المساعدين ضربوا

**tayson54** · 28-04-2009 02:06 PM

يا شباب انا كنت في اوتوماستر بكشف علي العفشه وبربط عليها فالمهندس مصطفي في الأستقبال بعد الكشف علي العربيه قالي ان ال4 مساعدين جايبين زيت ...انا عربيتي لسه 27 الف كيلو معقول المساعدين ال4 يضربوا بالشكل ده والعربيه لسه زيرو امال لما هتقدم شويه هيحصل ايه
المهم انا شايف ان سعر المساعدين في التوكيل غالي (ال4 ب 2095 جنيه)وشكلهم مساعدين سكه ممكن يضربوا تاني بمنتهي السهوله فهل فيه اي حد هنا مر بنفس المشكله دي وجاب مساعدين من بره كويسين احسن من بتوع التوكيل دول ؟
ده غيرالتيل الأمامي اللي لسه مغيره في صيانه ال15 الف وبعدين بيقولي النهارده ان التيل عايز يتغير تاني ...هو انا بكله بسناني كل 12 الف اغير تيل وكل 25 الف اغير 4 مساعدين ...علي رأي فيلم عسكر في المعسكر يا اخي توكا

**Dr_Smart** · 28-04-2009 02:36 PM

هي العربيه ايه ؟

**tayson54** · 28-04-2009 03:01 PM

متأسف...اوبترا

**totaman** · 28-04-2009 03:49 PM

الله يطمنك يا ريس
ربنا يستر والله
بس ممكن اسال حضرتك سؤال
هل استخدامك هوة اللى عمل فى العربية كدة؟؟؟؟
والعربية موديل كام ؟؟؟؟

**Abdo_Eldesokey** · 28-04-2009 04:36 PM

أنا رأيي غير وركب مساعدين اسبور مونرو أو أي نوع الأعضاء ينصحوك بيه

وأهو تبقى استفدت من التغيير

ومفيش حاجة تخسرها لأن الأوبترا كده كده عفشتها ناشفة

**shock** · 29-04-2009 01:35 AM

لو انتا لسا في الضمان
خليهم يغيرولك المساعدين علي حسابهم
اصل مش مش معقولة ال4 يضربوا مرة واحدة كدا

**tayson54** · 29-04-2009 05:13 AM

استعمالي للعربيه هو اكتر حاجه هتجنني ده انا محافظ عليها جدا وباخد وقتي جدا وانا بعد اي مطب او حفره لدرجه ممكن العربيات ورا تعد تزمر علشان اخلص وبعد كل كده يحصل كده طب ما كنت فحت العربيه بقه مكنش حصل اكتر من كده
موضوع تغيير المساعدين في التوكيل عليه شد وجذب كتير لانهم بيقولوا ان المساعدين خارج الضمان وفيه ناس بتقول عليها ضمان لحد 20 الف بس لكن عموما انا هروح في صيانه ال30 واتبتت في التوكيل لما اشوف اخرتها ايه
بالنسبه للمساعدين المونروا هل ممكن الاقي مقاس مساعدين الأوبترا فيهم وتمنهم كام تقريبا لل4 ؟ والعربيه موديل 2008

**tayson54** · 29-04-2009 05:31 AM

انا دورت علي مواضيع المساعدين لقيت الناس بترجح مونرو او كوني والأغلب بيقول كوني افضل يا تري حد جرب اي واحد من دول علي الأوبترا يقول لنا اخبارهم ايه ؟

**shock** · 29-04-2009 05:32 AM

هو انا المهندس قالي كدا برده
المساعدين لحد 20 الف بس
انا اعرف واحد معاه افيو 2007
وكان مغير الاربعة وهو عامل 56 الف
هيا المشكلة انك تتمسك بحقك في الضمان