مكونات الافطار ارجوا الرد سريعا اليوم-الجمعة او بحد اقصى غدا
السلام عليكم ورحمه الله
ده نص الرسالة اللي جاتلي من مهندسة منار عشان موضوع الفطار
شوفو ايه رايكم وده طبعا الفطار بس لكن احنا كمان هانجيب فاكهة وطبقين حلويات كبار من اي محل
او لو عايزين يعملولكم كنافة او قطايف قولوا بس ده مكونات الافطار بهامش ربح يكاد يكون منعدم لانه قليل جدا وخدمة ليا بس الحاجة يغلب عليها الطابع البيتي مش اكل المحلات
==============
السلام عليكم ورحمه الله وبركاته
إزيك يا كريم
معلش إتأخرت عليك على ما قدرت اضبط كل حاجه
زي ما قلت لك حتكون الوجبه إن شاء الله في حدود 35 جنيه الى 37 جنيه للفرد مكونه من طبق شوربه صغير + سلاطه خضراء + أرز بسمتي بالمكسرات و الزبيب + قطعتين كفته + قطعة لحم مشوى ( موزه ) + قطعة فراخ بانيه + قطعتين سمبوسه واحده بالجبن
و واحده باللحم المفروم و البقدونس
بالنسبة للعصائر ممكن لو مش حتاخدها من الربوة نفسها اديك شربات قمر الدين و نحسب
الكوب ب 2 أو 3 جنيهات مثلاً حسب التكلفه
على فكرة إنت حتاخد الأطباق معموله جاهزه و اللا حتاخدها في أطباق كبيرة و همّ حيغرفوا براحتهم هناك ؟
منتظرة ردك و يا ريت لو موافق تديني فلوس الأطعمه عشان الناس تحلق تشتري و تطبخ
========================
مستني رايكم بسرعة وانا النهاردة مش في البيت بس هادخل اتابع من الموبايل في عجالة
على فكرة لو حبيتم تعملو الحاجات دي عند حضر موت هاتدخل في 50 جنية الفرد وماضمنش النضافة
كريم