-
الفتيس قارفنى .....
يا ريت يا جماعه لو حد ليه تفسير وحل للمشكله دى يقولها وياخد ثواب فيا عشان انا جبت اخرى
العربيه 128 مو 87 الفتي بتاعها بيزرجن فالتالت كتييييير اوى وفالرابع شويه صغيرين وكمان احيانا فالمارشدير علما بأن الزيت 90 واسطوانه الدبرياج سليمه والاستخدام للعربيه كويس جدا جدا ..... ايه دا بقى؟؟؟؟
-
لو افترضنا ان مافيش مشكله فى الدبرياج (اسطوانه - ديسك - بليه دبرياج ) وان خلوص الدبرياج مظبوط (مش عالى او واطى) وعلى فكره انا بنيت الاحتمال ده لانك قولت ان المشكله دى بس فى غيارين يعنى مش على كل غيار... يبقى احتمال كبير ان العيب فى الغوايش (synchronizers) بتاعة الترس الثالث والرابع.
وكتعريف بسيط للغوايش (synchronizers) هى عباره عن أجسام دورانيه مخروطية الشكل تساعد على تمهيد حركة التروس قبل تعشيقها (اوضح فى الصوره التانيه) وده اللى بيخلينا مانسمعشى صوت تعشيق التروس وطبعا بتكون موجوده فى المانويل GB . ولانها بتصنع من النحاس (معدن طرى مايكلش فى التروس) فمع الاستهلاك بتتاكل .... عفوا على مستوى اللغه انا ممكن أشرح بالانجليزى والله أسهل... وده بيتوافق مع الكلام اللى فى رساللتك اللى بتقول فيها ان المشكله على الثالث وشويه على الرابع ... لان الثالث هو االترس اللى معظم الوقت بنمشى عليه فمن المنطقى ان الغويشه بتاعتة اول واحده تبوظ.
الحاجه التانيه هاتلاحظ فى الصور الاولى ان الغوايش لها اسنان وان شكلها بيكون مختلف يعنى الفواصل بينها كبيره وبتاخد شكل مثلثى كل ده بيساعد على سهولة التعشيق وبيحصل تاكل اما فى المخروط او الاسنان النحاسيه للغوايش فلما تيجى تعشق سرعة التروس ما بتكونشى متزامنه مما يؤدى الى الصوت اللى بتسمعه.
http://static.howstuffworks.com/gif/...nchronizer.gif
http://squidsfabshop.com/muncrebu/images/rebuild1.jpg
-
كلام اخونا شرف هو افضل وصف لمشكلتك، بالفعل هى بنسبة 99.9% مشكلة غوايش
-
تمااااااااااااااااااااااا ااااااااام
-
شكرا يا جماعه على تجاوبكم ويا رب اخلص من الحوار دا
-
طيب والغوايش دي بتتخرط ولا بتتغير؟
ومين اللي بيصلح الفتيس الميكانيكي ولا فيه ورش مخصوصة؟
-
الغوايش بتتغير، وبيغيرها اما الميكانيكى او ورشة الفتيس المتخصصة
-
المارشدير ما لوش غويشه
أنا حاسس إنه ممكن يكون الدبرياج واطى شويه
-
طيب الاول والثاني عندي صعبين جدا خصوصا وانا بجيب الاول بحس ان الفتيس ممكن يتكسر ايه سببه؟
-
على الدبرياش بس شوية مش هيكلفك اى حاجة وجرب وامش مع الموضوع بصدر رحب و وحدة وحدة ان شاء اللة هتطلع حاجة بسيطة اشرف السقا
Content Relevant URLs by
vBSEO 3.6.0 PL2