عرض للطباعة
عندي الفرامل اصلا مش حلوه من اول ما جبت العربيه و هي اكسنت 2006 الشكل القديم...
بس بقي علي السرعات العاليه ...يعني فوق ال 150 ببقي مقلق اوي منها و بحس انها بتفرمل ناحيه اكتر من التانيه....
فهل ده طبيعي ان الفرامل تكون سيئه فوق ال 150 ولا ديه اكيد مشكله عندي...مع العلم ان الاكسنت فراملهم اصلا مش حلوه
والله ياعمرو أنا عندى الشاهين مشكلتها ان الفرملة صعبة شوية على السرعات العالية ولكن مظبوطة يعنى مفيش ناحية بتفرمل اكتر من الثانية ولا حاجة بس بتبقى صعبة شوية نظرا لسرعة السيارة
بالنسبة للأكسنت أنا خالى معاه أكسنت برضو 2006 زى بتاعتك بس ماافتكرش انه اشتكى من الفرامل بتاعتها برغم ان سواقته سريعة حبتين فممكن انت يكون عندك الطنابير متأكلة ( متجرحة ) من ناحية أكتر من الثانية فعشان كده التيل لما بيضغط على الطنبورة مش بيضبط معاك الفرملة بتاعت العربية فممكن تودى الطنابير للمخرطة عشان تتساوه زى بعض وبعد كده اشترى تيل جديد ( ما ينفعش تركب القديم على الطنابير بعد ما تتخرط ) وان شاء الله ماتشتكيش من الفرامل
على فكرة انا كان عندى نفس المشكلة دى فالشاهين عشان كده قلتلك يعنى مش بجرب معاك ولا حاجة وفعلا وديت الطنابير للخراط وجبت تيل جديد وبقت زى الفل الحمدلله ( بس لازم الميكانيكى يبصلك على الطنابير ويشوف ينفع تتخرط ولا لأ عشان لازم يكون ليها سمك معين عند الخراطة )
الخلاصة :
لو الطنابير ينفع تتخرط يبقى توديهم المخرطة وتجيب تيل جديد
لو قالك دى رقيقة ومش هتنفع يبقى اشترى طنابير أمامى جداد واشترى تيل جديد برضو
ممكن يكون فية زوايا مش مضبوطة في العربية اضبط زوايا عالاربع عجلات على جهاز كمبيوتر محترم و إتأكد لايكون فية عجلة مقدمة او مأخرة سنة (تحدف إتجاة شوية لو انت كابس بنزين, و تحدف الإتجاة المعاكس شوية وانت دايس فرامل)
اضبط الكاوتش كويس و يستحسن تجيبلك مقياس ديجيتال دقيق و تخلية معاك تضبط بية الصبح قبل ماتمشي و راجع كويس التكت اللي على قايم باب السواق علشان تعرف عربيتك مفروض تتضبط كام قدام وورا و سيبك من فتاوي الصنايعية
و بالنسبة للفرامل بقى الأول شوف هواء في العجل ممكن يكون فية هواء زيادة في عجلة امامية أو خلفية
و رجلش فرامل العجل اللي وراء تاني (لو كنت مرجلشة قريب يبقى اصبر شوية لما يطبع و يتاكل الفردتين زي بعض)
و إذا برضة ماضبطش يبقى غير التيل للأربع عجلات و شوف الطنابير اذا كانت حالتها وحشة غيرها او صنفرها صنفرة خفيفة
بس انا مش بشتكي من حدف خالص....الزوايا عندي مظبوطه ....و الفرامل قبل ال 140 بتكون عاديه....بس فوق كده لو كبست فرامل جامد شويه بحس ان الفرامل مش قادره علي الكوتش و الاقي العربيه مش مظبوطه و حاسس انها عايزه تعوم يمين و شمال في نفس الوقت :?
بس معتقدش انها عايزه تتخرط لأنها عاديه علي السرعات الواطيه
و شكرا علي الردود
1 - إكشف على التيل
2 - إكشف على الطنابير
3 - خد الهواء من مساتر الأربع عجلات
4 - إكشف على السرفو
5 - إظبط رجلاش فرامل اليد
ازاي يعني اخد هواء من الاربع عجلات ...مش فاهم قصدك
و ياريت توضيح وظيفه السرفو...لأني بصراحه نسيت :(
زيت الفرامل يتم ضغطه في كل عجلة في ما يسمى الماستراقتباس:
المشاركة الأصلية كتبت بواسطة 3mr Farrag
وعندما يحتوي الزيت على بعض الهواء يضعف ضغط الزيت وبذلك تضعف الفرامل
والميكانيكي يقوم بعملية التكريك ليخرج الهواء من الماستر في كل عجلة
وهي عملية روتينية معروفة وسهلة على الميكانيكي
وظيفة السرفو هو مساعدت رجلك في الدوس على بدال الفرامل وبالتالي سرعة إستجابة الفرامل
وعندما يخرب السرفو تحس إن دواسة الفرامل ناشفة وصعبة ومهما تدوس متنزلش معاك بسهولة
وبسببها الفرامل بتبقى ضعيفة جداً
والسرفو بيعطل نتيجة خرم في الجلدة الداخلية (الطاقية) وأحيانا نتيجة جلد الحبك الخاصة به
والميكانيكي الشاطر وأكرر الشاطر يقدر يكتشف بوظان السرفو من مجرد الإحساس بالنشوفية الزيادة لبدال الفرامل
ياريت تتبع الخطوات في الرسالة السابقة وربنا معاك
شكرا جدا يا احمد علي التوضيح
و ان شاء الله هبقي اشوف الموضوع ده
س الفرامل زي ما عمرو بيقول كويسه على 140 و وحشه بعد 150 مظنش يكون ده عيب فرامل.. اظن كده دي امكانيات الفرامل لأنها بتكون جايبه اخرها و كل ما مقاومه القصور الذاتي بتزيد الفرامل بتضعف اكتر
أنا رأيي إن الفرامل روح العربية
وأي مصاريف فيها مش خسارة
ولازم الواحد يطمئن منها 100% مش 99.5%
و الله انا حاسس شويه بكده :lol:
بس بجد انا بقيت اخاف ادوس فرامل جامد علي السرعات العاليه ....بحس ان الفرامل هتفك فجأه
مع العلم اني ساعات بجيب 170.....ده عادي انها متكونش كويسه علي السرعه ديه ...و لا ذي ما قال لي احمد1981.....
و اخير اقول ان العربيه كده من اول ما جبتها جديده
نسيت اقول كمان اني بشم ريحه شياط لما بدوس فرامل جامد و انا فوق ال 150.....
الفرامل على السرعات العالية بتاكل تيل العربية جامداقتباس:
المشاركة الأصلية كتبت بواسطة 3mr Farrag
وطالما مشيك كتير على سرعات عالية يبقى تكشف عليه على مدد متقاربة
المفروض إنه لو سليم ميطلعش ريحة شياط أبداً ؟؟
يمكن التيل القديم وحش ؟؟ الله أعلم ؟؟
إكشف عليها أحسن
ان شاء الله هشيك عليه
ديه الفرامل من اهم حاجه في العربيه :?
طيب حد يعرف ميكانيك كويس يشوفهالي.....اصل بصراحه مش بحب اعود اجرب ميكانيكيه و يوعودوا يألفوا....و ياريت حد قريب مني ....انا ساكن في الهرم
و شكرا
يبقى انت التيل عندك وحشاقتباس:
المشاركة الأصلية كتبت بواسطة 3mr Farrag
او بتستعمل نوع تيل سيء
اشتري تيل أصلي
الا قوللي هي طنابير الفرامل الامامية عندك مهواه و للا مصمطة
يعني لما تبص على سكينة طنبورة الفرامل من سنها تلاقي فيها فتحات للتهوة كدة مخلية شكلها من الحرف زي التوربينة او الترس ؟؟
لو مش كدة يبقى غير الطنبورتين دول و هات طنبورتين مهواه
و لو الطنابير عندك فيها ريجة يعني مدرجه مش سطحها املس بيبقى غير الطنابير برضة
1+اقتباس:
والله ياعمرو أنا عندى الشاهين مشكلتها ان الفرملة صعبة شوية على السرعات العالية ولكن مظبوطة يعنى مفيش ناحية بتفرمل اكتر من الثانية ولا حاجة بس بتبقى صعبة شوية نظرا لسرعة السيارة
سؤال عايز اعرف اجابتو من زمان هى الشاهين فيها سيرفو؟اقتباس:
وظيفة السرفو هو مساعدت رجلك في الدوس على بدال الفرامل
1+اقتباس:
المشاركة الأصلية كتبت بواسطة Adham
اتاكد ان التيل بتاعك صناعة كويسة... الخامات الرديئة مبتستحملش الحرارة
اتاكد ان الطنابير مفيهاش ريجة او عالى و واطى... و حسب ما اعلرف ان الاكسنت فيها طنابير مهواه و دى مبينجحش فيها الخرط و لازم تتغير
اما موضوع الحدفه ممكن يكون مساعد مش كويس لان على سرعة عالية مع فرملة بيبقى الحمل كبير على العجلات الامامية و لو فى مساعد وحش العجلة مش حتمسك فى الارض كويس و تخلى العربية تحدف ناحية العجلة اللى المساعد بتاعها كويس.
لو الموضوع فى الاساس ضعف فرامل يبقى امشى ورا نصائح الاخواة الافاضل لانها الاسباب الارجح لضعف الفرامل اما لو الموضوع حدفة و بس يبقى راجع الزوايا و المساعدين
كمان لو فى هوا فى عجلة و عجلة لا ممكن تسبب حدفة ناحية العجلة اللى مفيهاش هوا و كمان ضغط الكاوتش بيفرق فى الفرمة بس دة بيفرق فى المشى العادى كمان
MMamdouh
صحيح كنا ناسيين موضوع المساعدين دة الله ينور يا باشمهندس محمد
اكشف عالمساعدين كويس و غير التالف , انا كان عندي من فترة مشكلة في مساعد كان خفيف فكانت العجلة مش بتمسك كويس و بالذات لو الاسفلت مش ممهد يعني فية شوية زجزجة بسيطة كانت الفرامل ضايعه عالعجلة دي
و كمان الكبالن عملة كده فى عربية أخويا وخلية الفرامل تعبانة
شكرا يا رجاله علي الردود.....
و انا لسه بصراحه مانزلتش اشوف العيب ...بس بأذن الله هعمل باللي قولتوا عليه
اكيد يا ريس فيها سيرفو.. عربيتي القديمة كانت فيات 125 موديل 1983.. وكان فيها سيرفو.. دي حاجة اساسية..