هذا رأى بدون تحيز او تعصب
انا عاوز ارد على كل شخص هنا قال ان الكورى زى اليابانى زى الاوربى زى كل الى عاوز يقولة
انا عاوز اسئل سؤال : لية الخناقات فى المنتدى بين اليابانى والكورى بس وما دخلش الاوروبى بينهم
انا هقول لية لان الكورى واليابانى متقاربين فى من بعض مع الفارق ان الصناعات اليابانية وخاصة السيارات افضل من الصناعات الكورية وان تفاوتت مقايس السيارات من حيث ان الكورى افضل فى اية واليابانى افضل فى اية بس اسمحولى اقولكم ان العربيات اليابانى هنا فى مصر مش عربيات وانما حاجة كدا تقضية واجب لينا كا شعب فقير وجمارك السيارات فية عالية فا طبعا هينزلو حاجة عادية جدا وسعرها هيكون عالى بردو مع ارتفاع اسعار الوكلاء هنا فى مصر ومحاولة بيع السيارات باعلى سعر ممكن
وقارنو بين (هيونداى اكسيل 1997 ب تويوتا كورولا 1993 ) فا شوفو العربيتين دلوقتى ودى شكلها عامل ازاى بعد 13 سنة ودى شكلها ازاى بعد 17 سنة وثبات الاكسيل على الطريق وثبات الكورولا على الطريق والخامات المستخدمة فى الكورولا ومثلها فى الاكسيل والعمر الافتراضى لكل السياراتين
ومن حيث الاختلافات ما تنسوش ان بيكون فى حاجات بسيطة جوة العربيات بتفرق فى العربية
احنا هنا فى مصر العربيات اليابانى لينا زى الزفت مقابل اليابانى برة فى اوروبا وامريكا والخليج
وكان فى عضو فاضل هنا كان بيقول انة معاه تويوتا مستلمها فى الشغل وان العربية لا تفرق فى حاجة عن الكيا ولكن الكيا انعم وسحبها احسن وان التويوتا اقوى شوية مع احترامى لحضرتك ان الكورولا والهوندا سيفك من اكتر السيارات المحترمة والى انا ركبتها ولى تعليق على حادث كان حصل لواحد صحبى وبالنسبالى اكتر من اخ لولا ستر ربنا الحمد لله على كل حاجة وكان معاه كورولا ان الكاوتش انفجر منة وهو ماشى على الطريق بسرعة 150 كم وبيعمل غرزة فا العربية ما شاء الله ما انقلبتش ولا حاجة بالعكس هى لفت حوالين نفسها ووقفت والحمد لله انما لو دى سيراتو او النترا او اى عربية كورى كانت اتقلبت فا يا جماعة مش هنساوى الكورى الى لسة طالع من حوالى 30 سنة باليابانى الى بقالة اكتر من 60 سنة بردو الخبرة بتفرق وماتنسوش ان العالم دلوقتى مفتوح وكلة بياخد من بعضة وما تنسوش بردو ان موتور الكيا ال 124 حصان الى لسة جديد فى السوق هو الى كان فى الهوندا سيفيك موديل 94 فا التكنولوجيا الكورى منقولة من اليابان لكوريا فا انا بقولها بردو يا بشر مش هنساوى كل حاجة ببعضها لان بردو اليابان ليها افضليات كتير فى صناعة السيارات
ومع احترامى للصناعة الكورية التى تقدمت فى الاونة الاخيرة واصبحت صناعة جيدة ومقبولة فى الاسواق العالمية ولها منى كل تقدير واحترام وعقبال يارب ما نعمل حتى توك توك
[overline]مع تحيزى للسيارات الالمانية وبشدة ومدى عشقى وحبى لها بعيد عن الكورى واليابانى والامريكى واى صناعة اخرى [/overline]