الموضوع: بخصوص النيو سيراتو , أرجو المشاركه من الجميع !!!

فرق السعر بين اليابانى والكورى وخصوصا كيا بتوكيلها الجديد المحترم ليس فرق الجودة بل فرق ان توكيلات السيارات اليابانية فى مصر حرامية ومبالغين جدا فى اسعار سياراتهم وخصوصا توكيل الهوندا ودا طبعا علشان ثقافة الشعب المصرى فى التمسك باليابانى يعنى مثلا فى حالة الركود فى المبيعات فى الفترة الاخيرة توكيل ميتسوبيشى نزل سعر اللانسر الشارك الكاملة من 160 الف الى153 الف ودا يدل ان السيارات معروضة باسعار خيالية عكس سعرها الحقيقى وفى نفس الوقت لوكانت النيو سيراتو بكل المميزات اللى فيها نازلة تبع غبور مثلا ماكانتش هتبقى اقل من145 الف بل ممكن ازيد كمان

الياباني و الكوري و الأوروبي يعتبروا متساوون .
بس مينفعش أقارن ماروتي ....... و أقول دي ياباني بعربية زي الكيا سيراتو مثلا . و أقول أن السيراتو أقل علشان كوري

لما أقارن ......أقارن نفس الفئة أو حتى نفس المستوى السعري أو الحجمي للعربية .

أنا بوجه كلامي لأخي نادر نبيل .
علشان هو قارن بيكانتو ....... بكورولا . و ده مينفعش ......... و بعدين راح حاطط الأوكتافيا معاهم .


نقطة تاني
لما نيجي نتكلم عن السيراتو الجديدة
العربية ممتازة ....... أسم كيا لا غبار عليه منذ أن نزلت السوق المصري و هي ماركة محترمة و سيارتها مازالت تسير في شوارع المحروسة بكل اقتدار و بدون مشاكل برغم المشاكل المتكررة مع الوكلاء الكثيرون الذين تغيروا كثيرا في السنوات الماضية إلى أن أستقر التوكيل مع محمد نصير .

إنما كيا كعربية ............. أو كماركة .... ممتازة .

الياباني سيارات ممتازة و بصراحة اليابان لهم أختراعات و أبتكارات في السيارات لا أحد يستطيع أن ينكرها .
بس بصراحة أسعار عربياتهم ...... أستهبال رسمي
الحكومة فعلا حاطة العربيات دي في فئة جمركية عالية بالاضافة لجشع وكلائهم ......
يبقى أنا كدا لما أروح أشتري عربية ياباني بدفع يجي مش أقل من ربع ثمنها للحكومة في هيئة جمارك و بعدين ربع تاني للوكيل .
يبقى ليه ؟؟؟؟؟؟؟؟؟؟؟؟

ليه أروح أشتري عربية كورولا مثلا ب 150 ألف لحلوح ......... لما ممكن أشتري النتر أو سيراتو أو واجا من بروتون وأوفر فرق الفلوس الرهيب .

طيب صحيح محدش هايختلف على جودة الكورولا
إنما فرق السعر ............رهيب بجد .
يعني مثلا الكيا أعلى فئة ب 127 ألف لحلوح و أنا شايف برضه أنها غالية سنة بسيطة .
الكيا هاتديني كل اللي الكورولا هاتديهوني ما عدا ..... علامة تويوتا على مقدمة السيارة .
يبقى الكيا تكسب ... في رأيي .
أو مثلا واجا من بروتون ..... صحيح موتورها أقل في القوة الحصانية إنما هما الأثنين نفس الفئة و معاهم عربية زي الأوكتافيا .... أقل في القوة الحصانية لكن نفس الفئة .
شوف الفرق في السعر أد أيه ؟؟؟؟؟؟؟؟؟

محدش هايعرف الفروق اللي أنا بتكلم فيها دي غير اللي بيفكر في عربية و مش أسم العربية .

يعني يقارن عربية بعربية من غير أسامي .


أنا قلت الأمثلة دي علشان أبين وجهة نظري ان الكوري زي الياباني زي الأوروبي
أهم حاجة المحافظة على العربية و صيانتها الدورية .

( كلامي عن تجربة مع عربيات ياباني و أوروبي و كوري ........ و أخير ....... ماليزي .... )

في نقطة كمان مهمة جدا

الحالة النفسية للمشتري .
ممكن واحد راكب تويوتا أو أي ماركة مشهورة و الماركة داخلة دماغه قوي .
و طلع فيها عفريت .......... عمره ما هيعيب على الماركة و لكن سيبتدع لها الظروف و الملابسات الأخرى التي أثرت على اداء تلك السيارة الخيالية .

و تخيلوا نفس الشخص راكب عربية كوري مثلا و طلع فيها نفس العيب اللي ظهر في العربية الياباني الخيالية .
الدنيا هاتقوم و مش هاتقعد ........ ليه ؟؟
علشان هو في دماغه ...... أن الياباني لا يعلى عليه و الكوريين دول كوخة و مش بيعرفوا يعملوا حاجة غير أنهم يقلدوا أسيادهم اليابانيين .

طبعا هي ثقافة شعب ......... و مش هاتتغير في يوم و ليلة و هاتأخد سنين طويلة بس التغيير هايكون للأجيال الجديدة اللي بتركب و تجرب الكوري .

نفس الأجيال القديمة اللي مازالت مقتنعة بالماركات الأوروبي أقتناع شديد و أن اليابان و كوريا و ماليزيا و كل الصناعون الجدد بالنسبة لأوروبا .
لا يعرفون شيئا غير أن أوروبا هي البطل المغوار في صناعة السيارات .
مع أن اليابان مثلا دلوقتي بتقدم أختراعات في العربيات و بتحذوا حذوا أوروبا في هذا المجال بل و هناك مجالات للتفوق .
و معاها كوريا ........... و معاهم ماليزيا .

أحنا ( كشعوب أستهلاكية ) بس قاعدين نقيم و عاملين فيها الخبراء اللي مفيش مننا
و مش عاجبنا لا كوريا و لا الصين و لا ماليزيا .

............ أحنا أساسا فاشلين ..........

و تحياتي للجميع .........
و أحترس ....... مصر ترجع إلى الخلف .......تيت تيت تيت تيت ......... تيت تيت تيت تيت .