ياريت ياباشا تسئالوا منين؟؟؟؟؟؟؟؟؟؟؟؟؟؟؟؟؟اقتباس:
انه قليل شوية فى السوق بس موجود , و سعره حوالى 450
عرض للطباعة
ياريت ياباشا تسئالوا منين؟؟؟؟؟؟؟؟؟؟؟؟؟؟؟؟؟اقتباس:
انه قليل شوية فى السوق بس موجود , و سعره حوالى 450
السلام عليكم استاذ توت اولا مشكور جداا للرد والافاده
انا اخدت بكلام حضرتك وروحنا غيرنا البطاريه عند كهربائى كويس وركبنا بطاريه تمنها 280 جنيه وفعلا قالنا نفس كلامك ان ده العمر الافتراضى للبطاريه
بالنسبه للتيل احنا وصلنا لحل اننا مانرحش نغيره فى التوكيل وهايشترى من بره واحد انضف حتى لو اغلى ده رئى جوزى فقط انما انا كان رئى انى لن اتنازل واخلينى ورا التوكيل لغايه مايشوفولى حل لكن جوزى مش فاضى يروح ويجى بيحب يريح دماغه
بالنسبه لوالدى فهو يعتبر من يوم مااشترى العربيه وهو زائر للفرع الرئيسى كل اسبوع تقريبا بص انا هقول لحضرتتك هى كلها مشاكل صغيره جدااا بس الواحد مضايق ان مافيش عنايه من قبل المهندسين يعنى كل ماتروح تصلح شىء ترجع بمشكله تانيه
انا والدى كان بيعانى من البنزين بس بصراحه مش عارفه اشرحلك بالارقام لانه هو اللى عارف هاسئله وهارد على حضرتك المهم العربيه كان فيها صوت كركره
وده ناتج عن زياده فى الكهرباء فاظبتلوه الموضوع ده خلاص وكانت عاوزه عوامه وقعد تقريبا 10 ايام لغايه ماكلم حد مسئول هناك وكلم المهندس امر وخلصلنا الموضوع والعوامه اتركبت اول امبارح طبعا كان فى مشكله فى السنتر لوك وشنطه العربيه ودى اتصلحت وكان فيه فرق فى الباب الخلفى وخلاص عملوة
بالاضافه ان كان فى 80 جنيه اخدوهم من قبل وماكنش ليهم اى داعى فاخصموهم
من تمن صيانه ال5000 كيلو المهم ووالدى خلاص مروح قالوله انت عندك مشكله كمان فى التاره تعالى فى اى وقت نعملهالك طبعاا انا والدى بياخد اجازات عشان يروحلهم
وبيضيع اليوم كله هناك فلينا يوم تانى الاسبوع اللى قادم ان شاء الله
المشاكل صغيره فعلا بس حرام تكون فلى عربيه زيرو احنا عندنا جار لينا اشترى لانسر 2007 ماشاء الله مش بيروح التوكيل اصلا الا لو فى صيانه بس
والمهندسين هناك عارفين شغلهم لكن فى عز العرب هما زوق جداا بس مش فاهمين حاجه سياسين فقط وان شاء الله تنتهى المشاكل عن هذا الحد
انا عاوزة اقول لكا الناس انى كنت من اكتر عشاق الجين تو او البروتون بصفه عامه
والى الان بعشقها وبرشحاها لاى واحد محتار فى شرائها برغم بعض المشاكل اللى بتقبلنا فيها جايز انا متحماله عليها لانى بعانى من مشاكل وفى العربيتين مره واحده
بس النقطه اللى وصلتلها ان التوكيل والمهندسين غير جديرين بماركه بروتون
وهايضيعوا سمعه البروتون لو مااحسنوش الصيانه وااسف للاطاله
كده بقى حضرتك طمنتينى بجد. حقيقى أنا متشكر لكلامك لإنى ما كنش فى حد مخوفنى غيرك خاصة فى الاختيار بين الجين و البيرسونا باعتبارك الوحيدة اللى بتملك الاتنين فأقدر على الحكم بحياد بينهم من أى شخص آخر.
مرة تانية ميرسى ليكى و يارب إن شاء الله تتحل كل مشاكلك فى العربيتين
تيل الفرامل اللى عند عز العرب عمره اطول شويه من تيل التجار اللى بره لكنه سىء جداا وتيل التجار عمره قصير بس مش بيسبب
اى صوت احنا توصلنا لشىء ان بدل مانشترى تيل من التجار رخيص وعمره هايكون قصير وممكن يأثر على الطنابير ممكن نشترى بوش الالمانى افضل هو سعره فى حدود 600 او700 جنيه بس عمره اطول وافضل تيل وتوصلت ان شركه بوش الالمانيه ليها توكيل هنا فى مصر فى التجمع الخامس فى منطقه الشويفات القاهره الجديده الشركه اسمها
a partتليفونها 26171961
احب اقول اضافه صحبي مركب تيل فرامل في الجين 2 بتاع الفيات بليو وشغال معاه زي الفل الحمد الله ورخيص
والله يا باشا التيل شغال معايه زي الفل انا دلوقت عامل تقريبا 13 الف ولاا بسمع صفاره ولاا بحس بحاجه ولمه افكر اغير هركب تيل سبور اسمو فورميلا سعرو تقريبا 600 قدام بس ولو لقيتو لو ملقتهوش في السوق هحط بتاع الفيات باليو صحبي مركبو بقالو شهرين وشغال معاه زي الفل سعرو 180:S_thum1[1]::S_thum1[1]:
انا بستغرب من الكلام الي بشوفو في المنتدى صوت في العفشه وحاجات في الكهربا وصوت في الطاره
ومعمله التوكيل الحمد الله كويسه جدا وبقف بشوف عربيتي وهي بتتعمل وكل حاجه بقولها بيعملوها بستغرب من الكلام الي الناس بتقولو وبيكرهو التوكيل اوي كده بس هي يمكن حظوظ
انا لاعب في حاجات كتير في العربيه زي جنط17 والسوست والتوطيه والحمد الله ملهاش اي تاثير سلبي وولاا حسيت باي عيب ولاا حاجه بالعكس ثبات خرافي على السرعات العاليه والملفات
والحمد الله على كل شي
واي استفسار في التعديلات او الصيانه اامروني وإن شاء الله يكون في حل لكل حاجه