رجرجة فى الفرامل بعد تغيير بلى العجل الأمامى

**shoudy2005** · 27-04-2009 11:29 PM

السلام غليكم و رحمة الله و براكاته عندى مشكلة بعد تغيير بلى العجل الأمامى و هى او ماشى على سرعة فوق 130 و جيت ادوس فرامل الدواسة بترعش و الدركسيون بيرعش لكن اقل من كده مبحسش بحاجة ايه اللى حصل بالظبط؟

**Nader** · 28-04-2009 12:14 AM

لو كانت الرجة اثناء استخدام الفرامل يبقى المشكلة في الطنابير، اما لو اثناء السير عادي يبقى راجع وجود عالي وواطي بالكاوتش (بالالين)أو مشكلة في الترصيص وإن لم تجد مشكلة بالكاوتش فالمشكلة من الزوايا ومحتاجة ضبط واتزان.

**hesham_shousha** · 28-04-2009 01:08 AM

المشكله دى حصلتلى برضه لما غيرت البلى من حوالى خمس سنوات - لكن كانت بتحصل على اى سرعه
جربت حاجات كتير
أولا : عملت خراطه للطنابير
ثانيا : غيرت الطنابير
ثالثا : ركبت الطنابير القدبمه
رابعا : جبت طنابير ثانى جديده
فى كل مره العربيه كانت تمشى حوالى 1000 كيلو من غير رعشه وبعدين ترعش
فى الاخر صبرت عليها حوالى خمسه عشر الف كيلو وراحت الرعشه بالتدريج لواحدها
ولغايه النهارده موش مصدق إنها راحت وموش فاهم إذاى ؟؟؟؟؟؟؟؟؟؟ظ

**samirayad** · 28-04-2009 01:18 AM

_ من وجهة نظرى : طالما الرعشه حصلت بعد تغيير البلى الأمامى......فده بيجعل أصابع الأتهام تشير الى عدم قيام الميكانيكى بشحط البلى بصوره جيده داخل الصرر بتاعته ( يعنى البلى حاليا مش مشحوط كويس .....وممكن تكون حتحتاج تغير صرر عجل أماميه جديده ) طالما البلى الذى تم تغييره بنفس الأبعاد الأساسيه.......يعنى أنا شكك فى الصرر برضه......والبلى مشحوط خفيف .....وعلشان كده بيخللى الفرد تلعب مع الفرمله فى الأحوال الموضحه على أساس الرعشه بتتنقل من بارات الطرف (من عند شمعدان العجل ) اللى الأتياش ثم الأسكترا ثم الدركسيون وهكذا بسبب لعب الفرد فى الحاله دى...................ده رأيى والله أعلم

**aymoonoo** · 28-04-2009 05:04 AM

والله انا عندي نفس المشكله دي بس لما اضرب فرامل فوق ال40 بس تحت ل40 عادي مفيش هزه ولا رعشه ولا اي حاجه والي عملتو كالأتي غيرت طنابير قدام وغيرت تيل ولكن المشكله لسا موجوده كان في رعشه عالسرعات العاليه بس راحت مع الترصيص ضبط زوايه
ودلوقتي الميكانيكي بيقلي غير طنابير وره عشان نجرب وهوا شبه متاكد انها هيا دي المشكله بس الي انا مستغربله انه لو كان طنابير وره مش عتخلي الطاره تهز والهربيه تهز نت قدام اثناء الفرمله صح ولا انا غلطان هيا ممكن تخلي البدال بتاع الفرامل يهز ده حسب تخميني

**shoudy2005** · 28-04-2009 09:37 PM

انا فى حاجة مذكرتهاش من الأول يمكن تساعد شوية طبعآ العربية عندى موديل 79 و ماشية لحد دلوقتى 107 الف و متلعبش ابدآ فى بلى العجل ده خالص فلما الميكانيكى جه يشيل خاجة من الطنابير انا معرفش هيه ايه كانت مزرجنة فربط الطنابير فى زرجينة و قعد يدق جامد لغاية مطلع منها حاجة شبه الحلقة تفتكرو ده ممكن يكون ليه علاقة باللى حصل؟

**aYaBooY** · 29-04-2009 04:16 PM

طيب تعالى نفكر سوا
لو الميكانيكي شحط البلي غلط و الي اعرفة ان البلي المفروض يتفك من الصرة و يتركب الجديد عند خراص للسهولة
عموما لو كان راكب غلط و الاكس كدة مش مظبوط يبقي المفروض تحس بالرجة ديه طول ما انت ماشي و تبدا تقل مع السرعة
علشان عدد اللفات بيزيد بس انت المشكلة عندك بتظهر بس مع الفرامل و على سرعة عالية طيب الاهتزاز مع الفرامل بيكون بسبب عالي
وواطي في الطنابير و المشكلة مش بتظهر غير مع السرعة العالية يبقي انت كدة ممكن تكون المشكلة انه فيه ريجة بسيطة في الطنابير و بيساعد معاها
انها تظهر انه يكون فيه بوش في التيش بتاعت الدركسيون و اصدي بالتيش ممكن تتسمي البيض الداخلي للدركسيون طبعا انا مشوفتش عفشة
مرسيدس ابل كدة و ممكن يكون البوش ده في علبة الدركسيون نفسها
ده راي اتمني يكون صح و يفيدك و اتمنى لو غلط حد يصححلي

**shoudy2005** · 29-04-2009 11:30 PM

أولآ احب اشكر جميع الأعضاء الذين تفضلوا و شاركوا و خصوصآ استاذ سمير و ayaboy و hesham انا فيه حاجة كمان لاحظطها و هى صوت صوصوة لو ماشى و بيروح لو لمست الفرامل او حودت الدركسون ناحية اليمين مع العم ان الصوت من العجلة اللى ناحية السائق و لما روحت للميكانيكى علشان اكشف على العربية هو ظبط صوت الصوصوة ده من غير ما اقوله