ماشى على طريق زلق زى اسفلت وعليه رمل مثلا

**lolo2884** · 15-07-2009 09:23 PM

السلام عليكم ورحمة الله وبركاتة

الصوت الصادر هو نظام مانع الإنغلاق

**ahmedelnahas** · 03-11-2009 01:56 AM

المشاركة الأصلية كتبت بواسطة محمد ابراهيم 1

لأ مع احترامى
العربية اللى فيها abs بتعمل كده لو دست جامد على الفرامل
أو كنت ماشى على طريق زلق زى اسفلت وعليه رمل مثلا

كلامك مظبوط فعلا واللي يركب اي عربية فيها اية بي اس يحس بالرعشة في وقت الزحف فقط او الزحلقة لكن لو ماشي عادي مش بتحصل وتفرمل بنعومة وبدون رعشة
البي واي دي بتاعتي كدة من اول مستلمتها زيرو لحد دلوقتي بقالي 3 سنين تقريبا

**bedoo100** · 06-11-2009 01:56 AM

يا شباب انا كان معايا العربيه f3 موديل 2007 و الما عملت 200 كيلو بس حسيت بالصوت ده فبرضه قالولي ده الاي بي اس بس انا سالت بره التوكيل لان الصوت كان مصاحب لرعشه في الدريكسيون و الدواسات عند الضغط علي الفرامل و امتشفت ان الطنابير بايظه

المهم رحت قابلت مدير الصيانه و عاين العربيه بنفسه فعلا اكد موضوع الطنابير و تم تغيير الطنابير الاماميه خلال يومين

يعني لو الصوت دبدبه بس مع الفرمله الجامده يبقي ده صوت الاي بي اس
لكن لو في رعشه في الدرركسيون او الدواسات لازم تكشف علي الطنابير

**sv065** · 12-04-2010 07:52 PM

علي فكرة مهم جدا جدا يا جماعة نوع التيل اللي يتركب
لأن ده بسببه ممكن تخسر الطنابير زي ما كثير من الزملاء حصل معاهم

لأن التيل الرديء بيكون فيه نسبة معادن عالية بتجرح الطنابير وبتعمل عالي وواطي وبتسخنها

وطبعا أفضل نوع التيوتا الأصلي ولو إنه غالي لكن المهم بلاش الأنواع الرخيصة أوي دي اللي ب 60 و70 و80 كمان