الموضوع: هى دى مصر ياعبلة

النهارده الصبح كنت مسافر للقاهرة ورايح اركب ميكروباص لقيت طوابير كانت عاوزه تركب والسواق عمال يتأمر ويطنطط علينا قفلت ياواد متهينش نفسك وتذل نفسك وتركب معاه ليه
استنيت العربيه اللى بعدها وهووووب نطيت فيها قبل غيرى عشان الحق ويارتنى ماركبت فيها

ابتدينا من اولها السواق كان منظره غريب قوى كان تخين كده وعمره مبان عليه انه استحمى وشعره كان مكندش فى الاربعينات كده المهم عرفت السبب بعد كده انه كان مسطوووووووووووووووول
ووقف بينا فى الطريق قدام قهوه وجابله كباية شاى وركب العربيه فالظاهر ان الشاى كان سخن ففضل مطلع ايده بره الشباك وماسك الشاى وهو سايق وبيسوق بايده التانيه عشان يعرف يشرب الشاى

الحمد لله خلص الشاى وبعد شويه كده لقيناه عمال ياكل المطبات جامد والعربيه بتتطوح منه وكان داخل فى صف الخرسانه اللى فى نص الطريقوالناس قعدت تقوله حاااااااااااااااااااسب ييياااااااااااااااااسطااا اااااااااااااااوالحمد لله الصوت كان عالى ففاق ولحق نفسه وبعديين بعد شويه تانى العربيه كانت بتحدف ناحية الشمال وحيخبط فى عربيه كانت واقفه على جنب الطريق والناس قالتله حاااااااااااااااسسسبببببب ياااااااااااااااااااااااا اسطاااااااااااا ولحق وقعدوا يصرخوا فيه عشان يفوق وبعد كده قام مزعق فيهم وقاللهم بصوت اجش - انا لغاية دلوقتى انا مش عارف هو جاب الصوت دا منين - إإإإإإإإإيييييييييييييييي ه بتزعقوا كدا ليه منا كنت عارف انه كان فيه عربيه حتى بالاماره كان فيه واحده ست كانت معديه من جنبها وبعدين مالكوا انتوا خايفين على نفسكوا اوى فواحد رد عليه لأ يا اسطى احنا خايفين عالعربيه فقاله متخافش ياخويا العربيه دى عارفه سكتها كويس - اصل هى حماره - ولما بتشوف اى حاجه غلط بتزمر وتقول إييييييييييئ إييييييييييئ
بصراحه انا شفته وهو سايق من المرايه اللى كانت فى النص كانت عنيه مسبلة على الاخر وكان عمال يرفع وشه لفوق عشان مش قادر يرفع جفونه من كتر النوم اللى نزل عليه

والحمد لله بعد مفاق شويه قعد يهطرف بالكلام ويقول معلش ياجماعه اصل الواحد مبينمش غير ساعتين فى ال24 ساعه وبعدين قام ضحك وقال دول 24 فى ال24 ساعه -الظاهر كان متقل عالاخر- ولما كان بيسوق وهو فايق كان ابطأ بكتييير من وهو نايم ووقف تانى فى السكه وشرب ميه من قله وبعدين بعد موصلنا للقناطر نزل تانى وجاب لب وقعد يقزقز فيه وهو ماشى لدرجه كان فيه واحد من الركاب اتنرفز فجه واحد تانى مهديه وقاله معلش خليه ينزل عشان يفوقوالحمد لله وصلنا القاهره بعد حالى نص ساعه تاخير زياده

واحلى حاجه انه كان سايق فى السكه وكان ماسك الموبايل ومشغل وفضل حطه على ودانه لمده ربع ساعه من غير ميتكلم ولا يقول حاجه والسيجاره فى ايده التانيه فكان بيسوق بكوعه والمهم حاولت ادقق فى الكاميرا فلقيته مشغل الكاميرا وحاطط الموبايل على ودنه مش عارف ليه

الحمد لله على كل شئ

يمكن الحكاية دى لو كنت كتبتها فى منتدى فى اوربا والبلاد المتقدمه يمكن محدش كان صدقنى واتهمنى بالجنون بس فعلا كل الكلام دا حصل النهارده وبنفس التفاصيل دى وعماااااااار ياااااامصر